شايف مرات من تحس القلع تعبك
كبل تروح تخلي ال elevator مالتك lingually او paltatally وتبدي تحركه بلكت يتحرك وياك السن

شفتك تره ، بطلها هاي الحركه تره تسويلك مصايب ممكن خصوصا اذا بدايه مسيرتك

بخصوص المدخنين فنزف او مشاكل اللثه ضاهراً تكون عدهم أقل والسبب ان الدخان يحتوي على ثاني اوكسيد الكاربون والنيكوتين وهذني بدورهن يقللن من وصول الدم للشعيرات الدمويه الموجوده بأنسجه اللثه وبنفس الوقت حتى القرح باللثه تكون عدهم أقل بسبب تكون fibrous tissue للأسباب الذكرناها ..
ممكن يجي شخص ويكول جيد لعد خل ادخن حتى امنع مشاكل اللثه عندي
الجواب التدخين يمنع الاعراض فقط لكن بنفس الوقت الانسجة تكون أكثر عرضه لل necrosis فالتدخين يخفي اعراض الالتهابات باللثه إلى أن يوكع الفاس براس ..
بالمختصر المشكله موجوده لكن التدخين يخليك ما تحس بيها لان يخفيلك الاعراض إلى أن تتطور لدرجه كلش جبيره

وسلامتكم

د.علي جاسم الفيروزي

أريحوا اجسادكم بالتعب ولا تتعبوها بالراحة.

علي أبن ابي طالب (ع)

أكو معلومات نقراها بس من نجربها او تصير ويانا نعرفها ونعرف قيمتها اكثر
الأغلب قارين أن من ننطي تخدير للمريض لازم ننطيه ببطئ شديد ولعده اسباب اهمها أن تأثير التخدير يكون أقوى
لكن المعلومه الأهم أن دفع التخدير بقوه حتلو قليله يسبب ألم عند المريض يعادل ألم دخول الابره مرتين وهذا شخصياٍ اعرفه لكن من صار وياي حسيت بقيمته أكثر
لذلك دائما خلو عملية دفع التخدير عدكم ببطئ أقصى ما تكدرون لأن المريض ممكن يكره طبيب الأسنان بس من وره ألم دفع التخدير بسرعه

وسلامتكم

د.علي جاسم الفيروزي

راح اسوي كروب وانزلهن كلهن تقريباً حتى يبقن محفوظات وتستفادون منهن يمته ما تحتاجوهن لان ماكدر انزلهن هنا لان هواي ويخربن القناة وبنفس الوقت الكروب مفتوح النقاش بيه بينكم او اي سؤال وياي والعنده ايضاً شي مفيد ينزله بيه حتى تكون الفائده جماعية

https://www.instagram.com/reel/C_3cMBKMj9L/?igsh=eXN4ZDFob3Rqc3J0

https://www.instagram.com/reel/C_3cMBKMj9L/?igsh=eXN4ZDFob3Rqc3J0

انت كطبيب أسنان في حاله خابرك مريض وبلغك ان وكع على أحد اسنانه والسن صار بيه avulsion اي ان السن انخلع بشكل تام شنو افضل شي تنصح بيه المريض ان يخلي بيه السن إلى أن يوصل لطبيب الاسنان؟