—

خليني أقول لك حاجة خليها في بالك على طول،
🤍🤍🤍💚💚💚
في حاجات في الحياة دي عندها بدائل وبتتعوض وبتجي فرص بعدها تنسيك لها ذاتو ..
بس لازم تعرف لابديل للقرءان قط! ..
لافي صحبته ولا في الطمأنينة والسكينة البتزين لك حياتك بسببه، ولا في معيته لك وأنت تحمله في صدرك،ولا حتى في المساعدة اللي بساعدك لها عشان تتغير للأحسن!..
مافي حاجة ولا صحبة ولا كلام ولاأي شئ ممكن يحل محل القرءان في حياتك أبدًا أبدًا ..
مافي بديل حيعوضك عن كل الحاجات الحيديها لك القرءان، لازم تأكد لنفسك المعلومة دي كل يوم، عشان كل ما تكنسل أو تتكاسل عن طريق القرءان تستسعر حاجتك إليه!

القرءان ما كلام عادي، هذا كلام الله! 🩵🤍💚
وهو صاحب ورفيق، وإنّه أنيس العمر، وخليل الأوقات كلّها!

الحياة بعد القرءان لا تعدل كل مامر عليك مِن نعيم قبلها!

مافي شئ بعوض القرءان ومافي شئ بسد مكانه في قلبكِ ويروي احتياجك له..
والموضوع مابس حفظ لكن محتاج تعيش معاه، تشاركه في يومك في كل تفاصيلك، فكثير حفظة له لكنهم لم ينالوا غير ترتيب الآيات في صدورهم! ..

يابُني ..

القرءان مشروع العمر، وفوز في الدارين ونعيم لا يُدرك في غيره مِن كل مافي الدنيا!

فاللهَ اللهَ في القرءان ..

والسلام! 🌺✋️💚

#خاطرة

من فترة ستة شهور كنت متابع بصورة متعمقة للاستشارات التي ترد من مغتربين السعودية
وحدود الحالة بالضبط بتكون في واحد أو واحدة زوجها جابها السعودية زيارة بسبب الحرب وفترة غيابو عنهم بتكون أكتر من خمسة سنوات .. والاستشارة بتكون في انها دايرا ترفع قضية طلاق لأنها ما طايقة الحياة معاهو .. أو هو بكون حاسي نفسو وصل لطريق مسدود وداير الشورة الحكيمة في التصرف قبل يُقدم على الطلاق

- لقيت انو المشكلة بتكون في الطرفين… الزوج والزوجة، الزوج لأنو عاش أكتر من خمسة سنوات واتعود ع طبع معين في البلد دي، طبع العزابي البياكل دليفري وبعد الشغل بشتغل توصيل طلبات أو اي شغلة هامشية وبالمساء يقعد مع اصحابو ويجي البيت زول نوم بس وانطبع على الطبع ده مدة طويلة ما أقل من خمسة سنوات .. يعني حتى هدومو يلمّها كلها ويجدعها عن اي محل غسيل وكوي ويجي يستلمها ، وغلبه تماما انو يعيش بنفس الوضع في السودان من انو رب أسرة وبجي وثت الغداء ويقعد مع الاولاد ويطلع المساء ويرجع البيت

- الزوجة غالبا بتكون مشكلتها انها عندها تصور معين ومسبق للحياة في السعودية ودايرا تعيش الوضع ده بأي طريقة يعني الأكل في المطاعم والعفش كيف وفلانة مشت السعودية وعايشة كيف، وعندها اعتقاد أصيل انو الراجل ده عنده قروش وكضاب لمن يقول ما عنده قروش لأنه برسل لأهلو ، وفي حالات عديدة الزوجة بتكون مشاكلها مع زوجها بسبب تواجد أهله وقرايبو في نفس الشقة ، والنسوان مع بعض ما بتحملو بعض غالباً وخاصة في الشقق حيث كل شيء ظاهر وبارز للعيان

- المشكلة انو الطرفين بكونوا حديين جدا، يعني أي مشكلة تحصل لازم يوصلوها الحد، والناس دي ما كانت كدا، بس شنو الغيّرها ؟ ما تعرف.

- واحيانا تلقى أهل الزوجة يتدخلوا تدخل مدمّر للحياة الزوجية خاصة مع اختلاف الثقافة بين البلدين، قبل ايام كنت في استشارة حقت واحد مرتو سجنتو بسبب انها عايزة تسفر لأهلها في مدينة تانية وهو رافض واتكلم مع ابوها وحصلت مشادة شديدة بينو وبين ابوها، في النهاية ابوها اتصل بالشرطة وقال ليهم الزول ده مهدد بنتي بالقتل وانا خايفو يقتلها وطوالي الشرطة باشرت البلاغ وهو الآن مسجون،طبعا هنا لمن تقول للشرطة الزول ده هددني بالقتل ما زينا في السودان بكون في تراخي، لا طوالي الناس بتخش في اجراءات تصعيد
الخلاصة انو الزولة دي فقدت زوجها تماما وما معروف بعد يطلع حياتهم ح تكون كيف
خاصة انو لمن تتسجن وانت موظف فالموضوع ده ح يأثر عليك تأثير شديد قد يمتد لأنك ما تلقى وظيفة في شركة طالما مفتوح فيك بلاغ زي ده

- ما عارف لشنو بغيب تحكيم صوت العقل بل حتى الأهل بدل يكونوا أداة إصلاح ببقوا معول هدم تضيع بسببه حياة الأطفال والزوجين

- الناس فقدت القدوات البتعلمهم كيف يتعاملوا بأسلوب عادل وحكيم وهذا يستدعي ممن فتح الله عليه في حلول المشاكل الأسرية أن يسعى في بذل ما علمه الله تعالى للناس وأن يدلهم كيف يتعاملون مع المواقف بطريقة صحيحة.

- والله الموفق

قائمة القنوات

عمـرك من 18 لـ 35 ❤️

- احبـس نفسك في غرفة واقرأ ال 7 كتب ديل

ستشكرني يوما ما?
ح ارسلهم ليكم pdf

1️⃣ كتاب " الاب الغني و الاب الفقير "
ما يعلمه الأغنياء لأبنائهم ولا يعلمه الفقراء لأبنائهم
هتتعلم كيف ممكن تجعل الفلوس تشتغل عشانك.

2️⃣ كتاب "الرجال من المريخ و النساء من الزهرة "
يعتبر الكتاب دليلاً إرشادياً لتقوية علاقات الحب بين الأزواج.
يعد من أهم وأشهر الكتب في العالم، التي تتناول الفروقات بين الجنسين، يعرض المشاكل الشائعة الحدوث بين الرجل والمرأة.

3️⃣ كتاب " لا تكن لطيفاً أكثر من اللازم "
يعلمك التخلص من اللطف الزائد، وانك ما تجي على نفسك عشان خاطر حد مهما كان.
متين تقول (لأ) في الوقت المناسب وبالطريقة المناسبة.
وكيف تعبر عن غضبك بطريقة ما تخسر بيها حد.

4️⃣ كتاب كيف تكسب الاصدقاء و تؤثر في الناس
من أكثر الكتب مبيعاً في التاريخ الحديث
يعرض الكاتب 7 طرق لكي تجعل الناس تحبك وانها ليست نظريات فقط ولكن تم تطبيق هذه القواعد وبالفعل نجح تحقيقها وأثرت وطورت حياة كثير من الناس.

5️⃣ كتاب " لأنك الله "
كتاب يجبر كسر قلبك وكسر روحك وكسر جسدك ينسيك تعبك أوجاعك وهمومك يرسم إبتسامة على وجهك.
حرص المؤلف أن يكون الكتاب مناسباً لمن هم متوسطي الثقافة، ويكون ناسباً للمحتاج و المريض و السليم.

6️⃣ كتاب " فن اللامبالاة
مع متطلبات الحياة المتزايدة تجد نفسك في معارك متواصلة وعليك في كل تلك المعارك أن تصمد و أن تستمر.
يعلمك مارك مانسون كيف ترضى ولا تلقي بالاً ، ويعلمك كيف تكون قوي وذو عزيمة صارمة.

7️⃣ كتاب " لا بطعم الفلامنجو"
الكتاب ده هاينقلك بهدوء وثقة.. من مرحلة (الحبو) خارج النص.. و(المشي) فوق أشواك العلاقات الخطرة وتجاوزها.. إلى الضرب على الأرض بشكل إيقاعي متتابع ومبهر.. وكأنك راقص فلامينكو محترف.. يرقص فوق آلامه.. ويزلزل القلوب أمام عينيه.

قال تعالى :
"‏{ وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ }"

لا يأس يا مؤمن، الله يتولى أمرنا وهو القادر والرحمن سبحانه، اذكر الله ليطمئن قلبك وتهدأ روحك، ألف لا بأس عليك، الله معنا??.

الحياة كلها في آيتين:
"فَمٌنَ أتْبّْع ُهدِايَ فَلُا يَضُلُ وَلُا يَشِقًى
"
"وَمٌنَ أْعرَضُ ْعنَ ذَكِرَيَ فَإنَ لُُه مٌْعيَشِةِ ضُنَكِا"

المحظوظين في الارتباطات العاطفية في الدُنيا دي
هم الناس الوقعوا في شريك قوي، كلمتو سيف، رايو واضح انسان شفاف بيقدر يعبر عن نفسو بكل بساطة، ما بتكون عارفو بيعمل في شنو لأنو ما بتاع بوبار و كلامو كتير، زول واثق جداً من نفسه، طموح، جرئ، حقاني حتى لو ما في حقو، دا هو نعم الشريك و الصديق ورفيق الدرب❤️
You've to be clear always ??

شعور الخذلان الأول في رحلة تعليمي كان لما امتحنت شهادة الأساس و احرزت مجموع ما قدر الاجتهاد و الكفاح المبذول ، ومن هناك لاحقاً ادركت معنى ( اللهم لا بإجتهادي و إنما بتوفيقك و رحمتك) ، الحمد لله دخلت حكومي نموذجي كان هيبة و تعليم و معرفة بحتة ، لما دخلت كنت بحلم بحلم ما حلمي ،،طب،، ( مع احترامي و تقديري لمهنة الطب و الأطباء لكن نحن ك مجتمع سوداني عندنا عقدة مرضية مع الطب ، بنأصل في عقل الطفل الواعي واللا واعي انو هو حلمو الطب ما بنديه فرصة يطلق العنان لنفسه وناهيك البوبار ) المهم في أولى ثانوي و بفضل أستاذتي الوقورة المحبة أ.سارة حبيت الكيمياء حب عميق و اكتشفت حلمي الحقيقي أقرأ صيدلة ، امتحنت الشهادة الثانوية و عملت نسبة في نهاية الثمانينات ( ودي الصدمة والخذلان الثاني في الرحلة) و اتقبلت صيدلة ولائي ( الصدمة الثالثة ) الكلية كانت ما مهيئة ما بتعادل مقدار الشغف و التطلع العندي ، رفضت أقرأ خاص و قلت اصبر ، 2021 ربنا الهمني بفكرة المنح ، بقيت بمشي الخرطوم اقرا كورسات و بطلع متطلبات المنح واحد واحد ، كنت بقوم ٣ ص بقرا الأذكارحفظ وطمأنينة و البقرة " أخذها بركة ♡ ، تركها حسرة ? ،لا تستطيعها البطلة " بتحرك 5 ص للسجل المدني و الوزارات ، رفيقي غوغل ماب ، 2022 بديت أقدم هنا و هناك مرة براي ومرة بمساعدة لكن نهائي ما قدمت عبر مكتب تقديم (وبالجد الموضوع ساهل اعرفو المطلوب و شوفو طريقة التقديم كيف من اليوتيوب ) ، ما اتوفقت لكن اكتسبت معرفة ورفقة.
السنة دي قدمت للمرة ال٣ في منحة iccr الهندية و كنت قنعانة و كسلانة انو اسافر من سنجة ل بورتسودان اعمل المعاينة ، جات ضربة سنجة و نزحنا حلفا الجديدة ( ‏وإذا أراد الله إتمام حاجةٍ أتتك على سفرٍ وأنت مقيمُ) ربنا قرب لي المسافة جداً♡
الحمد لله اتقبلت في المنحة صيدلة وحاليا في الهند .
_ختاماً
أيها الحالم لا تيأس من رحمة الله ، واستعن بالدعاء، "ثق انك تستطيع تحقيق المستحيل ، المستحيل فكرة نفسية يمكن تحطيمها بصبرك وارادتك وقوتك الذهنية والارادية".

إخلاص زين العابدين