#ДИҚҚАТ
#ЧАЛҒИТУВЧИ_САВОЛ

**Зийраклик тести

Фақатгина диққатли инсонларгина тўғри жавоб беришади.

Расмда нечта уч сони қатнашган?**

Бирор кимса сизни танлагани сабабли,пушаймон бўлмасин!
«Аттанг»ларга эмас.
«Шукур»ларга сабаб бўлинг.

𝐇𝐚𝐲𝐨𝐭_𝐅𝐚𝐥𝐬𝐚𝐟𝐚𝐬𝐢

Шу шеърни қайта қайта ўқиб чиқдим. Сизга ҳам илиндим азизларим🍃**🌸*

ТЕШИК КАМЗУЛ...

🍃🌸Бир камзулим бор эди,
Кийса, одам уялар,
Чунки олмадек жойин,
Еб қўйишган куялар.

🍃🌸Қишда уни эҳсон деб,
Бердим муҳтож қўшнимга,
Ўша куни шу камзул,
Кириб қолди тушимга,

🍃🌸Ўтганмишман оламдан,
Чоршанбанинг тонгида,
Турганмишман дўзахнинг,
Шундоққина ёнида.

🍃🌸Эмишман шир ялонғоч,
На молим бор ва на пул,
Кўзларимда даҳшату
Қўлимда йиртиқ камзул

🍃🌸Оҳ, у олов, у азоб!
Қоврилармиш одамлар,
Қайта-қайта ёнишиб,
Соврилармиш одамлар.

🍃🌸Ўт менгаям урармиш,
Ёқай деб юз, кўзимни,
Шу тешик камзул билан,
Тўсармишман ўзимни.

🍃🌸Фақат, йиртиқ жойидан,
Ҳар гал жоним куйганда,
Дер эмишман: «Қанийди,
Камзул бутун бўлганда».

🍃🌸Эссизгина тириклик,
Қурсин кийиб, еганим,
Шуми ёруғ дунёдан,
Ўзимга обкелганим ?!

🍃🌸Оҳ, қўшним-а, шунгаям
Суюниб "Раҳмат!" деган,
Олгани-чун раҳматни —
Мен айтсам бўлар экан.

🍃🌸Кийимларим жавонга,
Сиғиб турарди аранг,
Сандиқда қанча латтам —
Қолиб кетди, эҳ, аттанг.

🍃🌸Қариндошлар ичра ҳам
Қийналганлар бор эди,
Чеҳрасидан билардим,
Ким нимага зор эди.

🍃🌸Гадой сўраса юз сўм,
Жаврардим энсам қотиб,
Табассум билан эмас,
Бердим юзига отиб.

🍃🌸Билсам, муҳтож қўлига —
Тутқазганим бир тилло,
Охират сандиғимга —
Тушаркан бўб минг тилло.

🍃🌸Йиғиб меросхўрларга —
Қолиб кетар молимни,
Ўйламабман ўзим-ла —
Олиб кетар молимни.

🍃🌸Ёшлигимда ҳар нени —
Деяверсам "меники ",
Бобом дерди: "Эй, болам,
Берган нарсанг — сеники.

🍃🌸Кийинтирган кийинар,
Едирганлар ейдилар,
Бирини кийсанг, бирин —
Эҳсон қилгин ", дердилар.

🍃🌸"Шош, — дердилар, — яқинда —
Муҳтож одам қолмайди,
Садақа қилай десанг,
Ҳеч бир одам олмайди.

🍃🌸Хоҳ яширин, хоҳ ошкор,
Эҳсон қилгин кўпми, оз,
Ҳатто, табассуминг ҳам —
Жаннатга бир имтиёз.

🍃🌸Қарашиб қол, эй инсон,
Мискиннинг ош, нонига,
Ўлмай туриб, кириб ол —
Жаннатнинг айвонига ".

🍃🌸Йиртиқ камзулни ушлаб,
Бир нарсани ўйлардим:
Билганимда тўнимни,
Эҳсон қилган бўлардим.**✍*Марҳабохон Каримова.

МЕН...

Мен ўзимга ўхшайман, шундоқ,
Кимларгадир ёққим келмайди.
Қабул қилинг боримча, шундоқ,
Сув томонга оққим келмайди.

Оддийгина булоқман, асли
Ер бағридан сизган беғубор.
Менга ёқар йилнинг тўрт фасли,
Кўлмак билан нима ишим бор?!

Шеърларим ҳам эмас у қадар,
Малҳам бўлса бўлди дилларга.
Яратганга бир ўтинчим бор,
Атрофимни тўлдир гулларга,
Муҳтож қилма номард қўлларга...

✍Гулнора Қаҳҳорова.
🎙️Жума Арипов

ПОП САЙЛОВ КОМИССИЯСИ ЖАМОАСИ

🍃🍃🍃

ЖОНИМНИ БЕРАЙ...

Тунни тонгга улаб аллалар айтган,
Ғам чексам минг чандон ғуссага ботган,
Бешигим устида тонглари отган
Жонимни берай мен жафокашларга.

Йиқилсам турғазган, суянсам тоғим,
Боғбондай асраган мевали боғин,
Оталар—фарзандлар юрак ардоғи,
Жонимни берай мен жафокашларга.

Опамсиз,оғамсиз,жон ришталарим,
Жони жон толамга офушталарим,
Аллоҳ берган малак, фаришталарим,
Жонимни берай мен жафокашларга.

Энг содиқ дўст бўлиб ёнимда юрган,
Ҳар ишда қўллаган,қоядек турган
Боғимга илашган тиканни терган,
Жонимни берай мен жафокашларга.

Ҳаётимда топган асил дурларим,
Роббим ошно этган ғилмон, ҳурларим,
Топган бойликларим ичра зўрларим,
Жонимни берай мен жафокашларга!

✍Гулнора Қаҳҳорова.

Она тилим.

Она тилим, онам тили
жон тилим,
Садқа бўлсин сенга
тану жон тилим.
Мени бийрон қилган
ахир, ўзингсан
Ширинзабон қилган
ахир, ўзингсан.

Она тилим, онадек
азизгинам,
Доно тилим, болдайин
лазизгинам.
Давлат тили бўлиб
қайта туғилган,
Ҳикматгинам,
Қуръону Ҳадисгинам.

Минг шукрким, шаънинг
тутди жаҳонни,
Қудратингга дунё
келтирди иймон.
Эй Темурнинг,мулки
она Турони,
Ўзлигингдан айланай,
Ўзбекистон.

✍Гулнора Қаҳҳорова.

#Хайрли_тонг **🍃*🌸🍃Дунёдаги энг гўзал неъмат сизнинг тириклигингиз ва гўзал қалбингиздир...

🍃🌸🍃Ҳаётга табассум билан боқсангиз, у ҳам сизга кулиб боқади...

🍃🌸🍃Бошланган янги кун беморлар дардига шифо, кексаларга роҳат, оилангизга бахт, хонадонингизга файз, танингизга саломатлик, дилингизга қувончу шодлик олиб келсин, Азизларим...

〰🍃🌿🌸🌺🌸🌿🍃〰***

ТИЛИМ

Нодир тилим, нор тилим,
Минг асрдан бор тилим,
Тил деганга ёр тилим.
Туғ тилим, турон тилим.

Қизил занжир, бузолдинг
Сел оқтирди, сузолдинг.
Чақмоқлардан ўт олдинг,
Қон тилим,қурбон тилим.

Қошғарий қариндошинг,
Навоий бир сирдошинг.
Ал-Бухорий диндошинг.
Шон тилим, урфон тилим.

Хоразмийга ҳисобсан,
Берунийга хитобсан.
Сино  ёзган китобсан,
Жон тилим, жаҳон тилим.

Темурийга посбоним,
Улуғбекка осмоним.
Бахшиларга достоним,
Боғ тилим, боғбон тилим.

Тўлиқ таъриф битолмай,
Тебранурман ниҳолдай.
Ҳайқираман Билолдай,
Бор тилим, бийрон тилим.

Гул тилим, гулзор тилим,
Ёт сўздан безор тилим.
Минг йиллар бедор тилим,
Дуо қил, иймон тилим.

Ўзбек тилим, ўз тилим,
Ҳаққа изҳор, сўз тилим.
Парвозларда кўз тилим,
Ҳақ тилим, ҳоқон тилим.
Қайтадан уйғон тилим!

Элдорбек Татиев ҚР да хизмат кўрсатган маданият ходими

ОНАМ ДЕРМАН ЧАМАНЗОРИМ ОНАМ ДЕРМАН