بۆنی بارانەو خەوی ئاسمان
ڕەهێڵەی شەوە و
شەقار شەقار!
هەڵوەرینی گەڵای تەمەن
دەستی پاییز دەگرێ
ئەمجارە گەربێتوو
گەڵا و شەو ببنە خەو

✍️غەفوور بەهاری

@gh_bahari

دەڵێن دێتەوە بارانی پاییز
ئەی من دوا ڕۆژی کام وەرزم
کە داییم
چاوم بەهارەو دڵم پاییز

✍️غەفوور بەهاری

@gh_bahari

من و خەوێکی سپی بیدەنگ
لە شەوێکی تەنیا و کزی بێ وشە
ڕستەکان دەستی مانگ دەگرن
پیتەکان لە سێدارەی هەرچی نووسراوەیە
دانە دانە لە باوەشی خەونەکان دەمرن
چیدی گەڵا و باڵا
هیوا و حەز
ڕێگا و هەنگاو
دەستی یەک ناگرن

✍️غەفوور بەهاری

@gh_bahari

۲۵۷

دەمێکە ئاسمان نامرێ!
برووسکی ئەو بیرەوەریانەی سووتان
زووخاون بۆ هەناسە
هێور هێور
دڵی زەوی شەقار دەکرێی و بزەیی
ئاسۆ دەخاتە نێو دەریای مەندوو پاراو
دڵێک جێ ماوە لە کاروانی باران
دەستی کام ترپەی سروشت بگرمە باوەش
نە مەودا ماوە لە سەر رێگا
نە هێزێک بەرەو ژووانگەی نەمان

✍️غەفوور بەهاری

@gh_bahari

۲۵۶

شەوێ !

پێڵاوەکانت باڵای ڕزگاری ئەپۆشن
من تا سپێدە خەونی ماچێکم دی
لە سەیری باڵات
سوچێکی بەیانە داهات
لە یەکم ژواندا
خۆری لێوەکانت
ئاسۆی حەزی نواند
وەک ئەستێرە خۆی تروکاند
کەچی پیڵاو و ماچ پێکەوە
بوون بە قوربانی خەونەکان

✍️غەفوور بەهاری

@gh_bahari

۲۵۳

شەوێکی سارد و بێکەس
چریکەی پێڵاوەکانی شەو
قپی ئاسمان و کوڵمی زەویی
وەک بڤەی شار دێنتە گریان
هۆ سێبەر و تاریکی شەو
وەرن سەیر کەن
لەو هەموو دەنگە نەبڕاوە
جریوە جریوی بێدەنگی
کڵپی قۆنداغە و بێشکە
فڕەفڕ و مڵچە مڵچی کاوێژی شەقام
سێدارەی بێدەنگی شار دەسووتێنن
ئەی کوا شریقەی ماچی خەون و خوڵیای ڕێگا
چ تێکەڵن وشە و خەیاڵ و نووسین
نە شێعر دەمرێ
نە ئازار دێتە سارێژ بوون
وەک چێشتەکەی مجێورە ئەم بازارە
سەیرە نە کەس کریارە
نە چیش هەیە بۆ فرۆش
ئاخ!
حەسرەتی دووری و تەنیایی
هەرچی دەنگە دەیڕفێنێ
هاوارم کرد لە خۆم
هیچم نەبیست و
سەبرێک خەوم لێکەوت....

✍️غەفوور بەهاری

@gh_bahari

۲۵۲

دەمێکە پاییزە!

هەوری سپی و بارانی بزەکانت
شار بە شار
کۆڵان بە کۆڵان
شوێنی تۆ دەگرنە ئامێز
نەکا پاییز بمرێ و
من لەم شارەدا شێوەت نەکەم

✍️غەفوور بەهاری

@gh_bahari

۲۵۱

کە مەڵێ !

نانێ مەیڵێ لە شەقەی باڵێ
ئەوەی دەمرێ
نە ئاسمانە و نە گرمەی هەورێ

کە دڵۆپێ!

نابارێ لە بارانێ
ئەوەی دەمێنێ
نە زەوییە و نە باڵای دەریا

تێک هاڵان دوو ئەندامی ئاسمان و باران
لێمگەرێ بیانکەم بە خۆزگەی شەقەی هەوران

✍️غەفوور بەهاری

@gh_bahari

شنۆ _ ۲۲ی خاکەڵێوەی ۲۷۲۴ی کوردی

۲۵۰

کە سپی بڕوا
چیتر بیر لە سەوزایی ناکەم
بۆنی نێرگز و بەیبوون
هێمای خۆشی و قاقای سروشتە
با دەست بگرین و سەما بگێڕین
تێر بە باڵای ئاسۆ هەڵپەڕین

✍️غەفوور بەهاری

@gh_bahari
نەورۆزتان پیرۆز بی