**මතක අමතක කරන්නට.?

රෑට බොන බෙහෙතුත් පැටලිලා වාගේ, මං දැන් මේ අද ඊයේ පෙරේදා උදේටත් බිව්වා..

පැටලුනාමත් නෙමෙයි මට , මමම පැටලෙව්වා මොකද මට අවැසිම පැය 24 නින්දක් ...

උගුර ලේ රහ වෙනකනුත් සැර බෙහෙත් බීලා, තවම මට පණ නෑ ඇවිදගන්න අඩි දෙකක් වත්...

අහසකට පෙම් බැඳපු කොහේ හෝ පැළවුණු කැලෑ මලක් වුණු මම හදවතක් නැති හඳක් නිසා පිච්චුනා වරුවක්...

මගේ පාඩුවේ ඔහේ බලන් ඉන්න වත් බැරි තරමට රිදුනා මට මහ ගොඩක් ...

ඔහුට තිබුනා තවත් බෙහෙතක් වෙන්න අතුරු ආබාධ වලින් තොර...

මට දැන් අමතකම එදිනෙදා දේ විතරමයි
හේතුව අතුරු ආබාධ 🙃

Nimmi Kanchana 🍃**

**ඔයාලට හිතෙනවා ඇති මොකද මේ නිම්මිට වෙලා තියෙන්නෙ කියලා ඇත්තටම මට තේරෙන්නේ නෑ

මං කොහොම කෙනෙක්ද කියන්න මම දන්නේ නෑ

මෙතන 320 ඉන්නවා ඒ කවුරුවත්ම බලෙන් මම add කරලා නෑ කිසිම දවසක මේ 320 ම ඔයාලටම හිතිලා join උන අය සමහරු share කරේ කිසිම වාසියක් නැතිව...

ඔයාලා තමා මගේ දෙවෙනි පවුල දුක සතුට බෙදාගන්න එකම තැන මේක ඇත්තටම මංව දන්නවා කියලා කියන අයට වඩා ඔයාලට මාව තේරෙනවා ...

කිසිම දවසක මගේ හිත රිදෙන comment එකක වත් මේ channel එකේදි මම දැකලා නෑ ...

මම හරි වාසනාවන්තයි ඒ අතින් මොනදේ අහිමි වුනත් මට මෙහෙම ආදරණීය අය හම්බෙලා තියෙනවනේ...

මම ලියන්න ගත්තාම පස්සේ එකම කෙනෙක් විතරක් මට බැනලා තියෙනවා මම ලියන්නේ හෑලී කියල එදා නම් මට දුක හිතුනා ගොඩාක්...

මම පුංචි දේවල් වලින් සතුටු වෙන කෙනෙක් මලක් පිපුනත් සතුටුයි ලියන්න පිං කරන්න comment කියවන්න මම මාර ආසයි ඔයාලට බොහොම පිං ඒකට...

පුංචි දේටත් මට ඇඩෙනවා හේතුවක් නම් දන්නේ නෑ ඒත් එහම තමා..

මේ ටිකේ මට දැනෙන දේවල් අමුතුයි මට හරි මහන්සි ලියන දේවල් අමුතු ඇති ඒකට මට සමාවෙන්න...

මම නැති දවසකත් ඔයාලගේ හිතේ කොහේ හරි චූටි තැනක මම ඉන්නවා නම් එදාට මම් සතුටු වේවි...

මට හරිම මහන්සී අමුතුම දේවල් දැනෙනවා ඒක කියාගන්න තේරෙන්නේ නෑ

ඔයාලා හැමෝටම සතුට ලැබෙන්න ඕන මම හැමදාම බුදුන් වැඳලා ඉල්ලන්නේ ඒක

බොහොම ස්තූති මම එක්ක රැදිලා ඉන්නවට බොහොම පිං මේක type කරද්දි පවා කඳුලු එනවා මට...

සතුටින් ඉන්න හැමෝම 🥺❤✨🍃

Nimmi Kanchana**

මැරුණ එකමයි හොඳ 🙂*✨*🍃

ඉහට උඩින් පහනක් ඇතිදාට ,
සුදු පිරුවට වලින් ගත සැරසුන දාට,
දරද්දි නොහඬපු උන් හඬනා දාට ,
නිසසල මා දෙස බලාන කඳුලක් හෙළුවා දුරට...

කොපුලින් කඳුළු රූරා වැටෙද්දිත් බිමට ,
පිසලන්නට සිටියේ මට මා පමණක්ම ,
එදාට මා වෙනුවෙන් හඬනා සෙනඟ,
දුටුවේ නෑ මා රහසේ වින්ද දුක...

කවදාහරිම මා මිය යනදාට ,
සටහන් කරමි එතෙකුත් මා වින්ද දුක ,
ශරීරයෙන් මියන්න පෙර දහස් වතක්ම,
සදහටම මම මැරුනා ,
දරන්න බැරිම තැන්වල කීපවතක්ම...

හන්දියේ බැනරයක මා රුව සටහන් වෙත්ම ,
අනේ අපොයි කියා වැලපෙන උන් දුටුවාම,
එදාට විතරක්ම කළ හොඳ මගේ කිව්වාම ,
දැන් මොටද කියා එදිනට නම් සිතෙයි මට...

අද මා අසන්නට සිටිනා දෙතුන් දෙනෙක් හැර,
මා ඔහේ කල්පනා කළ දිනයක ,
කදුළු හෙලන් මා දැරු දුක් කන්ද,
ඒ අය පමණක්ම කියාවි එදිනට ....
එදිනට සිතෙයි මට ,
අවස්ථාවාදි මිනිස්සුන් මැද්දක
තවත් දරන් හිටියා නම් අයිනක
මට මියයන්න වෙන්නේ සියදිවි නසාගෙන
"මැරුණු එකමයි හොඳ " කියවේවි ඉබේටම මට...

Nimmi_Kanchana 🍃

අහසකට පෙම් බැන්දෙමි..**

**මට ගොඩක් දේවල් හරි ඉක්මනින් අහිමිවුනා

සමහර කාලවල නින්ද පවා 🙃

ආදරය සතුට සැනසීම පිරුණු පරිච්චේද වල දින මතක තියන් ඒවා මම සැමරුවා මමම විතරක් තනියම මොකද ඒ පරිච්ඡේදවල මම ආස මිනිස්සු පවා අහිමිවුනා ..

නෑ අහිමිවුනාම නෙමෙයි එයාල මංව අත්හැරියා...

විකාර වලින් පිරුණු අමුතු මිනිස්සුන්ට ආදරය කරන්න මිනිස්සු කැමති වෙනවද ? මොන තරම් පිස්සුවක් ඒ කතාව ඇතුලෙම තියේද...

ඔව් මම තාම හොයනවා විකාරරූපි මිනිස්සු ප්‍රේමයට ප්‍රේමයම පමණක් උකසට තබා ජීවිතය සින්න වුනු මිනිස්සු...

පාට පාට බෙහෙත්තුණ්ඩු පිරුණු තවමත් මිනිසුන් නිසා මඟබලන මා ඇතුළු ජීවිත උකස්කරුවන්ට කවර හෝ දිනකට සැනසීම කියන අකුරු හතරේ වචනයේ සැබෑ අරුත දැනිය යුතුය

උන්ගේ ජීවිත අරුම උවද කඳුලු උරුමය නොවුනු එක් දිනක් හෝ අඩුම තරමේ සැනසෙන්න කෑ ගසා හඩා වැලපීමට නිදහස අවැසි විය යුතු නොවෙද...

අඩුම තරමේ ආදරණීය මතක් කිරීමක් වත් කවර හෝ දිනක කිසිවකු විසින් සොයා බලා අගය කිරීමක් වත් නොලැබුනු මා ඇතුළු උන් පොළොවට පස් වන්න මත්තෙන් ආදරයේ කොටස් කරුවන් වී තමන්ට තමන්ම පව් කියා දැනීයන අවිහිංසක මෝහනකාරි වචනයෙන් මිදි බෙහෙත් නොමැති එක් රැයක් පහන් කර ජීවතය ආත්මය හැර යා යුතුය

Nimmi Kanchana

අහසකට පෙම් බැන්දෙමි..**

දැන් ටික කාලයකට කලියෙන් group එකේ members ලා 309/310 හිටියා දැන් ටිකෙන් ටික අඩුවෙලා 299 වෙලා 🙃**

මගේ මොකුත් වැරැද්දක් ඇති මේ ලියන ඒවා වල මට සමාවෙන්න

මේක මම ලියන පොතේ කොටසක් වගේ අහසකට පෙම් බැන්දෙමි...

ඔව් කාලයකට ඉහත මම මගේ මතකයන් එකට බැඳගන්න තෝරගත්ත පැතිකඩ තමා ඒ පොත...

මම ඔයාලට පෙන්නුවා ඒක එක විශේෂ දවසක 10/27 ඒක හරිම ආසාවෙන් මම බලන් හිටපු දවසක් ...

ඔයාලට මතක ඇති ඒ දවස අමතකද දන්නෙත් නෑ ඒ දවසේ ඒ වෙනකොටත් මම කෙනෙක් වෙනුවෙන් ඒ පොත ලියන්න පටන් අරන් තිබුනේ...

ඒකේ ගොඩක් තැන් මම ඔයාලා එක්ක බෙදාගත්තා සමහර තැන් වල මගේ දිනපොතේ කොටස් ...

ගොඩක් අය අහන දෙයක් තමා මේ අදහස් ඔයාගෙමද කියලා ඒකට උත්තරේ ඔව් මේ මට දැනෙන හිතෙන විකාර දේවල් සමහරු මේ ඔයාට වුණු දේවල්ද කියලා අහනවා සමහරවිට වෙන්නත් පුළුවන් නොවෙන්නත් පුලුවන්...

ඒ කොහොම වුණත් මට දැනෙන්නේ මාව අහන් ඉන්න ඔයාලා ඉන්නවා වගේ ඒකට බොහොම පිං ..

මගෙන් ඔයාලට පුංචි හරිම වැරැද්දක් උනානම් සමාවෙන්න ...

Nimmi Kanchana ✨**

මේ ලියන දේවල් වලට අකැමති නම් කියන්න 😊 හොඳද 🙃

**අහම්බයකින් හමුවෙලා හිතන්නට බැරි ඉක්මනින් අවසනක් නොමැතිවම නික්මිලා ...

මාව මතකද අහන්නම හිත කියා කිව්වත් ගොළුවෙලා ඇහුණ දවසක ඇහුන ඒවා හිත හිතා මම ගල්වෙලා...

දැනුන නිසාමද මෙච්චරට රිදුම් අහන්නම ගොස් නැව්තිලා දැනුණ තරමට දැනුණා නම් තවත් ඔබ ඇත නැවතිලා...

ඇත්තටම නොදැනුවත්වම අපිටත් ගොඩක් තැන් වැරදිලා සමහරක් දේ හිතන්නැතුවම හැමදේම මඟ නැවතිලා 🙂

🍃 Nimmi kanchana ✨**

*🧑‍🍳*😌✨

එම්න කම්න**
ඔයාලට හැදුවේ

✨❤

**ඇය කිසිම දාක ඔහු වෙනුවෙන් නිදිවරන්නේද නැත,

ඔහු වෙනුවෙන් ලියන්නේද නැත,

ඔහු වෙනුවෙන් සිහින මවන්නේද නැත,

හැරගියායින් පසුද ඔහුට නිදහසට කරුණු මවනේද නැත ,

මා දනිමි ,
ඔහු ගැන මට පැවසු කිසිම ආකරයක රහසක් ඇයට පවසන්නේද නැත,

ඔහු හඬන්නේද නැත

මා මිය ගියද ඔහු පිළිබඳ ලියු වචන කවර හෝ දිනක මැකියන්නේද නැත...

තවම මා ඔහුට වරදක් පවසා නැත මිනිස්සු වෙනස් වෙන බව මට හුරුකරගත්තා පමණි ...

මට මා ගැන ඇත්තේ කල්කිරීමකි ...
අසීමිත දුකකි

නමුත් මට සතුටුය,
මේ වනතුරු මා දන්නා තරමින් ඔහු හිත රිද්දා නැත..

ඔහුට කිසිදාක වැරදි කරද නැත...

ඔහු අමතක කර දමා සිටි දිනයක් මගේ මතකයේද නැත ...

තවම මා ඔහු නිවැරදි කරු ලෙසම තබා ලියන්නෙමි ...

කොතකුත් වැරදි කර ඔහු නැවත පැමිණි දිනකද ඔහු ගැන අල්පමාත්‍ර තරහවක් මා සිතේ නැත ඔහු ගැන කිනම් වරද සහගත හැගීමක්ද නැත...

තවම මම අප හමුවු මුල් දින සේමය...

තවම මා ඔහුටම මගේ දිනපොත සින්න කර ඇත...

අහසකට පෙම් බැන්දෙමි...

Nimmi Kanchana 🍃**

මගේ දිනපොත , ❤*🍃*

මට වෙලාවකට හිතෙනවා මම වැරදිද කියලා ,

අම්මා තාත්තා ළඟ
ආදරේ ළඟ
සහෝදරකම් ළඟ
යාළුවෝ ළඟ
දන්න කියන අය ළඟ

ඒ අයට මම නිසා වැරදිලාද කියලා හිතෙනවා මම එයාලගෙම හොඳට කරපු දේවල් එයාලා වැරදියට ගත්තද .. ? කියලා

මගේ ළඟ ලොකු පිරිසක් නෑ නමුත් ඉන්න පිරිස උනත් මම දිහා බලන්නේ ලොකු වැරදිකාරයෙක් දිහා බලනවා වගේ ඒ මොකද ඒකට හේතුව මොකක්ද මට තාම තේරෙන්නේ නෑ...

හැමෝම වෙනුවෙන් හැමදේම කරන මම මොනදේ කරත් වැරදිකාරයා හැම බැඳීමක් ළඟම...

සමහර තැන් වල මගේ කතාව එයාලා දැනන් හිටියා නම් මට එහම චෝදනා කරන එකක් නෑ...

මහ රෑ දෙගොඩ හරියක් වෙනකම් දවල් කාලේ ඔහේ පිස්සු විකාර කියව කියවා මගේ අයව සතුටු කරන මම රෑ දෙගොඩ හරියේ එයාලා කියපු දේවල් එයාලගේ ආදරණීයන් එක්ක ඉන්න විදිහ මට සලකපු විදොහ හිත හිත මගෙන්ම මම පළිගන්න ඒ දරුණු පළිගැනීම කිසිම මනුස්සයෙක්ට අබ ඇටයක් තරමට දැනෙන්න ඕනි නෑ කොහෙත්ම එපා...

සමහර රිදෙන තැන් වල හිනාවෙලා ඉවසන තරම් ඒ දේවල් මගේ හිත දරාගන්න තරම් මට තාම හිතාගන්න බෑ

උගුරෙන් පල්‍හයට වතුර උගුරක් කෑම ටිකක් යන්න දඟලන තරම් ...

බෙහෙත් අස්සේ තුංඩු අස්සේ නින්ද හොයන...

අමුතු ජීවිත කතාවක් අස්සෙ අතරමං වෙලා...

හිනාවෙලා හිටියට මටත් දැනුණා රිදුනා 🍃

කොච්චරක් දේ කරත් වැරදිකාරය වෙන මේ ජීවිතේ කොහෙදි කවදහරි නවතීවි...

හැමදේ ඇතුලෙම තියෙන කලකිරීම තෙක්කලා සදහටම ජීවත් වෙන්න වේවි...

මට බයයි,
කාටහරිම තිබ්බ හිතන්න මම ගැනත්, මට පුළුවන්ද මෙච්චරට ඉවසන්න දරන්න කියලා ඒක බලාපොරොත්තුවක් නෙමෙයි ඒත් එහම කරන්න තිබුනා ...

හිනාවන් ඇතුලේ දරුණු වේදනාවන් ඉවසන්න සතෙක්ටවත් වෙන්න එපා සමහර තැන් වල මගේ ලොකුම ප්‍රාර්ථනය ඒක වුනා

කවදහරි දවසක මම මේක කියවල හිනාවුනොතින් මම ඒ දැරීමට හුරුවෙලා මගේ දිනපොත එදාටත් මම ඇඩුවොත් අද වගේම මගේ කඳුලු පිසලන්න ඔබ ඉඳීවි මගේ දිනපොත...

Nimmi Kanchana 🍃**