‏"إن من يعرف قدر نفسه يعزّ عليه أن يمضي في سُبل لا ينتمي إليها."

"واعلم أن الحمل خفيف إذا حلت معه رحمة الله، وثقيل إذا نزعت منه...

واعلم أن الوحدة ونس إذا حلت معية الله، و أن الجمع وحدة إذا نزعت منه..

واعلم أن المال والبنين سعادة ونعمة إذا حلت فيهما بركة الله، وتعاسة ونقمة إذا نزعت منهما...

فالله خالق الأشياء، وقيومها، فلو توهمت أن تسعد بغير الله، فليس بعد ذلك الوهم وهم...

ولو توهمت أن تقوم بأمرك دون القيوم، فليس بعد ذلك الوهم وهم...

مَّا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا ۖ وَمَا يُمْسِكْ فَلَا مُرْسِلَ لَهُ مِن بَعْدِهِ ۚ وَهُوَ الْعَزِيزُ الْحَكِيمُ."

قبس ..

السلام عليك يوم خُيِّرتَ بين الخُلد في الدنيا ولُقيا ربك
فاخترتَ قائلًا: بل الرفيق الأعلى

السَّلامُ عَليكَ حيًّا فِينا لا تَموتُ أبدًا
وإن الموعد الحوض كما أخبرتنا، وإنَّا لنصدقك ﷺ

اللّٰهم صلِّ وسلِّم وبارِك على سيدِنا محمد .❤️🌿

إن أدّى تبسّطك مع الناس إلى استباحة حرمتك، والاستهانة بك؛
فأقلع عن التبسّط،
وأعد المسافة معهم،
وعلِّ الأسوار،
وليكن الكلام على قدر الحاجة؛ فإن الناس إذا ألفت = رتعت.

وليس هذا من الكِبر المُحرّم، إنما هو صيانة للحشمة، ومنع للهُزْء، وحفظ للكرامة.

فرّق بين التواضع والضِّعة.

اسوء طريقة في إنهاء العلاقات
هو الانسحاب التدريجي الصامت أو التجاهل المتعمد والبعد المفاجئ، لأنها بتأدي إلى حالة من الارتباك والحيرة و الصدمة والألم العاطفي للطرف الآخر، الانسحاب التدريجي والتجاهل المتعمد يترك آثار نفسية طويلة الأمد عند الاخر، مثل فقدان الثقة بالنفس والآخرين والخوف وعدم الامان، وتفاقم القلق والاكتئاب,وتخليه يشعر بعدم التقدير والإهمال والرفض و بتسيب مليون سوال في دماغ الشخص الاخر ( يعني باللغة العامية بتسيبه لدماغه) .
الطريقةالصحية هي التحدث بصدق ووضوح لإنهاء العلاقة بطريقة تحترم مشاعر الجميع وتسمح ليهم بفهم الأسباب والتعامل مع الفراق بشكل صحي و بطريقة ناضجة ومسؤولة، والتي تتضمن التواصل المفتوح والصريح، والاعتراف بمشاعر الطرف الآخر، والسعي للحفاظ على الاحترام المتبادل حتى في أوقات الشدائد والفراق ف يحصل الاخر على Closure (الإغلاق أو اختتام العلاقة الي يتوصل فيها الأفراد إلى فهم وقبول انتهاء العلاقة بطريقة تساعدهم على المضي قدمًا و الانفصال بسلام واحترام.

عن ألم البصيره أتحدث
Change happens when the pain of staying the same is greater than the pain of change. -Tony Robbins

كنت ناويه اكتب بوست طويل عن الالم ودوره في التعافي
والنضوج النفسي
يمكن شغلانة المعالج النفسي بتخليه شاهد علي لحظات الالم ومفيش اهم ولا اطهر ولا اقدس من تلك اللحظات اللي بيعبر فيها الانسان عن وجعه بنشوف وقتها لحظة بزوغ الروح زي شروق الشمس كده في يوم كله غيوم او زي طلوع الفجر بعد ضلمه حاجه كده تتحس وصعب وصفها
والحقيقه اننا كمعالجين بنفرح أووي بلحظات الالم وخروجها لانها بتكون ايذانا ببدء التعافي والتئام الجراح النفسيه وبنشجع المرضي علي تحمل الالم والتعبير عنه بشتي الطرق لان الوجع ليه وظايف كتيره اووي
Pain is a Catalyst for Change (Positive or Negative - We Decide)

الوجع هو اللي بينبهك ان فيه حاجه غلط هو الانذار اللي بيخلينا ننتبه ونفوق وندور يا تري ايه اللي حصل علشان احس بالوجع ده وايه سببه وهنا بنتعلم حاجات كتير عن نفسنا وعن اللي بيحصل حوالينا او فيه مننا اللي بيحاول يهرب ويزوغ ويتجاهل الالم علشان مش قادر يستحمل الم المعرفه وهنا الالم بيزيد ويزيد ويزيد لحد ما شدة الالم تكون اقوي من قدرتنا علي احتماله هنا بس بنقرر ناخد خطوه وبتراكم الخطوات بيحصل التغيير والتغيير ليه اتجاهين اتجاه ايجابي زي اني افهم اسباب الالم النفسي واطلب العلاج واحيانا بيكون التغيير سلبي وهو اني احاول اطفي الالم ده بسلوكيات سلبيه كتيره واحيانا ضاره زي الانغماس في التدخين ، ادمان الكحوليات ، الشره العصبي ، ادمان مشاهدة الافلام والمسلسلات وغيرها من اشكال التسليه واحيانا ادمان الشراء او حتي إدمان الجنس والمخدرات

Pain Highlights What Is Truly Important
الالم بيخلينا نعيد ترتيب أولوياتنا بنعرف من خلال معايشة الم الفقد ايه الشئ اللي مهم حقيقي واللي مفروض نستثمر فيه وقتنا لما كنت عايشه بره مصر في غربه كنت حاسه بوجع شديد لاني بعيد عن اهلي واصحابي والحاجات اللي باحبها وده خلاني فاهمه جدا احتياجاتي الحقيقيه ولما رجعت بقيت عارفه كويس أووي انا ايه اللي فارق معايا في الحياه وايه اللي يستاهل استثمر فيه وقتي
ومجهودي وايه اللي مايساويش حتي ذرة تفكير أضيعها

Pain Can Uncover Opportunity
الالم هو اللي بيساعدنا اننا نلاقي حلول مش بس لمشاكلنا لا وكمان لمشاكل الناس اللي حوالينا
الالم هو اللي بخلينا قادرين نحس بالاخرين ونفهم معاناتهم وندعمهم ونساعدهم يكتشفوا نفسهم ويلاقوا حلول . أفتكر لولا كل مساحات الالم الشخصي اللي عشتها عمري ما كنت حاقدر اساعد في علاج المرضي فالالم بيفتح لك فرص حقيقيه لفهم ودعم الاخرين من خلال فهمك لتجربتك الذاتيه

Pain Can Make Us Stronger (or Weaker)
وزي ما الالم ممكن يكسرنا ويهز كياننا الالم برده هو اللي بيقوي عزيمتنا ويساعدنا نكون النسخه الاكثر نضجا ومرونة وقدره علي تحمل الازمات زي الشخص اللي بيروح الجيم ويشيل حديد علشان عضلاته تقوي وتكبر. . الالم هو وسيلة الكبران الذهني والعاطفي والنفسي وكلنا عارفين ان الشخص اللي تعرض للحظات الم شديده هو شخص قوي و مرن نفسيا طيب ايه اللي بيحدد ده معتقداتنا وقيمنا الراسخه وقت استقبالنا للالم هي اللي بتخليك تقوم وتحاول او تنهارروتنهزم والمعتقدات دي بالتحديد هي اللي بنحاول نصححها في جلسات العلاج النفسي

وهنا حاعترف اعتراف شخصي انا موجوعه بشده لكل الاحداث الضاغطة اللي مستمره علي مدار الشهور الماضيه . مشاهد الحرب والفقد وجعت قلبي بما فيه الكفايه مع كل صوره او خبر او فيديو او بوست باتألم بشده ومفيش يوم فقدت فيه احساسي بالالم ويمكن النهارده بالذات حاسه ان الوجع تقيل اووي مصدره احساسي بالعار والهوان قدام كل تضحيه بيقوم بيها الابطال والمجاهدين
باحس قد ايه انا صغيره وقليله وعاجزه وضعيفه
وباسأل نفسي ميت سؤال يوميا
ليه احنا لسه عايشين عادي وهم اللي بيضحوا ؟
ليه احنا بقينا عاجزين كده؟
ليه احنا بقينا ساكتين كده ؟
ليه كل هذا الكم من الضعف والجبن والهوان والرضا بكل ماهو دنيوي زائل ؟
لكن كلي يقين بان الوجع ده هيزيد ويزيد لحد ما يحصل التغيير
محتاجين نفوق كلنا ونضبط البوصله ونجاهد نفسنا علشان نستحق منزلة المجاهدين في سبيل الله وما أعظمها من منزله

لإن أعض على جمرة من نار حتى تبرد
خير لى من أقول على شىء قدره الله : ليته لم يكن .

ابن مسعود رضى الله عنه .

تاريخنا في العلاقات القديمة منذ الصغر يُشكِّل -بشكل كبير- علاقاتِنا الحالية، ويُشكِّل كيفية تفاعلنا مع مخاوفنا ومع احتياجاتنا في تلك العلاقات.....
التحدث عن أنماط التعلق مجرد علامات على الطريق حتى تتبصَّرَ عن نفسك وعن علاقاتك، وليست دعوةً للصق علامات على نفسك أو إحساسك بالخزي.....
إذا ما كان لديك مشكلة في علاقة ما، ربما لا تكون تلك مشكلة بك أو بشريكك،
بل قد تكون مشكلة مخاوفك التي لم تجد طمأنينةً لها في الأساس،
ربما تحتاج أن تتعامل مع مخاوفك بشكل مختلف، أو أن تجد شريكًا لا يشعل كل هذه المخاوف بداخلك.
وربما كانت المشكلة في التفاهم على حجم وشكل المساحات التي بينكما....
علاقاتنا معقدة لأنها غنية، لأنها مرايا لما بداخلنا من تعقيدات وخيوط شتَّى....
فلا تتعجَّلْ بالحُكم على علاقاتك، بل حاوِلْ أن تفهمَها....
وأول تلك العلاقات التي تحتاج أن تفهمها هي علاقتك بنفسك....
------------
#مش_كل_تعلق_يبقى_اعتمادية_مريضة
#التعلق_مش_مرض

وحدك ياربِّ تعلم ما بداخل كل مِنّا..تشهد على ألمه الخاص الراقد بداخله ولا يجِفّ..تعرف كم مرّة واسى قلوباً وقلبه به جروحٌ لا تندمل..تعرف كم مرة سحقته الأشياء وصعٌبَت عليه ولم يستكمل المقاومة..ترى ضعفه الذي يختبىء خلف قوّة مُصطنعة..تشهد على أرجله التي أدميت من الركض في كل الاتجاهات..تعرف كل الذين هرول إليهم ليطمئنّ فملؤوه بالقلق.
فهوِّن علينا ياربِّ نَصَب الطريق..نركنُ إليك بكل ضعفنا وقلّة حيلتنا..فانظر لنا بعيْن لطفك..وامنحنا قوّة وصبراً لنعرف كيف نصمد ونتعامل مع الآلام ونتعايش معها.

- خالد الحداد

(( .. الفكرة ليست بأن تنجو من الغرق فحسب ، بل بأن تبقى علاقتك بالبحر طبيعية .. ))

... عشان يبقي السؤال الصعب ، إزاي علاقتنا تبقي بالبحر طبيعية ؟؟؟

في مقالة بعنوان Breaking the Trauma Cycle بيتكلم دكتور Frank Anderson عن ان دايما بيحصل مع الـ PTSD ( اضطراب ما بعد صدمة ) حاجة اسمها الـ Trauma Cycle ( دورة الصدمة ) ، و اللي بيقول عشان نخرج منها بنعمل الـ four "T"s :
- thank ( شكر )
- trust ( ثقة )
- Transform ( تحويل )
- take back ( استرجاع )

.. فلو حد مر بتجربة الغرق قبل كدة و جاه له اضطراب ما بعد الصدمة من البحر ( بمعني انه بمجرد ما يشوف بحر او يفكر فيه يتعب و يدخل في نوبة قلق مرضية ) .. المفروض يطبق الـ four "T"s عشان يخرج من دورة الصدمة ديه :

- انه يشكر الغرق !! تخيل تبقي مدين للغرق و المشاعر الصعبة ديه عشان اضافوا لادراكك حاجة جديدة !! ... اه انت شوفت تجربة مرعبة بس اكتسبت شوية معلومات و مهارات ممكن تنقذك بعد كدة ، و تكون سبب نجاتك مرة تانية

- انه يثق بنفسه ، اه انت مرت بتجربة قاسية جدا ، بس شوف طلعت منها ازاي ، انت حي ، انت ناجي من موقف كتير غيرك كانوا زمنهم ميتين ! .. فبدل ما تبص لنفسك بنظرة الضعيف اللي كان هيغرق ، لا بص لنفسك ان انت لسه واقف علي حيلك و انتصرت علي الغرق ..

- انه يحول المشاعر و الافكار اللي متلزموش في الوقت الحالي لحاجات تانية مفيدة له اكتر .. ماشي ساعتها كان كل تفكيرك متمحور عن ازاي ممكن تعيش ، بس خلاص بقي التجربة ديه انتهت .. خلي كيانك و روحك يشوف لما هو بعد الحالة ديه ، بلاش تحبس نفسك جوا شعور خلاص انتهي و ملوش وجود في الوقت الحالي .

- استرجع قوتك لما هي قبل الغرق ، اه انت شوفت نفسك ضعيف و البحر هاجم عليك ، بس متنساش نفسك قبل كدة كنت ايه ؟! لا ده انت كنت شديد اوي و مش شوية ماية يهزوك ! .. بلاش تخلي حادثة واحدة تهد صورتك الاصلية لنفسك .. إنما اعلي فوق الفكرة الضيقة ..

.... في النهاية الموضوع مش سهل ، و ياما ناس عايشة من الغرق بس مش قادرة تعمل علاقة طبيعية مع البحر .. اه احياء معانا مغرقوش بس ميتين جواهم و مش عارفين يعيدوا علاقتهم الجميلة بالبحر او يستمتعوا بحلاوته و سحره .. اه الموضوع مش بكلمة سحرية او بدوسة زرار ، بس ع الاقل الانسان لازم يصدق بجد انه يستحق حياة اهدا و افضل .. يستحق انه يعيش مش خايف او traumatized من البحر ..

- كيرلس بهجت