Kiristaanonni "Yesuus Gooftaadha, Jiraachisaadha.." jedhu. Garuu akka Macaafni Isaanii barsiisutti Yesuus Waaqa (God) isaan jechuu miti barsiisaa gaarii (Good) isaan jechuu hin jaallatu. Gaariin jiru Rabbii tokko qofa akka ta'es dubbata. Dabalataan Yesuus jireenya sana(jennata ) argachuuf ajajoota jiran hojiirra oolchi jedhe. Ani Gooftaa ta'uu amani hin jenne(Maatewos 19:16❩.

Yesuus yoo Waaqa ta'e maaliif gaarii isaan jedhamuu hin jaallanne ? Waan gaarii hin taaneef yoo ta'e, namni nama Gaarii hin taane ulaagaa kamiin Waaqa ta'uu danda'a? Lakki inni gaariidhaa Garuu of guddisuu waan hin barbaanneef akkas jedhe yoo jettan, Kutaa Macaafaa keessaa iddoo kamitti of guddisuu waanan hin barbaanneef akkas akka jedhe ibsamee jira ? Inni biraa Yesuus yoo Waaqa ta'e yoo of guddise rakkoo maalii qaba ? Dhugaadha ilmi namaa yoo of guddise nama akka isaa tuffata. Kanaan cubbamaa ta'a. Cubbuu kanaan immoo waaqa biratti gaafatama. Kanaaf of guddisuun isaaf hin ta'u. Garuu Yesuus Waaqa eega jettanii yoo of guddise rakkoo maalii qaba ?

Dhugaan jiru Yesuus nama qofa waan ta'eef of guddisuu hin barbaanne. Saba keenya dhugaa Macaafa keessan keessa jiru xiinxala. Waanuma isinitti himame qofa osoo hin taane sammuu Rabbiin isiniif kennetti fayyadamuun dhugaa qoradha. Jireenya addunyaa mijjeefachuufuu Waggaa kudha wahi olii fi gad fiigaa jirtu. Borii keessan tolfachuuf maaliif hin qoranne?

¹⁶ Kunoo, namni tokko gara Yesus dhufee, "Yaa barsiisa! Jireenya bara baraa qabaachuuf hojii gaariin gochuun anaaf ta'u maal inni?" jedheen.
¹⁷ Yesus immoo, "Waa'ee hojii gaarii maaliif ana gaafatta? Isa tokkicha sanatu gaarii dha; jireenya sanatti galuuu yoo feete garuu, abboommota eegi! ittiin jedhe. (Maatewos 19:16❩.

Barnoota amantii Islaamaa fi Kiristaanaa walbira qabdanii barachuu yoo barbaaddan Chaanaalii keenya armaan gadii join godha!
????
@Saahibuddiin28

Muujizaa Nabiyyii saw

Mata duree kana jalatti immoo dinqiiwwan Nabi Muhammad (a.s)hojjatan ilaalla.
Nabiyyoonni hundinuu yeroo ergaman Muujizaa yeroo isaaniitiin walfakkaatu qabatanii ergamaa turan. Fkn: yeroo Nabi Muusaa namoonni falfalaan waldhamaasaa waan turaniif Rabbiin Muujiza falfala jaraa dadhabsiisu Kan akka galaana keessaa karaa baasuu fi Uleen bofatti jijjiiramuu godheef. Akkasumas yeroo Nabi Iisaa namoonni woldhaansaan waan beekamaniif Rabbiin Muujizaa waldhaan isaanii caalu, Kan akka nama du'e fayyisuu fi nama ija hin qabne argisiisuu kenneef. Kan nabi Muhammad immoo Kan hundi isaanii Kan walitti qabatu godhameef. Fakkeenyaaf :
1.Nabi Muhammad Allaah kadhachuun Ji'a( baatiin) bakka lamatti akka addaan cabxee godhaniiru.
Warri makkaa Nabi Muhammad (S.A.W.) akka dinqii(raajii)isaan argisiisu gaafatan, (Rabbiin kadhate) Ji'a bakka lamatti Addaan qoodee isaan argisiise". ( Bukhaari gabaase 3868)

2.Bishaan quba Nabi Muhammad jidduu burqe namoota baay'ee fayyaduu danda'e.
Nabiyyiitti Sahaabonni dhufnaan (S.A.W.) arka isaa weelkaa( qodaa bishaan ittiin dhiqatamu) keessa kaahe, Bishaan quba isaa jidduun burquu jalqabe, Hawaasni ( isaa wajjin) jiru hunddi ni waddaatan( dhiqannaa sagadaaf godhamu godhatan. (Bukhaari gabaase, 3572)
3.Nabi Muhammad (s, a.w) Nama lafeen isaa cabe arka isaatiin qabnaan ni fayya.
Abdallaah ibna Atiik Ni jedhe: Eargamaa Allaah biran gahe (haala miilli koo cabee jiruun), wantoota na qunnamanis isaafan hime, Innis "miila kee diriirsi naan" jedha anis Miila koo nan diriirse, innis ni haxaahe( Harka isaa irra oofe) miilli kiyyas akka waan sanaan dura dhibde( cabaa) hin qabneetti naaf fayye. (Sahiih Bukhaari 4039).
4.Nabi Muhammad irratti (saw) Dhagaan Salaama Qara'a.
Ergamaan Allaah (saw) ni jedhe, "Ani dhagaa tokkoon beeka kan Makkatti, osoo ani hin ergamin duratti kan salaamata narratti qara'u, Yeroo ammaa kana dhagaa sana nin beeka.( Sahiih Muslim 2277)
5.Nabi Muhammad s.a.w. ulee seefitti jijjiire. Guyyaa lola badari sana seefiin Ukkaasha ibnu mihsan cabnaan Ergamaa Allaah tti dhufe, Nabi Muhammad Ulee fudhani itti kennan yeruma sana seefii dheeraa, Adii fi jabaa Ta'etti jijjiirame . (Arrahiiqul maktuum fuula 199).
6. Nabi Muhammad s.a.w. nama ijji dhukkubsate fayyisee ture.
Ergamaan Allaah "Aliyyiin eessa jira"? jedhe. Sahaabonnis Ijatu isaa dhukkuba jedhan,akka namoonni isa waamanuuf ajaja dabarse, innis waamicha dhagahee dhufe, yeroo inni dhufe ija isaatti tuttufe ( rabbiin kadhachuu wajjin) yeruma sana akka nama duraan dhukkuba hin qabneetti fayye.( Sahiih Bukhaari 2942)
 7.Nabi Muhammad (s.a.w.) Akkuma fuula duraan nama arguu danda'utti, gama duubatiinis nama arguu danda'a.
Abbaa Hureera irraa Ergamaan Allaah ni jedhe" Wallaahi ani akkuman fuuldura kiyyaan arguttan duuba kiyyaanis arga" ( Sahiih Muslim 423)
8.Nabi Muhammad nama ijji keessaa ba'e itti deebisuun fayyisee jira.
Qataadaa ibnu Nu'maan ijji isaa keessaa baate fuula isaa irra buute, Nabi Muhammad arka isaaniitiin kabani keessatti deebisan, yeruma sana ija isaa duraani irra caalee argame. ( Arrahiiqul Maktuum fuula 239)
9.Nabi Muhammad s.a.w. osoo lubbuun jiranuu samii ba'aani jiru. (Najmi 53: 13-14) "Dhugumatti yeroo biraas isa argeera Qurquraa daangaa (samii torbaffaa) biratti arge."
Ragaan biraa immoo: Ergamaan Allaah ni jedhe" Jibriil Na fuudhe Adeeme, Amma samii Addunyaa na geessutti".....( sahiih Bukhaari 3887)
10 Dinqiin inni guddaa fi kan hin dulloomne, kan fakkaataa hin qabne, Kan waa'ee addunyaa fi Aakhiraa dubbatu, kan waan darbee fi waan fuula dura dhufu dubbatu Qur'aana kabajamaadha.

Barnoota amantii Islaamaa fi Kiristaanaa walbira qabdanii barachuu yoo barbaaddan Chaanaalii keenya armaan gadii join godha!
????
@Saahibuddiin28

Iisaan (aleyh salaam) Erga bu'ee maal akka dalagu.

الْمَطْلَبُ الرابع : أوَّلُ أعمالِه بَعدَ نُزولِه

@DAARU_SALAAM
@DAARU_SALAAM
@Saahibuddiin28

#Naannoo_Sidaamaa #Godina_Daayyeetti seenaa Boonsaan Hojjatame. Alhamdulillaah

#Naannoo_Sidaamaa Gandootaa Lamaa keessatti
#Aanaa_Boonaa #Ganda_Boceessaatti #Guyyaa_04/07/2024 ykn 27/10/2016 namoonni #78 olii fi  #Ganda_Bokkonniisaatti #Guyyaa_05/07/2024 ykn 28/10/2016 nama #270 olii, Abbaa Gadaa
Ganda_Boceessa fi Paastara Mana Amantii 37 hoogganu dabalatee, Wolumaa galatti #namni_348 olii gara Amantii dhaloota isaanii Islaamummaa deebi'anii jiruu Alhamdulillaah. Tuun tanaa tuun ganaa. Inshaa Allah
@Saahibuddiin28

Maashaa Allaah! Baga gammadde Obboleetti keenya. Qormaata addunyaa fi Aakiraas Nama darbee Badhaasa jennata argatu si haa gudhu. Kan akka keetiis nuuf haa heddumeessu.

Yeroo kana keessa dubartii akkanaa argachuu hedduu nama gammachiisa. Abdii namatti hora. Ilmaan gaggaarii nuuf qopheessita jennaa abdii sirraa qabna. Dhugaadha Ni jalqabde malee hin xumurre. Garuu jalqabbiin kee namatti tola...

Dirqiin Kiristaanessuu Marsaa1ffaa(1189_1529)

Yeroo darbe  akka seensaatti bifa amantiin Kiristaanaa ittiin biyya kana seene ilaallee turre. Kallattii guddaan bifa dirqiin kiristaanessuu akka ta'es ibsuuf yaalleerra.  Amma immoo ragaa seenaatiin walqabsiifnee kan ilaallu ta'a. Isinis ofsaan dubbisa. Seenaa keenya kaleessaa beekuun harra keenya tolfachuuf, borii keenya karoorfachuuf nu fayyada. Namni seenaa hin beekne waan seenaa ta'u hojjachuuf ni rakkata. Kanaaf seenaa keenya haa qorannu...

1.Dirqiin Kiristaanessuu bara Mootummaa Zaaguwee

Barri mootummaa zaaguwee   naannoo Bara 937_ 1137 ALA gidduudha. Teessoon mootummaa Zaaguwee Roohaa(kan booda Laalibalaatti jijjiiramte) dha. Muslimoonni yeroo bara 1000 irraa 1267 ALA keessatti naannoo sana keessaa fi  bakka adda addaa jiraataa turan. Fkn: Naannoo Harar, Haroo laangaanoo, baatee, Tigiraayi, Waagar, Harriibaa fi Indirtaa keessa jiraataa turan.

Dhiibbaa Yeroo Mootummaa Zaaguwee Muslimoota Kiristaanessuuf godhame gabaabsine yoo ilaalle... Zabana  aangoo  Mootummaa Garba Masqal Laalibalaa (1189-1229 gidduutti) Muslimoonni lakkoofsaan Kuma 20 ta'an laalibalaa irraa buqqaafamuun Kiristaanonni iddoo isaani akka qubatan godhamee jira. Sababni isaan buqqaafamanis Islaamummaa gadi dhiisuu waan didaniifi. Dabalataan naannoo bara 1077 _1092 gidduutti Masjiidota baay'eetu jijjifame. Muslimoonni barnoota akka wal hin barsiifneeefis dhiibbaan guddaan irratti godhamaa ture.(Kitaaba Ustaaz Ahmaddiin Jabal, Seenaa Muslimoota Itiyoophiyaa, Fuula 145-158 irraa .)

2.Dirqiin Kiristaanessuu bara Aangoo Atsee Yakuunuu Amlaak (1270-1285 A. L.A)

Mootichi kun akkuma aangoo qabateen Mootummaa Islaamaa"Ifaat"jedhamtutti duula bane, Muslimoota baay'ees ajjeese. Haa ta'uu malee qabsoo Muslimoonni isa ofirraa qolachuuf godhaniin   akka barbaadetti abjuu isaa osoo hin mirkaneeffatin bara 1285 A.L.A ofii isaaf du'e.

1. Dirqiin Kiristaanessuu Bara Amda Tsiyoon (1312-1342 A.L.A)

Eega Mooticha Habashaa Yikuunuu Amlaak du'e ilmi isaa Yajbiyaa Tsiyoon jedhamu bara 1285-1294 tti aangoo qabate. Eega inni du'ee immoo ilmaan isaa  aangoo irratti waldhabuun wallolaa turan. Booda irraa AmdaTsiyoon aangoo qabate. Kanaan booda hojii isaatiin Muslimoota lafa irraa daguuguu fi Kiristaanota bakka buusuu jalqabe.Kanaanis  Mootummaa Islaamaa "Fatgaar" jedhamtu itti duulee cabsee qabate. Bara 1316/17 tti naannoo Daamotaa kan qabeenyaan badhaate weeraree tooyannaa isaa jala galche. Ummata Hadiyyaa kan Islaama turanis namoota hedduu weerara irratti baneen ajjeese. Amda Tsiyoon bulchiinsa Mootummaa Kiristaanaa babaldhisuuf lola Muslimoota irratti bane ittuma fufe. Masjiidota hedduu diige, haarawas akka hin ijaaramneef dhorge. Qabeenya Muslimoota garmaalee saame. Mootichi  kun Muslimoota miidhuu irratti daangaa darbe. Namoota Kiristaanummaa irraa gara Islaamummaa dhufan gantoota Kiristoos jechuun mormaa fi miila walitti hidhuun adaba adda addaa isaan irratti adeemsisaa ture. Yeroo inni Muslimoota akkas godhu kana Muslimoonnus hin callifne.  Amma  danda'anitti ofirraa faccisaa turan...
Harraaf asittan gabaabsa. Yeroo itti aanu bakka dhaabne irraa kan itti fufnu ta'a.

Barnoota amantii Islaamaa fi Kiristaanaa walbira qabdanii barachuu yoo barbaaddan Chaanaalii keenya armaan gadii join godha!
????
@Saahibuddiin28