صديق يقترح تطبيقه المفضل عليك عن طريق تطبيق بيت المشاركة، يرجى الاطلاع على المرفق.link: http://market.android.com/search?q=pname:turath.alanbiaa.app.menhaj_alsaleheen

#الامام_الكاظم_عليه_السلام

ليش اعله الجسر مرمي اويلاه
######$##
محد شيعه ولا عنده خوان
بگيده وحيد ظل بلايه عوان
هذا الطاح فوگ الجسر قرآن
محد ياخلگ يفتهم معناه
####$$$$$$
ليش ابن الرساله هناك مطروح
ليش العالم العلوي بدمه ينوح
گلب الزهره ليش اليوم مجروح
توجع قصته المحد اجه وياه
#############
توجع قصته وصوت السماوات
ابن المصطفى يا هلخلگ مات
طاح وثغره چان يرتل آيات
ما عاف الذكر للموت يقراه
##############
يامظلوم يالواسيت الحسين
بغربه تطيح يا ليث الميادين
لا يمك اهل لا يمك معين
وسم النايبه چبدك تلگاه
####$$$$$$$$#####
الگيد بجفه يشبه زين العباد
واسه ام الخدر بحبال واصفاد
ايام السبي صارت ابغداد
فعل يزيد بيه هارون سواه
##$$$##########
يالواسيت ال المصطفى اليوم
گلب المنتظر ع الصار مالوم
يا جدي يصيح ودمعه دموم
واگف ع الجسر ودموم مبچاه
###$$$$$$$$$#####
ونسألكم الدعاء والتوفيق

لخادم ال محمد(ع)
الشاعر حيدر كاظم الساري

#الامام_الكاظم_عليه_السلام

اليوم تبجي الزهراء فوگ الجسر

ظلت تهل دموم شنهي الجره
وبمصاب المسموم متحيره
صاحت بذاك اليوم ياحيدره
والكلب منها ينوح نار وجمر
..............
تنوح والمدمع صار دم ودمع
تذكرت بالويلاه نار الضلع
تصيح والكون بنوح صاح وجزع
جني اشوف المرسول دك الصدر
............
حسين شافهه تلوج حمره الوجن
صاح الحكني بساع خويه الحسن
عله الزجيه بهاليوم يتكاثرن
فكد الاعزاز ونار هذا الدهر
.................
زينب تون عليه ون الفگد
الزهره تهمل دمعات هي التعد
تصيح والمدمع نار آه يالولد
تذكريت بهاليوم جرح اليسر
...............
تصيح ي اولاي وليش بارض الغرب
والله من هذا الصار ما ظل گلب
بكل بلد متوزعين قاسي الدرب
بكل وطن بيه مصاب وبكل كتر
..................
تهندمت بالدمعات ضاك الفضا
تصيح وين العشاگ لبو الرضا
نادو هناك بصوت ي الرافضه
موسى طايح مسموم خلها تحَضَر
.................
ونسألكم الدعاء والتوفيق

لخادم ال محمد .
......الشاعر حيدر كاظم الساري

امنيات. امنيات
حسني من كبل الدفن.......شلون يطويلي الچفن
وهي كلها امنيات
##############
دنت ساعاتي الاخيره..... وگلبي ما جاهل مصيره
بعيني سالوفه گصيره.......نحر وچفوف وحصيره
امنيات شگد الي....... يمي يحضر كافلي
اه ياضنوة علي........ كلبي من فراكه نار
شكد اماني تحطمن....... شلون يطويلي الچفن
والكلب بالفركه مات........ وهي كلها امنيات
##############
انتظر يرجع حسيني........ حتى لو ما كو بنيني
كبل لا موتي يجيني......... حسين كون تشوفه عيني
والاماني موزعه........ بين رمح ومشرعه
ما اريد الاربعه.......... كون ابو اليمه يجي
وكلبي ينطرله بحزن........ شلون يطويلي الچفن
وعكبه ما اريد الحياة....... وهي كلها امنيات
##############
مثل الاكبر من يشمه........ بحظنه راسي من يضمه
وكبل موتي ردت جلمه........... مودعه بالله ييمـــــه
بجفه يمسحلي الدمع....... وانه الزمله الظلع
الخيل وبيوم الفزع........ حطمت كل امنيه
الخيل فوكه هوسن....... شلون يطويلي الچفن
والتكطع عالفرات......... وهي كلها امنيات
##############
ما ترد كلمن تحبه........... حتى لو يحجيها كلبه
امنيه وما اظنها صعبه....... عل فده كلشي لربه
ليه تحضر لومتت......... وبمنيتي تغربت
لو اورقي تناثرت....... انت باجر عزوتي
امنياتي الما كضن.......... شلون يطويلي الچفن
حسرتي بذاك الشتات....... وهي كلها امنيات
################
لو بعد ما تلفي لينه.......... راح اموتن يا ولينه
هناك يا حامي الضعينه..... هناك مو هم ماتجينه
ما تجيني بدنيتي......... ما حضرت جنازتي
هناك وانه بوحدتي........... اتمنى ابو السجاد يمي
الرحل كبلي بلا ضعن....... شلون يطويلي الچفن
عود ردتك للممات........ وهي كلها امنيات
#################
ونسألكم الدعاء والتوفيق
لخادم آل محمد عليهم السلام
الشاعر حيدر كاظم الساري

#أم_البنين_ع

آه يا ام البنين....
ها يا ابن حذلم بشرني.... شنهو الصار بذاك البيد
كلشي ولا ريحانة كلبي.... ظل بطف عاشور وحيد

اسألك شالخبر ناشدني يالجاي
عليك الله ورسوله سولف وياي
على حسين النشد مالكلي دنياي

شلونه... ما اجه وياكم عجب ما احمل جفاه
وينه.... شلون اتحمل بعد يابشر فركاه
ريته... حاضر وياكم ضوه محتاجه ملكاه

فدوه خبرني النشد عنه... ما مش الضنه.... عوف البنين
وين امامي عليك بالزهره... ولو بس عطره... يمه يحسين
...........................
...........................
عون تكطع وسط الحومه.... وياهو الكلك انطر عون
جعفر عبدالله بصفه..... لحسيني فدوه يروحون

لو عندي الف افديهم اليوم
انشدك والكلب عالغالي مهموم
جاوب يابشر مو كلبي ملچوم

راحو... اولادج اسباع ومشو بوصية الحيد
طاحو... كلهم لدين الله يم عباس بالبيد
فدوه.... حسين يرجعلي بسلامه وكلشي مااريد

هذا شي هين لابواليمه... تنجتل... موصيه الاولاد
ما ردت سيدكم بحيره...بغيره... قدموا الاجساد
.........................
.........................
عباس انكطعن جفينه.....طاح موذر بالميدان
بالعين معزب والهامه......معزب تربات الديوان

سمعت بالكمر منها المتن مال
لان ربت اسد ويعادل جبال
لو طاح الجبل يتدهور الحال

صاحت....حسين بيا كلب يتحمل الصار
ويلي..... احس كلبه اعله اخيه يلتهب نار
وحده..... ظل وحده العجيد ابين كفار

حسين متكطع احس بيها.... اه يناعيها..... والكمر طاح
يعني يا حادي انذبح ضامي... جنه جدامي.... بروس الرماح
............................
...........................
من حس بيها عرفت سره..... صاح بصوت وكله ونين
يا يثرب خل صوتي........... طاح بطفه هناك حسين

طاح بكربله ابين المجاتيل
من گد الطعن ما ظل دمه يسيل
من بعد الطعن داست عليه خيل

توذر.... والسيوف تكسرت كلها بوريده
طايح..... وحده وسبعين الف خنجر يريده
جربه...... طاح راعيها وغدت عنه بعيده

فدوه گلي اولادي للغالي... كعبة امالي.... انطو الروح
للحسين اولادي قرباني.... وحك قرآني... يروح مذبوح
.............................
............................
امهم كالت ذوله اولادي..... وي الزهره شلون الراي
عندي مأمنتهم وانه امهم.... ما تخيل هذا الجاي

من اتشوف امه بيه الجروح
شكلها ابنج تركته عني يروح
شلون اصبر واكلها حسين مذبوح

باجر.... شلون اكابل فاطمه والكلب مفطور
فاطم.... شلون اجاوبها واكلها ذبحو النور
حيره....شلون اسولف عالظلع لام ظلع مكسور

شلون اكلها الخيل ماخلت... ظلع ماكسرت.. رفعو الراس
والوديعه للسبي بغربه.... والنبي صعبه... بدون عباس
..........................
..........................
ونسألكم الدعاء والتوفيق

لخادم ال محمد(ع)............. الشاعر حيدر كاظم الساري

مكسورة الظلع ما ناشف الدمع
ويلي ي فاطمه ويلي ي فاطمه
*.
يا ويلي من تون كون الله يمتحن
بيه نازل الالــــم
ينعاهه بالشجى يا غاية النجا
بيه ونــــه ترتسم
دمعج على المدى واسمع اله الصدى
صوت الدمع قسم
ما ينسى هالجرح يا بسمة الصبح
ما ينسى هـــــالظلم
ظل صوته يرتفع ما ناشف الدمع
ويلي يفاطمه
*.
من النبي رحل ليج الاجل وصل
مظلومه يا وسف
والبايعت امس هاليوم اجت حرس
وي ناكر العرف
كالو مشى النبي حضروها للسبي
كالاهه هالصلف
لن تدري حيدره ما يرضى بالجره
بوصيته منجتف
ما يرضى بالوضع ما ناشف الدمع
ويلي يفاطمه
*,
للباب اجه الكفر ياويلي وي عمر
والكاذب الامر
يأمرهم بحقد طه فلا يرد
كسرولـــه الظهر
والمرتضى بعقد وي طه ما يهد
بوصيته مستمر
خل نجمع الحطب صاح الذي نهب
والدينه اندثر
ومن ناكر الشرع ما ناشف الدمع
ويلي يفاطمه.
*.
نار وغدت جمر فاطم بلا ستر
لاذت وره الخشب
يدفعها هالرجس بكسر الظلع تحس
منها الاجل كرب
طاحت لجن سما مطرت اظن دما
والموعد اقترب
سيل الدمه نهر جروانه للحشر
من فعلة الصحب
كون ويون جزع ما ناشف الدمع
ويلي يفاطمه
*.
يرفسها هالوثن جواه غدت تون
كسر ويهل دمه
ما يرحم النذل بسوط الحقد نزل
ما يرعه فاطمه
لوعها بالضرب امر واظن صعب
يا حامي الحمه
ونزف الدمه جره من اطهر الوره
والونه كاتمه
والمحسن الوكع ما ناشف الدمع
ويلي يفاطمه
**؟
ومن بعد ما وكع ظلت تهل دمع
مهدودة الركن
تتشيع بستر لا واحد الحضر
ولا حضرو الدفن
وتغيّب الكبر مولاتي شالعذر
يالوعة الزمن
للمحشر الالم ما نترك اللطم
ونوجر الحزن
بكل مأتم الفزع ما ناشف الدمع
ويلي يفاطمه
**.
ونسألكم الدعاء والتوفيق

لخادم ال محمد (ع)...........
الشاعر حيدر كاظم الساري

عيون السمه تهمل دمه..... آه يا مصيبة فاطمه
##########
هملت على ذاك الظلع
من صدر فاطم منشلع
لا مو مطر هذا دمع
دمع النجوم من السمه

من بعد يوم المصطفى
بعين الهدى نور وطفه
ناس اللي ماعدهه وفه
فزعت عليها محزمه

فزعوا وقايدهم عمر
بكسر الظلع يومن امر
وكال وبعد رايد جمر
ارد احرك اهل الموزمه
*"
بناره حرگ باب الهدى
وصاح بنداء اهل الرده
هالبيت لازم نضهده
ونحل عليه الحاطمه
##**#
چف الرده ليها اعتنت
وبسطرت الخد لوعت
چف ويريت تكسرت
ولا للزجيه لاطمه
#""****
آه ياجرح بجه الرسل
ظل بالحزن خير العمل
وعيونه للمحشر تهل
عنده المصيبه ساجمه

ونسألكم الدعاء والتوفيق

لخادم ال محمد (ع)
الشاعر حيدر كاظم الساري

كومو يا شيعه نشيع الطاهره
...........
...........
هاي قران البرايا..... فاطمه اصل الهدايه
هي للأسلام رايه.....
هي وي كل فرض لازم تنقره
########
ونت ومحد سمعها....... بحسره ماهود دمعها
اه يا كسرة ظلعها
شلون يتجره اعله ظلعج يكسره
########
هاي شمس الله وضحاهه..... ليش محد شيعاهه
وين شيعتها الوراهه
واجب التشييع كلنه نحضره
########
هذا نعش اهل الرساله........ نعش بت صفوة تعالى
خلي حزنه يعم ظلاله
خلي نيران المآتم ساجره
########
ماتت بحسره غريبه....... بت رسول الله وحبيبه
اه يا ذيج المصيبه
بليلة ظلمه تندفن اطهر مره
########
جنازه بيها الملك حاضر........ يصيح يا اهل الضماير
هيج فاطم بيها صاير
تموت مكسورة ظلع متأثره
########
ياعلي وينك امامي..... گلب امنه اليوم ضامي
ويانه يانعم المحامي
نشيع الزهراء بت خير الوره
#########
اليوم مأساة ورزيه.......... بالجرح طاحت رميه
آه يا يوم الزچيه
بيه دموع اهل الكسا متناثره
#########
ونسألكم الدعاء والتوفيق

لخادم نعل الزهراء عليها السلام...
الشاعر حيدر كاظم الساري

#الليالي_الفاطميه

واحسينا واحسين

اه يا يوم الرزيه
تندبه امه الزجيه
تصيح ياحامي الحميه
ابنك بلايه معين

دارت اعله ابنك زمرها
ويلي وتحكّم شمرها
لرگبه يومن ضربها
وانسفك دم الامين
*--*
بنصهم ومحد يعينه
والكمر مصيوبه عينه
استوحده آه يالحزينه
وحده بين الظالمين

طاح من مهره وتكنطر
عالثره طاح ابو الاكبر
والسيوف بجسمه تطبر
كطعن منه الوتين

من بعد ما كطع نحره
سلبو ابنج يزهره
من الطعن طش وتذره
وجسمه بين العسكرين

اه يا ذيج المسيه
اجن عشره اعوجيه
طشرن بالغاضريه
وشيلم جسم الحسين

مصاب ما مثله علينه
عالترب طايح ولينه
زينب تنوح وحزينه
تنادي لا تهدي يعين

ونسألكم الدعاء والتوفيق

لخادم ال محمد ع
الشاعر حيدر كاظم الساري