8 Documents oo ay muhiim tahay inaad diyaarsatid, si aad uga faa'iidaysatid deeqaha waxbarashada ee caalamiga ah

https://vm.tiktok.com/ZMkQsvEcw/

Dunida walax kastaa waa Maatar.

Maatar qeexiddiisu waa wixii mug & cuf leh, wuxuuna uu u kala baxaa saddexdan nooc oo kala ah:

1. Adke = waa wax la taaban karo.
2. Dareere = waa wixii la shubi karo &
3. Neef (Hawo).

Biyuhu waa walaxda keliya ee noqon karta saddexdaas marxaladood

Heer kulka u dhexeeya 0°C ilaa 100°C Biyuhu waa dareere.

Haddii heer kulku 100°C uu kor u sii dhaafana, waxaa ay Biyuhu noqdaan uumi.

Cagsigeeda markii heer kulku uu ka hoos maro 0°C, waxaa ay Biyuhu noqdaan baraf adag oo la taaban karo.

Akhristoow, lambarka ah 0, ma uu ahan lambarrada kan ugu yar, ee waxaa ka sii hooseeya kuwo kale.

Sida aan wada ognahayna, lambarradu waa kuwo togan [ + ] & kuwo taban [ - ], dhex taalkooduna waa Eberka oo u kala bar ah.

Tusaale:

- 5 - 4 - 3 - 2 - 1 < 0 > + 1 + 2 + 3 + 4 + 5

Ustaad Daa’uud Cumar

Ninkii dhimiraloow waalidkaa dhawdi lama diido
Haddana kaad dhalliil tuhunsan tahay looma dhegakoomo
Dhallaan iyo adoo reer u weyn dhaaxo lama laayo
Haddana kaan dhawaaqaaga maqal looma wada dhaafo
Dhallinyarada kula ayniga ah lagama dheeraado
Haddana kii dhabbada seegganee dhoohan lama raaco
Nimaan dhogortu kuu qabanahayn laysma dhinac taago
Haddana kaan dhibkaagaba jeclayn dhiifti lama doono!

Dacar Ibraahim Guuleed. AHUN

Hablaha raba inay xifdiyaan Quraanka kariimka ah, group-kaas haku biiraan, waa dumar bes.

https://chat.whatsapp.com/DG34f8pfc64E4xcYSp5MxQ

Baro - Marinka Qasa, Falastiin.

Marinka Qasa waxa uu ka kooban yahay shan gobol, waxaa u wayn Khaan Yoonis waxaana u yar Daaral-Balax

Si guud Marinka Qasa waxa uu dherer ahaan yahay 41km, halka ballacuna yahay; dhanka Masar 12km dhanka Waqooyigana 6km, badkuna wuxuu noqonayaa 365km²

Qaybaha ama gobollada Qasa waa shan waxayna kala yihiin sidan;

Gobolka Rafax: waa kan ugu kooneeya una xiga dhanka Masar. Waxa uu ka kooban yahay degmkoyinkan;
1. Al-Bayuuk
2. Al-Mawaasi
3. Al-Qarya As-Suwaydiya
4. Xaafadda Rafax
5. Shookat As-Suufi
Waxaa kale oo ku yaalla laba xero qaxooti oo kala ah; Kaamka Qaxootiga ee Rafax iyo Talaal Al-Suldaan.

Gobolka Khaan Yoonis: waxa uu u dhexeeyaa Daar Al-Balax iyo Rafax waxa uu ka kooban yahay degmooyinka;
1. Abasan al-Kabira
2. Bani Suhayla
3. Degmada Khaan Yoonis.
Magaalooyinka yar yar ee la xusi karo waxaa ka mid ah; Abasan al-Saghira, Khusaa'a, Al-Qaraara, Alfukhaari iyo Umm-Al-Kilaab.

Gobolka Daaral Balax; waxa uu u dhexeeyaa gobollada Gassa iyo Khaan Yoonis. Waxa uu ka kooban yahay Degmooyinka;
1. Daaral Balax
2. As-Sawayda
3. Wadi Alsalqa
Waxa kale oo ku yaalla gobolkan xeryaha qaxootiga ee;
1. Bureyji
2. Xerada Qaxootiga ee Daarul Balax
3. Magaasi iyo
4. Nusayraat.

Gobolka Gassa; Gobolkani waa kan ugu dadka badan waxa uuna ka kooban yahay;
1. Degmada Qasa
2. Al-Sahra
3. Madinatul-Awda
4. Abu Maydaan
5. Juhuur Ad-Diik
Waxa halkam ku yaalla Xeryaha Qaxootiga ee Alshaati.

Gobolka Waqooyiga Qasa; gobolkan waa kan ugu Waqooyisan Marinka Qassa. Waxa uu ka kooban yahay;
1. Degmada Albadawiya
2. Beyt Hanuun
3. Bayt Laahiya
4. Jabaaliya iyo
5. Isbaat-Bayt-Hanuun.

Waxa qoray: Zakariye Hagarlaawe

9 MEELOOD 18 KULA NOOLOW!!
1. Xaaskaaga Ad-adayg iyo Debacsanaan kula noolow.
2. Dadka dhexgal iyo ka fogaansho kula noolow.
3. Saaxiibada dhab iyo dheel kula noolow.
4. Ardayda furfurnaan iyo xirxirnaan kula noolow.
5. Ilmahaaga Naxariis iyo Cadownimo kula noolow.
6. Calooshaada dhereg iyo gaajo kula noolow.
7. Jirkaaga raaxo iyo daal kula noolow.
8. Naftaada siismo iyo diidmo kula noolow.
9. Rabbigaagana Cabsi iyo Rejo kula noolow.

W/Q Cabdiqaadir Maax

Dhawrkii sannadood ee u danbeeyay haddii uu jiro dhaqan aan joogteeyay, waa in aanan seexan aniga oo aan wax sii akhrisan. Ugu yaraan 10 ilaa 20 bog oo buugga markaas ii furan ka mid ah ayaan ku sii luqluqdaa inta aanan hurdo u jeesan. (Ku ma jiraan buugagga aan ujeeddo degdeg ah u akhrisanayo ee aan waqti kooban isu qabto iyo maqaallada/curisyada maalinlaha ahi). Taas maxaan ka faa’iday? Aniga oo aan dhaaddanayn ayuu kordhay akhriskaygu. Buug weyn oo boqollaal bog ah ayaa muddo kooban iigu dhammaada, oo aan is arkaa aniga oo mid cusub uga gudbay. (Xisaab fudud weeye: celcelis ahaan haddii aad 15 bog habeenkii sii akhrisatid, soddonka maalmood waxaad maraysaa 450 bog!)

Hiddaha akhrisku sidaas doqoni-magaratayda ah ayuu ku abuurmaa. Wixii la caadaystaana wuu xasilaa. Bal tijaabi.

~Aw Guudcadde

Magaalo Afar baa lagu joogaa

1. Maro kaa badan- Dhar aad isku bed-beddelato
2. Minin kaa badan- guri leh qolal martidu kuu seexato 3. Maskax kaa badan- Cilmi iyo Caqli kugu filan
3. Maal kaa badan- Shaaha iyo bajaajta inaad iska bixin karto

~ Cabdulqaadir Maax

Waxaa cajiiba in 26kii June, 64 sanno ka dib xilligii xornimadda la qaatay, inaan ku waabiraysano saddex fariimood oo cajiiba:

1. Ciidanka federaalka Itoobiya oo shalay Sitti ku hor istaagay Liyuuga Soomaalida iyagoo leh “dhulka Canfarta” galimeysaan. Hadda waa Candhuufa iyo dhul Soomaaliyeed.

2. Hargeysa oo looga heesayo “Garoowe iyo kuwa xintama, waxa iga xiga Amxaar xurmo iyo sharaf igula nool.” Indheeh?

3. In shir Minnesota ka dhacay ay Molly Phee oo Mareykanka arrimaha geeska u qaabilsan akhyaar shirka ka qeybgashay si gabad la’aana ugu sheegto “soomaaliyeey idinkaa halkaa is dhigay. Hadaydaan midoobin, Abiye Axmed iyo cid walbaa siday rabto idinka fali!”

W/Q Abdirizak M. Warfa oo bartiisa Facebook soo galiyay subaxnimadii maalinkii xoriyadda gobolada waqooyi ee aan soo dhaafnay 26 Juun 2024

Hadaba su'aal ayaa iswaydiin mudane, Soomaaliya isbuuca xornimada ayaa lagaga dabaal dagayaaye ma been iyo waxaan jirin baan isku akhrinaa mise sida dhabta ah ayaynu xaaladda Soomaalidu ku jirto u wajahnaa?!

https://vm.tiktok.com/ZMMUFhJeQ/

Tiktok maxaad ka aamisan tihiin saaxiibayaal?