Дзве добрыя навіны ад нас:

🔹хутка выходзіць новы фільм у беларускім дубляжы
🔸мы завялі цікток, падпішыцеся на нас, а мы нікому не раскажам, што вы там ёсць🤭

www.tiktok.com/@kinakongby

TikTok

Праект «Кінаконг» on TikTok

@kinakongby 10.2k Followers, 9 Following, 277.5k Likes - Watch awesome short videos created by Праект «Кінаконг»

⚡️Ці бачылі вы ўжо новы фільм у нашай агучцы на voka.tv?

«Аліса ў Цудазем'і» — незвычайная стужка 2010 года. Яна, як і класічны твор, застаецца актуальнай і сёння. Улічваючы зорны акцёрскі склад, «Аліса» аказалася адной з найбольш складаных прац у дубляжы. Паглядзіце і напішыце, ці атрымалася ў нас захаваць непаўторную атмасферу стужкі. Гэты ды іншыя фільмы па-беларуску глядзіце тут: voka.tv/collections/cinevoka

P.S. А яшчэ мы будзем шчыра ўдзячныя, калі вы падзеліцеся гэтай навіной з вашымі сябрамі😉

А мы да вас зноў з добрымі навінамі😏

Апошнім часам мы няшмат пісалі ў сацсетках. Але хочам паведаміць, што праца па агучцы фільмаў на беларускую мову працягваецца. Цяпер Кінаконг робіць афіцыйны дубляж фільмаў кампаніі Disney. Цягам года мы агучылі 5 новых стужак, якія вы можаце паглядзець на voka.tv у раздзеле «Сіневока». Сярод іх:
🎈 Уверх👻 Душа🧙🏻 Наперад🧠 Галаваломка👠 ПапялушкаКаб адпавядаць творчым і тэхнічным стандартам кампаніі Disney, нам давялося выйсці на новы прафесійны ўзровень. Наша супраца працягваецца, і зусім хутка вы зможаце ўбачыць яшчэ адзін фільм па-беларуску. Чакайце падарунак на Каляды😉

P.S. Будзем шчыра ўдзячныя, калі вы падзеліцеся гэтай інфармацыяй з вашымі сябрамі, каб як мага больш людзей змаглі глядзець кіно на роднай мове.

Сябры, яшчэ адна радасная навіна гэтага году🎉🎄

Упершыню ў гісторыі выйшаў афіцыйны беларускі дубляж фільма кампаніі Дыснэй.
Для «Кінаконга» гэта была вялізная праца, у якой удзельнічала мноства розных людзей: ад маленькіх дзетак да заслужаных артыстаў Беларусі. Мы зладзілі дзясяткі пробаў і правялі сотні гадзін у студыі гуказапісу. І мы вельмі задаволены вынікам. Спадзяемся, спадабаецца і вам.

Ужо цяпер вы можаце паглядзець мультфільм «Уверх» на VOKA: voka.tv/movies/up-bel

У новым 2021 годзе мы будзем імкнуцца радаваць вас новымі працамі на платформе VOKA і ў кінатэатрах!

Праца не спыняецца - фільмы перакладаюцца🎞

Цягам апошніх двух месяцаў мы ўзялі дзве сур'ёзныя вышыні:
✔️ Агучылі поўнакупальны фільм «Рознакаляровы сусвет» для Мінскага планетарыя
✔️ Зрабілі дубляж фільма «Мой сябар містар Персіваль», паказы якога адбываюцца па ўсёй Беларусі адначасова з рускамоўнай прэм'ерай.

Нягледзячы на складаныя абставіны, у якіх мы часова не можам праводзіць «Беларускія ўікэнды» ў кінатэатрах, мы не спыняем працу і працягнем радаваць вас:
🔈Бліжэйшымі днямі для самых маленькіх гледачоў на нашым ютуб-канале з'явяцца новыя серыі "Свінкі Пэпы" па-беларуску
🔈Больш дарослыя зусім хутка змогуць пабачыць шэраг сучасных блокбастараў па-беларуску анлайн. Так, вам не падалося😏

Цяпер як ніколі для нас будзе дарэчы ваша падтрымка. Давайце разам рабіць кіно па-беларуску: talaka.org/kino

З Днём Волі, сябры! Не забывайцеся на важнае☝️😏

Павіншуем вас не толькі словам, але і справай! Ад сёння ў Мінскім планетарыі убачыць прыгажосць нашага сусвету можна па-беларуску.

З Днём роднай мовы, сябры!🎉

Залы напаўняюцца - мова развіваецца!☝️
А гэта 600 чалавек на першым сеансе "Адзін дома"

Такая сітуацыя з квіткамі на першы паказ. Раім не адкладаць і набыць квіткі загадзя: afisha.tut.by/film/adzin-doma