هااااي براعمي ✨️
حبيت نهدر على ناس لي راي تقول لوقت فات ومايكفينيش نوصل ?
جامي حاجة تروح قبل ماتجي ? مزال 5 شهر وشويا صرف ? مدة كافية باش لي قاري يبدا ريفيزي واش قرا ول مابداش يبدا من لول
مهم أبداو وقت مناسب راه الآن ✨️
راه نهار 24 ساعة نقصو منها ساعات نوم 8 ساعات وقتكم لخاص 3 سوايع(لي يروح مع اهل واكل ) يبقى 13 ساعة تقدرو تقسموها كيما تحبو
وراي عطلة جاية كنصيحة نقصو دورات واحد مش قاري من لول ومش فاهم علاش يروح لدورة يضيع وقتو كثر ! اقراو وحدكم أيامات عطلة تنقصو منها وقت لي كور وحاولو تخيرو توقيت مناسب مع لي بروف باش يبقالكم لوقت لي تقراو فيه نتوما وحدكم ?ماشي تروح تريح وتسمع في لي كور وامبعد تقول قريت
مهم اجتهد فقط ⚡

عجبني هدا التوقيت ونتوما قسمو المواد لي بغيتو بنسبة لي ناس لي تنعس كي تكون تقرا أشربو لما بيسك راه يدل على جفاف
خطة عطلة الشتاء ✨️ :

1️⃣ المواد الأساسية :
• حل جميع تمارين البكالوريا المتعلقة بالوحدات التي تم إنهاؤها في الفصل الأول
• ملخصات المواد الأساسية + إتمام كل دروس الفصل الاول

2️⃣ المواد الثانوية :
• فهم دروس الفصل 1 في الإجتماعيات ( ماشي شرط تحفظوا كلش المهم يكون عندكم اطلاع عليهم )
• اللغات : كسب رصيد معرفي + دراسة القواعد و حل مواضيع البكالوريا المتعلقة بالوحدات التي درستموها في الفصل 1

3️⃣ الدراسة اليومية :
• اليوم = مادتين اساسيتين + مادة ثانوية
• 7:00 >> 8:30 : مادة ثانوية
• 9:00 >> 12:30 : رياضيات او فيزياء
• 14:00 >> 18:00 : علوم طبيعية
18:00 >> 00:00 : هذا الوقت المتبقي

4️⃣ الوقت المتبقي ديرو فيه واش تحبو ( حبيتو تلعبو / ترتاحو / تريحوا مع داركم .. )

هكا باش تعرفو بلي راه كاين وقت برك نتوما مش عارفين تقسموه ?? ديديكاس لناس لدات 2 في فيزيا ✨️
اقراو بذكاء حلو تمارين طبعا بعد ماتفهمو درس زين وتاني نوعو تمارين ماشي نفس لفكرة تتعاود غير أرقام مبدلين ??

فما زال هناك متسع من الوقت إياك أن تفرط في ذلك الحلم الذي عقدت العزم على تحقيقه ?✨