Бугун меҳридарём ўтган кун

Онам Қозоғистоннинг Туркистон шаҳрига яқин бўлган Қарноқ қишлоғида туғилиб ўсганлар. Тошкентда ўқиб дадам билан танишиб, турмуш қуришиб, қолган умрини Қашқдарёга бахшида этганлар.

Улар табиатан босиқ ва мулойим аёл бўлиб, мусофир юртга келин бўлгач, ҳеч қачон отамнинг юртига бегона бўлмадилар. Мактабда физика фанидан дарс бердилар. Отамнинг қавми-қариндоши кўп бўлиб, уйимиздан меҳмон аримас, онам ҳамиша очиқ чеҳра билан келган меҳмонни иззатлардилар.
Мен бу ҳурмат-эҳтиромни онамнинг отамга бўлган чексиз муҳаббатларидан деб биламан. Шу сабаб ҳам маҳалла, қўни-қўшни, ён атрофдагиларнинг онамга меҳрлари ўзгача бўлиб, оналар қизларига, қайноналар келинларига намуна қилиб гапиришганини кўп бор шоҳиди бўлганман. Шул сабабким, ёш келинлик даврларидан то онахон ёшларигача маҳаллада “тилло янгам” дея ҳурмат-иззатда бўлдилар.
Кўпчилик дадамнинг жиддийликлари ёхуд салобатлари босибми, бирор маслаҳатли иш билан ёки ёрдам сўраб келган қўни-қўшни, ҳатто қариндошлар борми, келиб онам билан дардлашишарди. Дадам ишдан келгач, онам ўз жойини топиб, кайфиятларига қараб батафсил айтардилар. Ва бу ишлар имкон қадар яхшилик томонга ҳал бўлар, келгувчилар дуо қилиб кетишарди.
Биз фарзандлар ота-онамизнинг самимий муносабатини кўриб, шу муҳитда улғайдик. Эсимни танибманки, онам фарзандларини қаттиқ койиб, бақириб гапирмаганлар. Баъзан ўйинқароқлик қилиб кўчада дайдиб юрганимизда ҳам, талашиб-тортишганимизда, бирор айб иш қилиб қўйсак-да, бирор марта овозларини баландлаганларини билмайман.
Аллақайси китобда Искандарнинг қудуғи ҳақида ўқиганим бор. Айтилишича, Искандарнинг шохи борлигини билган сартарош бу сирни бировга гуллаб қўймаслик учун ҳар тунда овлоқ жойдаги қудуққа бориб, “Искандарнинг шохи бор” дея бақириб, сирини тўкиб келаркан.
Билсам, оналаримиз ҳам аслида бизнинг “Искандар қудуғи”миз, оталаримиз таянч тоғларимиз экан. Улардан айрилганимга ҳам беш йил бўлибди. Вақт оқар дарё экан, сенинг измингдан ташқарида.
Бугун онамнинг меҳрли кўзларини, тафтли қўлларини, отамнинг залворли насиҳатлари, руҳимга мадад бўлмиш сўзларини қумсаяпман, соғинаяпман.
У пайтлар ёнларига шошиб бориб, она-бола туни билан ҳасратлашиб, меҳрларига қониб қайтардим. Аслида эса, бор дардимни тўкиб енгил бўларканману, уларнинг юракларига қанча юк солганимни ўйламас эканман. Отамнинг эса борликларининг ўзи борлиғим экан...

https://t.me/zilolaxujaniyazovaturabekqizi

Telegram

Шоира Зилола Хўжаниёзова расмий канали

Шоира Зилола Хўжаниёзованинг ижодий, маънавий-маърифий саҳифаси. "Ниятинг сўзингга, сўзинг феълингга, феълинг тақдирингга шаксиз кўчажак. Гўзал ўйла, гўзал сўзла, гўзал яша".

#nazm

Dasht haqida ballada

Tog‘lar kichraydi, pasaydi osmon,
Yashab bo‘lmaydi-ku axir engashib.
Jo‘nadim balandroq osmonlar tomon,
Ortimdan Boysunning dashti ergashdi...

Usmon Azim@yoshlikjurnali

#Хонатлас - 2024#
Атласу адрас каби миллий либосларимиз қадриятларимиз дурдонаси - миллатимизнинг борлиги, ўтмиши ва ёрқин келажагидир.

https://t.me/zilolaxujaniyazovaturabekqizi

“Жадид” газетасининг байрам сонида шеъримиз чоп этилибди.
Газета ижодкорларига раҳмат.

https://t.me/zilolaxujaniyazovaturabekqizi