شكراً لكل من سمح واستقبل ♥️
انتهى العرض
كيف يكون اجمل واعظم ؟ 🤩

وعرض ٩٤ لجميع القراءات مازال متاح ♥️

كيف يكون اجمل واعظم من كذا ؟ 🤩♥️

مرحبا

الفائزة بقراءة مجانية

https://t.me/violetflame369/340?comment=3050

الف مبروووك 🥰

تواصلي معي خاص ♥️
@violet_flame369

مرحبا فيكم ?

قبل عدة ايام نزلت هذي الصورة في السناب وادركت شيء من خلالها وطبعاً أحب اشارككم ?

انا كثير احب صدقة الماء للطيور فكل مرة احط نوايا على هذي الصدقة واختار هذي النافذة لانها بالمطبخ واسهل لي يومياً اتذكر اغير الماي

واستمريت عليها لفترة لكن مشاعري كانت ماراح اقول عدم الرضا بس كأن اممم اتسائل هل الطيور فعلاً يشربون منه ؟ هل يستفيدون ؟

وبيوم جيت المطبخ الا اشوف هالطير يشرب ويروح ويجون غيره هذاك اليوم ماظل طير ماجى ? وكأنهم يبون يرووني لاتحبطين احنا نشرب منه ونرتوي وندعي لك
وانا اصور هاللقطة فجأة شك بوم كذا الادراك جاني وصدت نفسي ???
احب طبعاً لما اصيد نفسي ?

كنت اصور وانا فرحانة لاني شفت بعيني انهم يستفيدون
فجلست افكر ليش فرحت وليش قبل ماكنت احس بهالمشاعر ؟
ليش احتاج اني اشوف واشهد ؟

تذكرت بقناة حبيبتي اشواق اربعينية المعجزات كنا مع بعض ٤٠ يوم ويومياً تسألنا بداية البث ايش خلقتوا معجزات وايش ااستقبلتوا ؟
وانا كل يوم اقول مافيه شيء صار لين يوم قلت خلاص انا معجزاتي بالأثير ( يعني مااشوفها او ماشفتها وماادركتها ) بعدين صرت افكر اقول واوو انا ليش قلت كذا ؟ فعلاً ممكن اللي صار لي بالأثير وطاقياً اكبر من اللي ممكن يصير لي مادياً

وبعدها عائشة صديقتنا سوت فعالية وقرأت لي شنو التغييرات اللي صارت لي وكثيييير اندهشت اني حررت معتقدات وعقود وعهود روحية من حيوات سابقة واشياء عميقة وقالت لي ان كل هذا تم بسهولة وبدون جهد مني
وهذي كانت احدى النوايا اللي حطيتها لهذي القناة اني اتحرر بسهولة وبدون جهد او دراما فقلت واووو كيف ممكن يكون اجمل ؟ انا اختصرت جهد وطاقة ومال بعد وحررت كثير اشياء صحيح ماشفتها بس هي موجودة

فعرفت ان عندي تعلق بالنتيجة + مااؤمن بالشيء الا لما اشوفه ??‍↕️ وكثير معتقدات مرتبطة بها
مثلاً ( مااؤمن بعالم الروح لأني مااشوفه ) كلها في اللاواعي
وكوني مااؤمن به فانا فعلاً ماراح اشوفه وممكن حتى مااستفيد منه ك.د احتمال ?

مثلاً سويت جلسة يالله ابغى اشوف النتيجة علشان اصدق ان فعلاً صار تغيير
قدمت صدقة ابغى اشوف ان احد استفاد منها علشان اصدق ان لي اجر وثواب
حتى هنا قناتي اذكر بيوم نطيت ع البنات بالاربعينية قلت لهم انا بحذف قناتي مااحس احد يستفيد منها ??

وكلها كانت ترقرات علشان ترويني هذا الجانب واشتغل عليه واحرره

انا نيتي من سقيا الطيور الحمدلله تحققت وتجلت لكني استمريت لان في شعور داخلي عميق مريح ومناسب لي لكن لما شفت كيف ان الطيور يومياً صارت تشرب منه تحمست اكثر اني استمر

فكرت كيف ان احنا احياناً نسوي خير او عبادات لكن مانشوف اثرها سواء دعاء مايتحقق او حال مايتغير ممكن نيأس ونحبط ونوقف نقول شنو الفايدة ؟
بس عند الله مافيه شيء يضيع كل شيء محسوب ومكتوب لنا ومن يعمل مثقال ذرة خير يره ومعتقداتنا كثير من الاحيان هي اللي تمنع عنا هالخير
مو لازم نشوف شنو الحسنات اللي لنا المهم هو شعورنا الداخلي وكيف احنا ندعي بدون شروط على انفسنا او على الخالق كيف نقدم شيء بدون ماننتظر مقابل او نتيجة
مهم نشعر بالتسليم والتوكل ونفّعل هالفضيلتين في حياتنا

قيسوها حتى على الاشياء البسيطة في حياتنا اعطيكم مثال
بنت عندها عزيمة او مناسبة وراحت تكشخ وتلبس وتتزين وهدفها ان الناس تشوفها وتمدحها
وبنت كشخت ولبست واستمتعت علشان نفسها وانها حابة تطلع باجمل مظهر
الاولى تنتظر مديح وثناء لو محد انتبه لها بتزعل وبتحبط وممكن تنكد على نفسها
الثانية هي مستمتعة وعايشة اللحظة ماتنتظر شيء من احد فاذا جاها مدح بتفرح ? واذا ماجاها هي اصلاً مبسوطة ??

بعد مثال (تحملوني احب الامثلة ??)
بنت اشتركت بمسابقة
وتجلس تنتظر يارب افوز يارب افوز ياااااارب افووووز ?
طبعاً في الغالب ماراح تفوز من هالطاقة والحمل والانتظار اللي حطته
بعدين تنصدم وتلطم تقول ليش مافزت ?
اللي بتفوز في الغالب شاركت وراحت تسوي اظافرها ??

حلو نشوف نتيجة عملنا لكنه مو اساس ومو الشيء الوحيد اللي نتعلق فيه وننتظره

وبعد فيه المتعة والاستمتاع لو احنا سوينا شيء بهدف ان احنا نستمتع فيه ومن خلاله ماراح نعلق في النتيجة وبالعكس هنا التجلي بيكون اسرع لأن في التخلي تجلي ✨

فشكراً لهذي الطيور الجميلة اللي خلتني افهم هذا الدرس بكل سهولة ولطف ?️
(ولأنها تفرّح عبودي بعد ? كل يوم يقولي حمامة ويمثّل كيف تشرب الماي ?)

مرحبا ??
مين موجود ؟
بث سريع فعالية تارو ?
اكتبوا هنا ♥️

كل عام وأنتم بخير وعيدكم مبارك ??

الفائزة الاولى بقراءة المستقبل

https://t.me/violetflame369/309?comment=2551

الفائزة الثانية بقراءة هل أنت على الطريق الصحيح

https://t.me/violetflame369/309?comment=2558

الفائزة الثالثة بقراءة ارشاد عام

https://t.me/violetflame369/309?comment=2547

الف مبروووووك ????

♥️

[ سُبْحانَ الله قَبْلَ كُلِّ أَحَدٍ وَسُبْحانَ الله بَعْدَ كُلِّ أَحَد وَسُبْحانَ الله مَعَ كُلِّ أَحَدٍ وَسُبْحانَ الله، يَبْقى رَبُّنا وَيَفْنى كُلِّ أَحَدٍ وَسُبْحانَ الله تَسْبِيحاً يَفْضُلُ تَسْبِيحَ المُسَبِّحِينَ فَضْلاً كَثِيراً قَبْلَ كُلِّ أَحَدٍ وَسُبْحانَ اللهِ تَسْبِيحاً يَفْضُلُ تَسْبِيحَ المُسَبِّحِينَ فَضْلاً كَثِيراً بَعْدَ كُلِّ أَحَدٍ وَسُبْحانَ الله تَسْبِيحاً يَفْضُلُ تَسْبِيحَ المُسَبِّحِينَ فَضْلاً كَثِيراً مَعَ كُلِّ أَحَدٍ وَسُبْحانَ الله تَسْبِيحاً يَفْضُلُ تَسْبِيحَ المُسَبِّحِينَ فَضْلاً كَثِيراً لِرَبِّنا الباقِي وَيَفْنى كُلُّ أَحَدٍ وَسُبْحانَ الله تَسْبِيحاً لا يُحْصى ولا يُدْرى وَلا يُنْسى وَلا يَبْلى وَلا يَفْنى وَلَيْسَ لَهُ مُنْتَهى وَسُبْحانَ اللهِ تَسْبِيحا يَدُومُ بِدَوامِهِ وَيَبْقى بِبَقائِهِ فِي سِنِيِّ العالَمِينَ وَشُهُورِ الدُّهُورِ وَأَيَّامِ الدُّنْيا وَساعاتِ اللَّيْلِ وَالنَّهارِ وَسُبْحانَ الله أَبَدَ الأبَدِ وَمَعَ الأبَدِ لا يُحْصِيهِ العَدَدُ ولا يُفْنِيهِ الأمَدُ وَلا يَقْطَعُهُ الأبَدُ وَتَبارَكَ الله أَحْسَنُ الخالِقِينَ ].

✨?️

مرحبا
رجعت لكم بادراكات وتأملات ممكن تسهم لكم
شكلي راح اعتمد هذي الفقرة بس ادور لها اسم ??

اليوم كنت افكر في حفلات الميلاد والهدايا والاجواء
وتذكرت بوست قرأته قبل فترة حتى مااذكر من كتبه
بس كان محتواه ان هذي ذكرى ميلادك انت فالمفروض انت من تعيش البهجة والفرحة وتسعد نفسك بشيء تحبه
ليش تتوقع او تجبر الآخرين ان يسوون لك حفلة ويجيبون لك هدايا ؟
هذي مناسبة تخصك انت هم ايش دخلهم ؟

طبعاً مااتفق بشكل كامل بالبوست لأن له عدة جوانب
مشاركة الآخرين لنا في مناسباتنا وخصوصاً من نحب لها شعور حلو وكلنا نحب الهدايا ماراح نرفضها ونقفل استقبالنا صح ؟

المشكلة هنا لما نعلق سعادتنا ونخليها مسؤولية طرف آخر واجبار له

طيب خليني اوضحها اكثر وانا افكر بهذا اليوم تسائلت احنا ليش نفرح بهذا اليوم ؟
وليش اصلاً فيه اختلاف بين الناس في طريقة تعبيرهم او احتفالهم بهاليوم؟

فيه بنت لما يجي يوم ميلادها تكون خططت له وطلبت كيكة وجهزت لحفلة مع عائلتها او صديقاتها
او خططت لشيء تحبه مثل سفرة او حتى حجز لمطعم او سبا
هنا شنو مشاعرها ؟ هي ليش تحتفل وحرصت انها تسعد نفسها وماتنتظر هالشيء من احد ؟
ببساطة هي سعيدة بحياتها هي تحتفل بوجودها هي ممتنة على هذي الحياة وعلى نعمة الحياة هي تمتن لأنها ولدت ووجدت على هذي الارض?
اكثر شيء راح نلاحظه انها شخص سعيد ومبتهج وممتن
لذلك تركز على نفسها وسعادتها واصلاً بتوصلها هدايا كثير لانها مو منتظره شيء من الآخرين ومكتفيه بذاتها✅

طيب نجي للبنت الثانية
اللي تنتظر متى يجي يوم ميلادها وتحمل الآخرين مسؤولية اسعادها وابهارها وداخلها ابتزاز وتهديد ووعيد ياويلهم لو نسيوا
ممكن تحمّل زوجها او صديقاتها او عائلتها
هم مكلفين يعملون لها حفلة ويجيبون لها هدايا ويسعدوها
شنو شعورها هنا ؟
الاهتمام من الآخرين
لفت الانتباه وتكون محط انظار وتركيز
هي تستمد هذي المشاعر من الآخرين وممكن هالشيء يعطيها قيمة بعد
هل هي تحب الحياة وممتنة على هذا اليوم ولانها ولدت فيه وتعتبره نعمة عظيمة ؟
في الغالب لا
هي ساخطة على الحياة تكره حياتها فاقده للشغف ولاتستشعر اي نعمة عندها
هي تنتظر من الآخرين ان يسعدوها ويقدمون لها ويعطونها
ماراح تبادر وتسعد نفسها لان بتحس شيء ماله معنى

هل خطأ ان نستقبل من الاخرين هدايا وحفلات ؟ طبعاً لا
الشعور هنا المهم هل انت تنتظر الناس تسعدك او انت دائماً تفضل نفسك وتسعد نفسك ومكتفي بنفسك ؟

كل مااحببت ذاتك كل مااحبك الكون بأكمله ?