تعال شفني اخر اليل محتار
صرت اعيش الليل وحدي بدونك

اجلس على الجوال وارسل اشعار
اقرا قصيد الناس واتذكر عيونك .

اغيب و ابعد و انشغل و احاول انسى مانسيت
ماتنسى ذكرى السنين اللي معك قضيتها

حاولت كم مره وكم مره ولكن ماقويت
حتى لو ان ذكراك مامرت علي مريتها

وشلون وانا كل ماتطري علي مت وحييت
لو أن معي قدرة على نسيانها نسيتها

حتى القصيد اكتب وتطلع صورتك في كل بيت
كم من قصيده فيك لا عد الشعر عديتها

وتبغاني انسى؟ والله ان اموت وانا مانسيت
ماتنسى ذكرى الشهور اللي معك قضيتها

محبتك بتعيش في صدري وتبقى مابقيت
فالقلب زارعها و من دم العروق اسقيتها .

قدرك مثل ماكان رغم المقادير
ماقل في غيبتك مثقال ذره

ادعي لك الله واتذكرك بالخير
واقول جعل الوقت يكفيه شره .

):

عيني مجاها ياسعد لذت كرا .

لا تزعلني وتحكم عليّ اني زعول
‏وانت تدري مستحيل ازعل إلا من بلا

‏والعذر في بعض الأحيان م يلقى قبول
‏في وسع صدرٍ تحمّل زعل لين امتلا

‏مشكلة غلطتك ماتقبل انصاف الحلول
‏والمصيبه لك معزه وتقدير ! وغلا

‏قلت سامحني وانا الصدق مدري ويش اقول
‏خايف اسامحك مره .. وتاخذها حلا .

‏بدايه نهاية مرحبا في أمان الله
‏محبة وفاء وختامها مسك يالغالي

‏يا كثر العيون اللي تبي شوفتك كثراه
‏وقلوبٍ تتمنى جيّتك دور بدالي

‏وانا لا سمحت أقفيت واللي وراي أجفاه
‏اخليه في فاله وانا اروح في فالي

ما كني عرفت اسمه ولا عشت وياه
هذا طبعي الاول وذا طبعي التالي .

على طاري الغلا ومعاتب الغالين للغالين
‏اليا شفت الكلام بيجرحك ما عاد كملته

‏اداري خاطرك واقدرك من اول وذلحين
‏يا حلمٍ راح نص العمر في رجواه ما طلته

‏لا ياخذك الغرور وقولتي لك كل شيٍ زين
‏لو ان اللي حصل ماهوب منك ما تحملته .