Кэнники сылларга улууспутугар “Камаз” уонна “ФлюМамм” диэн көһө сылдьар мэдэссиинэ комплекстара кэлэн, тыа дьоно-сэргэтэ доруобуйатын көрдөрүнэригэр, эрдэттэн сэрэтии үлэтэ ыытылларыгар туһалааҕа, табыгастааҕа бэлиэтэннэ.
“Камаз” диэн комплекс улууспутугар 2021 сыллаахха кэлбитэ. Быйыл туһааннаах быраастар нэһилиэктэри кэрийэн, олохтоохтор доруобуйаларын көрдүлэр-иһиттилэр. Уопсайа, быйылгы сылга 19 маннык өҥө тэрилиннэ. Онуоха барыта 3401 киһи доруобуйатын көрдөрүннэ, онтон 893-һэ – оҕо. Ол курдук, окулист, ЛОР, акушер-гинеколог, невролог, психиатр, терапевт, педиатр, психиатр-нарколог, УЗИ, функциональнай-диагностика быраастара, эндокринолог, акушер, дерматолог (биэлсэр) быраастар үлэлээтилэр.
“ФлюМамм” комплекс 2023 сыллаахха «Доруобуйа харыстабылын бастакы олугун модернизациялааһын» бырагырааманан кэлбитэ. Тыҥа уонна түөс ыарыыларын эрдэттэн буларга көмөлөһөр. Сыл саҥатыттан нэһилиэктэринэн 22-тэ тахсан үлэлээтэ, уопсайа 1470 киһи доруобуйатын туругун көрдөрүннэ. 1015 киһи флюорографияҕа, 445 киһи маммографияҕа түстэ. Өрөспүүбүлүкэ улуустарыттан маннык массыына Аммаҕа уонна Чурапчыга эрэ баар.
«ФлюМамм» комплекспыт бу нэдиэлэҕэ Чыаппара нэһилиэгэр үлэлээбитэ. Бүгүн Бахсы нэһилиэгэр таҕыста. Оттон сэтинньигэ Хадаарга, Чакырга, Хайахсыкка, Сылаҥҥа, Кытаанахха уонна Арыылаахха былаанныыбыт. Уоннааҕы нэһилиэктэр хабыллан, туһааннаах үлэ быйыл ыытылынна. Бу үлэбит сэллиги аччатарга, искэн ыарыытын кыра стадиятыгар буларга, нэһилиэнньэ доруобуйатын көрөн, ыарыыны эрдэттэн сэрэтэргэ улахан көдьүүстээҕин бэлиэтиибит», — диэн улуус кылаабынай бырааһын солбуйааччы Александр Максимов кэпсээтэ.
«Маннык аныгы көһө сылдьар комплекстар баар буолбуттара нэһилиэнньэҕэ барытыгар олус туһалааҕынан сыаналаатым. Мин тус бэйэм иккитэ флюографияҕа уонна маммографияҕа түһэн турабын. Киһи доруобуйата мөлтүөн иннинэ көрөн, ыарыыны була охсорго, дьон үйэтин уһатарга күүс-көмө буолууһу», — диэн Мугудай нэһилиэгин олохтооҕо Зоя Лоскина санаатын үллэстэр.

Людмила Горохова.

✂️🎉Чурапчыга «Дьүөгэ» 20 сылын бэлиэтээтилэр

🔹«Дьүөгэ» диэн тылы иһиттэҕинэ хас биирдии Чурапчы киһитэ киэн туттуу иэйиитинэн туолара саарбаҕа суох. Бэйэбит улууспутун ааһан, бүтүн өрөспүүбүлүкэҕэ, дойдуга, кыраныысса таһыгар даҕаны Чурапчыны үгүстэ ааттаппыт «Дьүөгэ» иис сыаҕа бүгүн, алтынньы 9 күнүгэр, «Айылгы» норуот айымньытын дьиэтигэр 20 сыллаах үбүлүөйүн бэлиэтээтэ.

Сиһилии видеоҕа көрүҥ 👉https://xn--80aa7aggbp2b.xn--p1ai/churapchyga-dyege-20-sylyn-belieteetiler/

https://vk.com/wall-211884885_738
Сэтинньи 5 күнүгэр Борисов Е.А. аатынан библиотека – архив дьиэтигэр, Арассыыйаҕа Дьиэ кэргэн, Сахабыт Сиригэр Оҕо саас, Чурапчыбыт улууһугар Ыал саргыта, Чурапчы нэһилиэгэр Чөл олох сылларынан, Нэһилиэкпит 7 ТОҺунан түөлбэлээн олорор, биир ситими утумнаан тэнитэр дьиэ кэргэттэрбитин сырдатар "УДЬУОР УТУМА" бырайыакпытын саҕалаатыбыт.
Бастакы таһаарыыбыт ыалдьыттарынан буоллулар "СПОРТИВНАЙ"ТОС олохтоохторо:
- педагогическай наука кандидата, доцена, Чурапчытааҕы государственнай физическай культуура уонна спорт институтун “Теория и методика физичекой культуры” кафедра доцена. СахаВа бочуоттаах маастара, Российскай Федерация уонна Саха Өрөспүүбүлүкэтин физическай культура уонна спордун туйгуна, Саха Өрөспүүбүлүкэтин профессиональнай үөрэхтээһин туйгуна, Саха Өрөспүүбүлүкэтин спордун бэтэрээнэ Гуляев Петр Дмитриевич кэргэнинээн Светлана Степановналыын, уоллаттара  Степан Гуляев, Айсен Гуляев, сиэннэрэ Артур Гуляев;
- педагогическай наука доктора, профессор, Арассыыйа аан дойдутааҕы туризм академиятын академига, Российскай Федерация куттал суох буолуутун, оборона уонна быраап боппуруостарын академиятын чилиэнэ,Российскай Федерация физическай культуратын уонна спордун туйгуна, үтүөлээх үлэһитэ, Российскай Федерация физическай культура уонна спордун бастыҥ менеджера, Российскай Федерация Саха Өрөспүүбүлүкэтин саха төрүт оонньууларыгар спордун маастара, Саха Өрөспүүбүлүкэтин физическай культуратын уонна спордун үтүөлээх үлэһитэ, “Учууталлар учууталлара” бочуоттаах бэлиэ хаһаайына,  педагогическай үлэ уонна спорт бэтэрээнэ Гуляев Михаил Дмитриевич кэргэнинээн Анна Николаевналыын.

☀ Күндү 🏢Чурапчы улууһун 🏠олохтоохторо уонна ыалдьыттара! ☀
❄Сэтинньи ый 4️⃣ күнүгэр
🇷🇺 Сомо5олоһуу күнүн бэлиэтиир 🇷🇺
💥“БИҺИГИ КҮҮСПҮТ - СОМО5ОЛОҺУУГА”💥
🎤э5эрдэ кэнсиэргэ ыңырабыт!
кыттыыны ылаллар:
🕺“Дайан”үңкүү ансаамбыла
💃🏻“Дьиэрэңкэй” о5о үңкүү ансаамбыла
🕴🏻🕴🕴“Ыллыыр ыччат” ырыа ансаамбыла
👫О5о искусство оскуолатын үөрэнээччилэрэ
🎤Сардаана Приходько
🎤Варя Орлова
🎤Матрена Пермякова
🔊уо.д.а
Бу киэһэ Эһиги болҕомтоҕутугар Чурапчы нэһилиэгин ТОСтарын икки ардыларыгар араас омук бүлүүдэлэригэр күрэх ыытыллар! 🏛Буолар сирэ “Айылгы” Оройуоннаа5ы Норуот Айымньытын Дьиэтэ
🕓Киэһээ 1️⃣6️⃣:0️⃣0️⃣ чаастан
➡Киирии босхо

*🇷🇺Кэлиҥ, сылдьыҥ, биһигини кытта биир сомоҕо буолуҥ!*

🚨🚨🚨Газ киллэриигэ көмө баарын туһунан өссө төгүл санатабыт ‼️

📌Үлэ уонна социальнай сайдыы министерствотыттан көрүллэр субсидия;

📌Центральнай отоплениеттан арахсан газка көһүү программатынан быйыл субсидияны ыллаххытына, биир сыл устата блокированнай счекка сытыан сөп. Онон, эһиилги сылга газ киллэттэрээччилэр көмөнү туһанар гына сэтинньи, ахсынньы ыйдарга докуменнаргытын түһэрэргэ тиэтэйин диэн санатабыт.

♨️Газка холбонуохтаах дьиэ кэргэн эрдэттэн СТНГ тэрилтэни, материал, оборудование ылар урбаанньыты, магазины кытта договор түһэрсэн олохтоох дьаһалтаҕа кэлэргитигэр көрдөһөбүт.

"Чурапчы нэһилиэгэ" тыа сирин түөлбэтин дьаһалтата.

Сэтинньи 2 күнэ, 2024 с.

🚨🚨🚨Газ киллэриигэ көмө баарын туһунан өссө төгүл санатабыт‼️

📌Үлэ уонна социальнай сайдыы министерствотыттан көрүллэр субсидия;

📌Центральнай отоплениеттан арахсан газка көһүү программатынан быйыл субсидияны ыллаххытына, биир сыл устата блокированнай счекка сытыан сөп. Онон, эһиилги сылга газ киллэттэрээччилэр көмөнү туһанар гына сэтинньи, ахсынньы ыйдарга докуменнаргытын түһэрэргэ тиэтэйин диэн санатабыт.

♨️Газка холбонуохтаах дьиэ кэргэн эрдэттэн СТНГ тэрилтэни, материал, оборудование ылар урбаанньыты, магазины кытта договор түһэрсэн олохтоох дьаһалтаҕа кэлэргитигэр көрдөһөбүт.

"Чурапчы нэһилиэгэ" тыа сирин түөлбэтин дьаһалтата.

Сэтинньи 1 күнэ, 2024 с.

🔷Чурапчыга «Эгэй-сэгэйдэр» саҥа кинигэ-альбомнарын сүрэхтээтилэр

🔹Салайааччылара, көҕүлээччилэрэ Прасковья Гладкина аан бастаан бу сахаэтнофитнес диэн өйдөбүлү киллэрбит, сахалыы алгыс хамсаныыларынан бэйэ туругун тупсарар ньыманы үөрэппит Ирина Федороваҕа, дьарыгы ыытарга өйөбүл буолбут Чурапчы нэһилиэгин дьаһалтатыгар, «Утум» дьиэтин, «Айыллаан» сынньалаҥ киинин салалталарыгар уонна бу эйгэҕэ дьарыктанааччыларга хас биирдиилэригэр истиҥ махтал тылларын анаата.

Сиһилии👉 https://xn--80aa7aggbp2b.xn--p1ai/churapchyga-ege-segejder-sana-kinige-albomnaryn-syrehteetiler/