ࢪيممڪس ـ نور الزين غرڪان غرڪان ?
أعـاده توجـيه للـتحـب يسمع ويـاك??****@t6111

رمضان كريم عليكم يارب
القصة اتوقفت بسبب رمضان ان شاء الله نكملها بعد رمضان

طلعت الرقم كلبي ايدك اتصلت ايدك ومايجاوب  ديله هسه شسوي

البرد اكل اعظامي بطني اذتني من البرد كعدت بمكاني ساعه اجر ساعه ماكو مااجه اليل كام ايهل ع مكان هنا بسرعه اتصير ضلمه لان شتا صارت ساعه خمسه ونص واني بلا اكل كمت بعد ماكدرت اراقب جنت اريده بس يجي ولمحه ماكو اتمشيت ع شارع بلكت يجي ماكو دمعه بعيوني

شفت مطعم رحت اخذت منه لفه اكلت سندت روحي بيها

استيفن ؛،. وصلنا اتمرنا وبعدها دخلنا ع مسبح غيرنا جوو
محمد. ؛،. ههه تعبت اني حتى جعت
حمزة. ؛،. امشوا ع ساونا يلا نختمها
استيفن. ؛،. ههه اني نعست شباب باوعت ع ساعه سبعه وربع راح اصير اني اترخص رايح اسبح واطلع ترحون

مهد. ؛،. صارت سته انوب سبعه واني رجعت كدام الباب انتظر خابرتني نور مرتين كلتلها ماكو وتلفونه مايجاوب عليه اكيد مايريد يحجي وياي مسحت دموعي
نور. ؛،. والله حتى اني اتصلت مايجاوب مو بس عليج بس يمكن تلفونه ناسي بالبيت

مهد. ؛،. مااتوقع يلا رايحه ع محطة اشوف حجز وارجع
نور. ؛،. ماشي راح اشوفلج اني هم انتبهي ع نفسج
مهد ؛،. كلي مي صرت من البرد مشيت ع شارع شفت تكسي وكفته كتله ياخذني ع بانهوف ودموعي تنزل متت من البرد الف فكرة براسي تجي وتروح

وصلت نزلت ع محطه رحت ع مكتب مال الحجوزات كلتلها اريد حجز كالت اخر قطار طلع هسه اكو واحد ساعه 3 الصبح

استيفن. ؛،. رحت سبحت رحت اخذت غراضي وجنطه بيها ملابسي وتلفون باوعت اربع مكالمات من مهد ونور متصله فوك ال خمس مرات خير شكو شصاير اتصلت على مهد ما جاوب

مهد. ؛،. اي احجزيلي اتصل استيفن هسه يلا اجه باله ايجاوب مارديت عليه
اخذت التكت وكعدت برا خليت رجليه ع صدري وكاعده ع مسطبه وشباب تشرب ومتشردين يفترون الخوف انوب اجاني كمت غيرت مكاني عالم هوايا اكوا

نور. ؛،. وينك استيفن اتصل ماكو
استيفن. ؛،. بالنادي خير اكو شي صاير تلفون جان بالجنطه
نور. ؛،. مهد اتصلت عليك
استيفن. ؛،. اي شفت مكالماتها خير بيها شي احجي نور اسحب الكلام منج

نور. ؛،. مهد اجتك من الوحدة الظهر وصلت وراحت ع سكن مادخلوها خطيه واكفه بالمطر وقبل ساعه كالت راح ترجع لهنا

استيفن. ؛،. دقيقه ليش اجت اكو شي يعني
نور. ؛،. مااعرف بس طلبت عنوانك بس عبالها ماتريد تحجي وياها من مارديت
استيفن. ؛،. هسه هيه وينها اتصلت ماجاوبت عليه شوفيها وين
نور. ؛،. ماشي
استيفن. ؛،.  لبست بسرعه وطلعت اتصلت هم ماجاوب ردي عاد

مهد ؛،.  اتصلت نور الو ها نور
بالبانهوف حجزت اي ساعه 3 يجي القطار شسوي كاعده جوا بس يجي القطار اصعد
نور. ؛،.  اوك يلا نتخابر حبيبتي باي
خاف اكوللها استيفن بالنادي مااتصدك بيه خلي هوه ايروح ويتواجهون احسن

ها استيفن
استيفن. ؛،. الو ها نور خابرتيها اتصل مااجاوب عليه البانهوف نصه سكاره بهل وقت لان مطر مقرهم ايصير هناك

نور. ؛،.  اي هسه هناك هيه كالت جوا كاعده تنتظر لان حاجزة ساعه 3 القطار يجي

استيفن. ماشي يلا مشكورة وصلت ع بانهوف نزلت شعري مبلل مانشفته خليت الكلاو ع راسي هوايا عالم
بقيت افتر شفت وحده جاكيتها ابيض مخليته ع راسها مدنكه جنطه بحضنها تقربت منها مهد

يتبع ،،،

اذا رجع بيج الوقت اتعيدين الي سويتي مهد ؟
مهد. ؛،. سؤاله حيرني ليش هيج اجه باله يسئل ،، مااعرف كتله
استيفن ؛،. مبين اصلا مندمانه
مهد. ؛،. لا بالعكس الندم ماكلني لان بالحظه ماجنت متخيلتها خسرت ابني بوقت جنت جاي استرجع بي حياتي وبلشت اتناسه الي صارلي

استيفن ؛،. تتناسين ؟! اوك الله ايوفقج اني الازم ارجع ع جامعتي ان شاء الله الشهر الجاي راح اجي لهنا حتى ننهي الموضوع العقد عندج

مهد. ؛،. لا بالبيت بقه مو عندي
استيفن. ؛،. ماشي مع السلامة فتحت الباب وطلعت ليش ضايج عليها مو اجيت ع هل شي خلاص راح تطلع من حياتك انساها استيفن

مهد. ؛،. باوعت عليه من طلع حتى نبض كلبي مااحس بي كعدت ع كرسي ايدي ع صدري صافنه معقولة اني مااعرف اصرف وي العالم لو اني وين مااكون يخرب كلشي بوجودي واكسر قلب كل شخص قريب مني الغلط من منو مني منهم !!!!
من وجعي كمت طفيت الضوا ونمت غطيت راسي بس دموعي تحرك بوجهي

استيفن. ؛،. رجعت واني كلي خيبة امل ماعندي حض وي النسوان لا والله
كل وحده تدخل تنعل يوم يومي وتطلع
مر فوك ،،، الاسبوعين ،،،، كل يوم اشرب حتى بس انساها لو ادرس او اسهر وي الشباب مشتاق لها مشتاق الكلشي بيها
بس كرامتي مااكدر بعد ادوس كلبي لو رادها

حمزة. ؛،. انت مزوج مو استيفن
استيفن. ؛،. لا شبه منفصل ههه
محمد. ؛،. لا ليش
حمزة. ؛،. صدك تحجي يعني مزوج مو لان اول ماشفتك لابس محبس بيدك هسه ماكو

استيفن. ؛،. اي والله مو شقه مزوج بس نعتبر منفصلين ماكو تفاهم
محمد. ؛،. بس ماعندك اطفال
استيفن. ؛،. لا ماكو كمت بحجت ادخن ماريد ادخل بنقاش بهل موضوع

محمد. ؛،. لا اتجيب بعد سيرة لولد ضاج ايجوز مايحب يحجي
حمزة. ؛،. شمدريني اني

مهد. ؛،. طلعت ع بيت احسن صرت مر تقريبا شهر من طلعت اللبيت رجعت لوحدتي جنت احسب الايام حتى يجي ابني ومااكون وحدي اتصلت بيه نور كالت راح نتعشه اني ورواء تعالي ويانه ونامي اذا تردين يمي يم رواء اعتذرت منهم
اريد استيفن احبه يالله مشتاقتله ماعندي غيرة

الازم احاول اصلح الوضع ع اقل مااكول بعدين ياريت ولو هيج سويت
قررت اروح له ع مقاطعه او المدينه الي هوه بيها
اتصلت على نور ردت عليه كلتلها احد يمج
كالت لا كولي محتاجه شي

كلتلها اريد اطلب منج طلب بس هل شي بينا الله ايخليج
كالت من عيوني شنو
كلتلها اريد عنوان استيفن واشلون اروح مااعرف احجز بالقطار تكدرين تساعديني
نور. ؛،. ههه واخيرا اي عفيه حلوه الخطوة عوفي كلشي عليه بس صوريلي الاقامه مالتج هسه احل الحجز لج وارجعلج اشكرت منها وسديته صورت الاقامه لها

مر تقريبا ساعه صورتلي الحجز ودزته الي والعنوان هم مال بيته
اتصلت عليه رجعت ها كلبي مشكورة تعبتج
كالت ولو باجر ساعه تسعه الصبح الازم اتكونين بالبانهوف مال القطار واذا ماعرفتي القطار اي واحد اسئلي هناك وهوه كلشي بالتكت مكتوب

مهد ؛،. ماشي حبيبتي امانه بينا خليها
نور. ؛،. ولو مهد لا اتوصين عود طمنيني من توصلين بالي يمج راح ايكون
مهد. ؛،. ان شاء الله بعد عمري مع السلامة
بقيت الصبح الوب اخاف اروح ومايريد ايشوفني وشراح احجي له
هوه فهمني غلط بالمستشفى من كتله رحت على استرجع حياتي وانسه

مااعرف اشلون مر اليل اخذت جنطة ظهر خليت لي لبسة وحده مو اكثر كعدت سبحت وبدلت نشفت شعري بالشسوار رتبت وجهي هم وطلعت وصلت المحطه اشويا واجه القطار نفس رقم الي بالتكت سئلت هم الي واكفين كالوا اي هوه هذا صعدت كعدت اشويا واتحرك

استيفن ؛،.  كالعادة بالدوام معزوم اليوم عند حازم اني والشباب لان زوجته وصلت على سويد خلصنا دوام ع ساعه 2 ونص رحنا ع بيته اتغدينا
حمزة :،. باجر سبت دوام ماكو امشوا اروح ع نادي

استيفن. ؛،. اي خلصتوا حتى نطلع خلي العالم ناخذ راحتها
حازم ؛،. البيت بيتكم والله صدك جذب يومية جايني انتم

محمد ؛،. بيت العامر الاهل انحبسوا جوا يلا شباب نلتقي حبيبي
استيفن. ؛،. مشكور ع عزيمه سلمنا وطلعنا

مهد. ؛،. وصلت ع ساعه وحده ونص لان القطار سريع اسرع من سيارة اكو فرق بالوقت بقيت افتر اريد الباب كومه مخارج وين اولي هسه طلعت شفت تكسيات حجيت وياه انطيته العنوان وصعدت يبعد 29 دقيقه منا ولا وكفت مطر سبحانك يالله

وصلت ع مكان شفت بناية عالية كال هذا العنوان حاسبته ونزلت نفس رقم البناية باوعت اكو مثل الاستعلامات دخلت كلتلهم سكن جامعي رد عليه كال اي سكن منو طالبة انتي

كتله لا بس صديقي يسكن هنا ممكن اشوفه كال منو انطيته الاسم
كال مااكدر ادخلج ممنوع احد يدخل هنا فقط صاحب السكن يكدر ايدخلك
والاستاذ استيفن طالع يطلع عندي ماموجود حاليا بقيت اباوع منا ومنا وين اروح خليت طلعت برا خليت الكبوس ع راسي ندية صرت وكفت مقابيل البناية اكو بناية ثانيه بس بيها عازل وكفت جوا

اتصلت نور الوو هلا نور اي بلي وصلت وانتظر استيفن ماموجود بالسكن
نور. ؛،. خابري كوليله انتي وصلتي شنو منتظرا
مهد. ؛،. ها اي يلا راح اخابره باي

كعدت ع صوت استيفن يحجي وي الممرضه طلع بسرعه
شغلت الضوا ساعه اربعه الصبح يالله بس لا صار شي ع طفل دخيلك يالله لا
استيفن. ؛،. كعدت ع صوت الممرضه كالت تعال الدكتور ايريدك طلعت بسرعه البييي بي شي هوه بخير دنكت راسها رحت لكيت الطفل مغطي والاجهزة ايشيلون بيها

دكتور شبي
الدكتور. ؛،. اعتذر اللاسف توقف قلبه حاولنا لكن لا جدوى هذا الامر كان متوقع لم يكمل الشهر السادس اللاسف
استيفن. ؛،. كعدت بالكاع يالله يالله

مهد. ؛،. حاولت اكوم مااكدر كبست ع جرس اجتني الممرضه كلتلها ابني بي شي ماتحجي ابني اكولج بي شييييي هزت راسها كالت اسفه لا اعلم
كمت بالف ياويل وصلت يم الباب وهيه ادردم عليه ارجعي ومايصير وين راح

طلعت امشي اريد اوصل صار شطوله عليه الممر شفت استيفن واكف والدكتور يحجي وياه عيونه حمر باوعلي بنظرة ماافسرها ولا اتمنيت اشوفها
شافني الدكتور اجه يمشي يمي وكفت بمكاني خايفه اسمع الي مااريد اسمعه

دكتور ابني

استيفن. ؛،. بهل الحظه كرهت اشوفها اتصلت ع سام كتله تعال
كال شكو كتله مات الطفل
سام. ؛، لاااا ادكولها  يلا جايكم
مهد. ؛،. كعدت بالكاع فقدت نسيت عمليتي نسيت ظهري بقيت اصرخ بكل صوتي
استيفن. ؛،. رحت شلتها من الكاع كومي مايفيد ترى الي اسوي خلاص
مهد. ؛،. بس اشوفه ارررررريد اشوفه
دكتور. ؛،. ساعدوها لكي تراى
مهد. ؛،. فتحولي الباب بحجم الايد كلش اصغير بس كامل دنكت بسته ياترافته كمشت ايده ثلج حبيبي يالله لاااااااا

استيفن. ؛،. وخرتها وغطيته كافي دنكت بسته وطلعنا اخذوهااللغرفه كملت الاوراق انطونياه طلعت اني وابوي وسام دفناه رحت ع بيت اهلي امي بقت يمها ووراء اجت هم

مهد. ؛،. اسودت الدنيا بعيوني انكسرت احس الف كسر كلبي بعد مايتحمل
بقيت ع مسكنات مر يومين استيفن ابد بعد ماشفته ولا سمعت صوته البنات يجون ويرحون عليه

استيفن. ؛،. اعصابي تلفت خلاص انتهت مهد بنسبة الي بسبب عنادها واختيارها ضيعنا طفل حاول ابويا اروح لها رفضت كلتلهم بعد مااريد اشوفها
مايروح شكل الطفل من بالي احس الي ذنب هم ساعه الوم مهد وساعه الوم روحي مااكدر احجي ع سبب الاكبر الي وصل علاقتنا لهنا اهلي ماريد يعوفون بشي امي من دون شي مارايده مهد ولا حبتها

مريم. ؛،.  كملت الجنطه استيفن
رواء. :،.  امشي يمنا ع مااتصيرين زينه شدكولين
مهد. ؛،.  لا مشكورة اروح ع بيت تعبتكم يومية رايحين جاين
رواء. ؛،.  عادي جاين مشي قابل هوه بسيارة اتصل بيج لا
مهد. ؛،.  هزيت راسي لا
رواء. ؛،.  اوف وتالي

مهد. ؛،.  خلي مو مشكله استاهل وحقه هسه يكرهني بسببي مات الطفل
رواء :.   كافي بجي قدر رب العالمين هيج او هيج جان مامقسوم لكم صدكيني واستيفن صدكي مايهون عليه بس ضايج هسه

استيفن. ؛،.  سلمت على اهلي طلعت ع مستشفى مر اربع ايام اني هنا الازم ارجع مااكدر ابقه اكثر جامعه عندي
لكيت سيارة عماد نزلت سلمت عليه كاعد بسيارة هوه وابنه اشلونك

عماد. ؛،.  هلا حبيبي اشلونك
استيفن. ؛،.  الحمدالله هنا اشوفك رواء فوك
عماد. ؛،.  اي هسه نازله وانت اشعجب اجيت ترى مايصير استيفن طفل الله مامقسوم لكم لا اتعاقب مهد

استيفن. ؛،.  خلي روحك مكاني عماد مره وحده
اجيت انهي الامر وياها الازم ارجع الجامعتي
عماد. ؛،.  هاي هيه يعني ماكو امل برجعتكم
استيفن. ؛،.  لا لا ماكو هيج شي بعد بست علي وصعدت سلمت ع رواء طلعت شفتها

مهد. ؛،.  كمت اغسل حسيت الباب اندك فتحت باب الحمام صار بوجهي استيفن كال مرحبا كتله مرحبا
استيفن. ؛،.  فتت اشلونج ان شاء الله احسن صرتي
مهد. ؛،.  الحمدالله كعد ع كرسي اشرلي اكعد مبدل هم لابس القميص الي احبه اسود وبنطرون بقه ايباوع عليه كتله شنو الي جابك

فكرتك بحياتك ماحاب تشوفني بعد
استيفن. ؛،.  اعرف من باب الواجب جان الازم اجي بس الافضل ابعد بعد ولا تنسين قبل سبع شهور تقريبا انتي هذا جان طلبج وقرارج

مهد. ؛،.  صح
استيفن. ؛،.  لهذا يامهد جيتي هسه لهنا حتى نحسم الامر نهائيا ماكو داعي انطول الموضوع اكثر وانخلي الكل ايفكر بينا

مهد. ؛،.  امم يحجي احس هاي الحركه الي تخنكك باالحنجرة احس عيوني كامت تلمع اعرف الي ايريد ايكوله كتله ننفصل اتريد

استيفن ؛،. باوعت عليها اي هذا انسب حل انتي شوفي حياتج وعيشيها مثل متحبين
مهد. ؛،. درت وجهي عنه ماريد اضعف مثل متريد ايصير
استيفن. ؛،. حجيت بيني وبين نفسي مثل مااريد مو ايصير خير ماشي اني رايح محتاجه شي

مهد. ؛،. تسلم ماقصرت ولا اهلك قصرو بس اريد اعرف ابني وين دفنتو
استيفن. ؛،. ابويا يندل مكانه اذا حبيتي ازوري هوه ياخذج

مهد. ؛،. ماشي كام وكف كمشت عمليتي وكفت
استيفن. ؛،. نزلت دموعها ليش البجي اكو شي يسوى ؟
مهد. ؛،. ماادري شدكول انت مو مهم مسحت وجهي احس اتخدرت ع وجع موجديد عليه
استيفن ؛،. طالعه اليوم باقيه اذا اتحبين اوصلج
مهد. ؛،. لا شكرا لك بس اريد ادموعي توكف يالله درت وجهي اسمع بس صوت حسراته

استيفن ؛،.

الحلقة السابعه والاربعون 47

ابو سام ؛،.  وين صار الدكتور
مهد. ؛،.  كعدت احس راسي ثكيل اسمعهم بس مااكدر افتح اعيوني ابني
وين ااه وجع بطني

رواء. ؛،.  حمدالله على سلامتك ياروحي
نور. ؛،.  اشلونها
الممرضة ؛،.  بخير تحتاج الى راحة ظهرها متضرر
نور. ؛،.  البيبي بخير
الممرضة ؛،.  اللاسف وضعه ليس جيدا

استيفن. ؛،.  طلع الدكتور طمني
دكتور. ؛،.  الام بخير البيبي اللاسف قلبه ضعيف سوف يكون تحت الرعاية الطبيه ادعو له ان يكون بخير
باوعت طلعوا مخلي بجام واجهزة عليه كلش اصغير
سام. ؛،.  راح ايصير زين لا اتخاف مبروك حبيبي
ابو سام ؛،.  مبروك نشكر الرب على سلامتهم
استيفن. ؛،.  تسلمون شعور كلش حلو بس فرحتنا مكامله

ام سام ؛،.  مبروك ماما
ابو سام ؛،.  يلا انسلم ع مهد وروح نرجع غير وقت
سام. ؛،.   يلا امشو
مهد. ؛،.  كعدت ميته من الوجع فتحت عيوني كلهم بالغرفه وين ابني زين هوه
ابو سام ؛،.  زين بابا اهدي نشكر الرب على سلامتكم
استيفن.  ؛،.  منتكي ع حايط باوعت عليه
رواء. ؛،.  لا اتخافين البيبي مخلي بالعناية بعده حيل اصغير بس ايصير زين ايجيبو
مهد. ؛،.  تسلم عمو كمشت ايدي رواء الله عليج زين او اتكذبين عليه
رواء. ؛،.  والله شبيج عايش الحمدالله لا اتخافين
الممرضه. ؛،.  اعتذر لكن لا يمكنكم ان تكونوا هنا شخص واحد مسموح

ابو سام ؛،.  يلا اروح
نور. ؛،.  اني راح اروح ارجع اجي ماشي كلبي
رواء. ؛،.  انت هنا باقي
استيفن. ؛،.  اي باقي هنا
مهد. ؛،.  رواء همستلها دنكت عليه اريد ملابس كلشي ماعندي هنا

رواء. ؛،.  ماشي حبيبتي اني اجيبلج
ام سام ؛،.  اتصلوا ماما اذا لزمكم شي محتاجه شي مهد
مهد. ؛،.  تسلمين خاله كلهم طلعوا بقينا وحدنا راح ايباوع من شباك درت وجهي مخنوكه احس حس على شهكتي

استيفن. ؛،.  موجوعه اباوع عليها تبجي ماردت
مهد. ؛،.  البيبي زين لو كلش وضعه مو زين
استيفن. ؛،.  لا زين الحمدالله بس لان بعده اصغير اخذو
مهد. ؛،. مر تقريبا ساعتين اجوي الممرضات كالوا الازم ادكومين تمشين حاولوا ايكوموني كمت اصرخ من الوجع مااكدر

استيفن. ؛،.  وخرت الممرضه سندتها عليه ع كيفج
مهد. ؛،.  من حضني عبالك اول مره يتقرب مني لحيته عاليه صارت قريبه من وجهي مااكدر اكوللكم
استيفن. ؛،.  بس ميصير الازم تمشين اباوع عليها ترجف بردانه
مهد. ؛،.  ماادري
الممرضه ؛،.  حاول اتمشيها بالممر برا عشر دقايق لا اكثر
مهد. ؛،.  كمت وكفت شعري نازل ع وجهي اديه ع بطني فعلا لحظه صعبه استيفن بس انطيني الكتر ارفع شعري
استيفن. ؛،.  وينها شفتها ع ميز لميت شعرها ملابسها قصيره حيل ماحجيت

مهد. ؛،.  اخذني اشوفه الله عليك
استيفن. ؛،.  هيج اتروحين شوفي لبسج
مهد. ؛،.  الممرضه هم كامشتني كلتلها اريد شي اطول من هذا كالت اوك راحت اجيب كعدت ع جرباية ايباوع عليه من فوك ليجوا

استيفن ؛.  رجلها من ورا زركه استغفرك ربي
مهد. ؛،.  شبي هذا ايباوع ويستغفر دخلت انطتني هم مال مستشفى باوعت عليه اريد ابدل

استيفن. ؛،.  مافتهمت اعرف تقصد اطلع
مهد. ؛،.  روح برا طلع بلا مايجاوب ساعدتني لبستها رجعت ادكومني اااااه فتح الباب دخل استيفن كال اشبيج

ماااكدر عوفيني
استيفن ؛،.  اكومج اني يلا رفعتها
مهد ؛،. ع كيفك حباب  كمت امشي ع كيف وهوه مخليني بين اديه حجه وي الممرضه اخذتنا ع مكان البيبي باوعت من جامه حيل اصغير مشغلين اجهزه كومه وكانونه برجله ومخلين بخشمه اوكسجين فرفحت روحي

اشلون ادكول زين
استيفن. ؛،.  راح ايصير زين ادعيله
مهد. ؛،.  بقيت اباوع والوم بروحي ياريت مطالعه جان ماصار الي صار
استيفن. ؛،.  يلا نرجع
مهد. ؛،.  هزيت براسي رجعنا ع غرفه مبدليها لكيانهم مغيرين الغرفه منطينه غرفه بيها سرير مزدوج وثلاجه وتلفزيون كلش حلوه كعدت واني اباوع ع جرباية

استيفن. ؛،.  جابوا الاكل اكلي طالع ادخن وارجع
مهد. ؛،.  مالي نفس احس
استيفن. ؛،.  اهتمي بصحتج علمود الطفل الازم بس ايصير زين اترضعي
مهد. ؛،.  اخذ باكيته وطلع عافني
مر النهار واحنه نسرق نظرات بعد كالوا لا ادكومين لان ظهري مو تمام
باليل اجه سام جايب وياه جنطه بيها ملابس مشترين الي هوا ونور وعصائر وفواكه

تسلم تعبتكم
سام. ؛،.  شنو تعبتينا صرت عمو غير هاي الفرحه تسوى كلشي ههه
مهد. ؛،.  ههه
استيفن. ؛،.   ههه فعلا تعبت والبيت بعيد منا
سام. ؛،.  عادي كلها اربعين دقيقه جبتلكم عشه نور سوتلج شوربه
هم

مهد. ؛،.  اشكرها بنيابه عني سلم وطلع
اتصلت رواء الوو هلا حبيبتي لا الحمدالله زينه لا تسلمين هسه سام جاب كلشي والله
استيفن. ؛،. فتت ع حمام اغسل ميت نعس من البارحه مانايم
طلعت كعدت ع كرسي عيوني اذتني وصداع

مهد ؛،. سديته من رواء شفته ايغفي ع كرسي استيفن تكدر اتنام هنا
استيفن. ؛،. باوعت عليها تاكلين تردين
مهد. ؛،. لا اذا جعت اكل
كام نام يمي بس بعيد عني حط ايده ع وجهه طفيت الضوا من يمي صار مال الحمام يضرب ع غرفه اني هم نمت

**ركضت دخلت باوعت بس مهد ماخذيها ع غرفه نايمه
رواء. ؛،. مهد حبيبتي
ابو سام ؛،. شوف الدكتور اشلونهم الطفل وينه
استيفن. ؛،. طلعت الممرضه طمنيني
كالت هسه يطلع الدكتور ايفهمكم بقينا واكفين نور ورواء راحوا ورا مهد

يتبع ،،،**

**بالحظتها اموت ولا ايكولون صار شي ع ابني اجه الدكتور مدري شيكول من البجي بالي مو يمهم وجع موتني بطني وظهري رجعو خلولي مدري شنو بالمغذي ورفعو رجليه مخده خلو سولي سونو شاف الحبل السري قريب على ركبته كل مايتحرك يضك عليه ويختنك

الدكتور. راح ننتظر الى الصباح لكي نعمل العملية
مهد. ؛،. بس اني ممخلصه السادس ابني راح ايكون بخير هز راسه بحيرة
الدكتور. ؛،. لا استطيع اجاوبك الان الحقيقه نبض جدا ضعيف والحبل السري قريب من عنق البيبي حاولي ان تهدئي عليكي بالهدوء وان تتنفسي بشكل جيد لكي تعطي مساحة اوكسجين اكثر

طلع الدكتور دخل سام ونور شافوني ابجي نور حضنتني خير شكو
الممرضه واكفه يمي
سام ؛،. حمدالله على سلامه اشلونج
مهد. ؛،. حجيتلهم الوضع

استيفن. ؛،. بقيت محتار اروح لو لا هيه ماتريدني اصلا على شنو اروح
اتصل استيفن ها استيفن لا وين يجي النوم بعد اي شكال
سام. ؛،. هسه حجيت وي الدكتور الطفل وضعه خطر منا الصبح ايسون عملية المهد

استيفن. ؛،. الهل درجه الوضع واصل يلا هسه اجي
سام. ؛،. وين بهل اليل اسوق انتظر الصبح وتعال
استيفن. ؛،. ماكو شي لا اتخاف يلا شيصير خابرني
سام. ؛،،. ماشي انتبه ع طريق

نور. ؛،. كافي بجي حبيبتي العذراء تحمي خلي ايمانك قوي
مهد. ؛،. بقت اصبر بيه احس بذنب جبير اذيت ابني احس بس والله مااعرف اشلون زحلكت سام ايباوع عليه ونور

سام. ؛،. حجه استيفن وياج
مهد. ؛،. هزيت راسي اي
نور. ؛،. بطلوا هل عناد يامهد استيفن ايحبج من رحتي الليوم ماعبالك استيفن الي نعرفه على طول عصبي وحده

مهد. ؛،. بقيت ساكته اشلون مرت الساعات مااعرف صارت ساعه 3 نمت ونور نامت ع تخم يمي سام راح ع بيته لان اطفاله عند خالتهم
كل شوية افز ع جهاز اباوع اذا اكو نبض
صارت ساعه سته الصبح دخل استيفن كعدت ع صوت فتحت الباب عبالي اتحلم

استيفن. ؛،. فتحت الباب شفتها حست عليه فتحت عيونها ضعفانه بطنها كبير اشويا دخلت صباح الخير
مهد. ؛،. صباح النور كعدت نور شافتنا كامت سلمت ع استيفن مااجه يمي راح كعد يم نور
كال اجه الدكتور بعد
نور. :،. لا بعد مو مهد
مهد. ؛،. اي بعد مااجه مدنك راسه ولا نطق كلمه بعد
نور ؛،. رايحه اجيب كهوة تشرب وياي
استيفن. ؛،. لا طول الطريق جنت اشرب

نور. ؛،. ماشي
مهد. ؛،. طلعت نور باوع عليه وكال
جاي يتحرك لا
مهد. ؛،. عيوني غوركن كتله لا ماكو حركه صوت النبض انسمعه ضعيف
دخلت الممرضه شالت المغذي القديم وجابت واحد ثاني كالت الدكتور هسه يجي هم خلت السماعه ع بطني رفعت الملابس وجهي نار صار بطني طلعت كلها

استيفن. ؛،. كمت رحت يم الجهاز اشوف اشكد نبض ماجنت هيج متوقعه ضعيف اريد ازهك بيها اطلع نار الي بكلبي باوعت عليها هيج مرتاحه

مهد. :،. درت وجهي منه عبالك متقصده ولا هوه ابني هم دخل الدكتور سلم عليه استيفن وكعد الدكتور يشرح الوضع له كال الازم انسوي عملية الطفل اذا بقه اكثر نخسرة كال هيج اني دموعي صبت وهم ماكو نجاح كبير كبير اذا عاش كونو يعني متوقعين كلشي اعتذر لكن عليه اخباركم

استيفن. ؛،. شكرا لك كاللهم جهزوها اللعملية
دخلت نور ها بشرو اكو تحسن
كلتلها لا نفس الحجي

مهد. ؛،. بالي مو يمهم خوف من العملية وخوفي ع طفل وقهري ع نظرات استيفن
اتصلت رواء ماجاوبت مالي خلك الاحد ولا احجي كلمه
استيفن. ؛،. اباوع عليها وجها اصفر صار واديها ترجف طالع ادخن نور
نور. ؛،. ماشي اتصلت ماما راح تجي هسه
استيفن. ؛،. اي خليت وطلعت برا جاي تمطر

مهد. ؛،. اتمنيت يحضني ايكول كلمة ولا عبالك هوه هم له ذنب بهل موضوع وبالوضع الي وصلتله كل خوفه ع ابنه جهزوني اجوي سحبوا دم مني دخلت خاله وعمو سلمو عليه

ام سام ؛،. اتكومين بالسلامه بنتي خليج قوية لا اتخافين
ابو سام ؛،. ها استيفن بابا اشلونك
استيفن. ؛،. هزيت راسي زين
ام سام :،. لا تنقهر ماما هسه مو وقت المشاكل لا اتفكر غير انو ابنك جاي وراح اتشوفه

استيفن. ؛،. اي ان شاء الله
مهد. ؛،. امه من ورا خشمها تحجي وياي مبين هم ضايجه ماهتميت شسويلهم اجوي اخذوني اللعمليات عيني ع استيفن ودموعي تنزل اجه وكف يم راسي

استيفن. ؛،. كافي بجي مهد ادكومون بالسلامه ان شاء الله
مهد. ؛،. باوعت عليه عيونه حمر هزيت راسي دخلوني الصاله مال العمليات
بعد مااعرف شصار

ابو سام ؛،. وين اخوك
سام. ؛،. برا واكف يم عماد
ام سام ؛،. كله بسببها الي ابني بي هيج احسن الي صار
رواء. ؛،. فورت دمي من وصلت الهسه ادردم ولا عبالك ابنها هم سبب الي مهد بي
نور. :،. ماما المهم هسه مهد والبيبي يطلعون بالسلامه يصالحون اكيد
ام سام ؛،. مستحيل بعد الي سوته يرجعها مااسمح بهل شي

عماد. ؛،. لا اتخاف ان شاء الله هسه يجي بالسلامه
استيفن. ؛،. ان شاء الله ابنك راح يبرد هنا روح اكعد بسيارة احسن
عماد. ؛،. ماشي عود طمنوني اني بسيارة

سام :،. استيفن تعال طلعوا مهد
استيفن. ؛،.**

كعدت لكيت روحي بغرفه ايدي مجبريها وايرات مال جهاز ع بطني هذا جهاز دكات القلب مال الطفل ملابسي مغيريها ضوا خفيف جريت تلفوني باوعت ساعه 11 و 22 دقيقه  يعني صارلي شكد هنا اني اذكر طلعت من بيتي ساعه سبعه مدري سته مر اربع ساعات تقريبا شفت استيفن متصل مره وحده ورواء متصله عليه مرتين كتبتلها ع واتساب كاعده نايمه

حاولت اتحرك ظهري حيل يوجعني من الوجع ردت اصرخ دخلت اللمرضه
هل انتي بخير
مهد. ؛،.  اشعر بألم هنا ابني بخير
كالت.  ؛،.  نبض ضعيف اللاسف سيكون بخير لا تقلقي اتصلت رواء اشرتلي ارد الوو هلا رواء اشلونج دقيقه خليج ع خط

الممرضة ؛،.  سبب ألم الظهر الفقرة الاخيرة متضررة بسبب الوقوع وايضا اثر عليها ثقل الحمل لهذا

مهد. ؛،.  ايدي ماذا
كالت فصخ خلت راحت ،،  ها رواء

رواء. ؛،.  ها شنو وين انتي
مهد. ؛،.  حجيتلها الي صار
رواء. ؛،.  ادري دخابري كولي صدك جذب وهسه اشلونج
مهد ؛،.  زينه بس موجوعه وخايفه ع الطفل نبضه ضعيف كالت خنكتني عبرتي بجيت ايصير زين مو

رواء. ؛،.  لا تبجين حبيبتي ان شاء الله ماكو شي ايصير زين بس خانس من الوكعه هل طفل راح اتكرههوا بدنيا وهوه بعده ماجاي ههه
مهد. ؛،.  هه شفتي ع حضي طالع
رواء. ؛،.  دزيلي عنوانج باجر اجي من صبح
مهد. ؛،.  ماكو داعي والله ابنج هم اشلون

رواء. ؛،.  ددزي العنوان معليج اخلي يم ابوه وعماد هذا يسمع ويسلم عليج
عماد. ؛،. مابيج بس العافيه خويه غير تنتبهين

مهد. ؛،.  تسلم ابو علي شسوي بعد ماشي حبيبتي سديته دزيتلها العنوان حاولت ارجع انام بس جوعانه حيل عود طلعت اسوك حتى ارجع اسوي غده لان مااشتهيت اكل الظهر

رواء. ؛،.  واكعه بالمستشفى هسه انوب الطفل نبضه ضعيف تبجي خايفه
عماد. ؛،.  راح اختبر استيفن لا انوب ايصير شي وايكول ليش ماحجيتوا
رواء. ؛،.  خابرة

استيفن. ؛،.  هستوني غفيت اتصل عماد الوو حجيت واني مطفي ها عماد
اي والله نايم كول

عماد. ؛،.  يابه صحصح عندي لك خبر
استيفن. ؛،.  خير ان شاء الله كول كال مهد واكعه طالعه تسوك ومزحلكه واكعه كعدت ع حيلي صدك تحجي لو تشاقه
عماد. ؛،.  والله هسه سديناه منها رواء اخذت العنوان منها كلت اكولك حتى مادكول ليش ماحجيتوا

استيفن. ؛،.  وشلونها زينه متأذية هيه الطفل
عماد ؛،.  والله مااجذب عليك هيه ايدها وظهرها متأذيات والطفل نبضه ضعيف ،، بقيت ساكت ورثت جكارة كمت ع حيلي دزلي العنوان
عماد. ؛،.  بداعتي استيفن لا تتصرف بعصبيه قدر وصار شسوي بيدها من وكعت

**استيفن. ؛،.  امم ماشي ماشي اريد اسب والعن ومااخلي سديته فاير دمي اتصلت على سام ايروح الوو هلا ابو ايليا اشلونك نايم
اكعد احجي وياك كال كول خير اكو شي شبي صوتك كتله عماد هسه خابرني مهد بالمستشفى واكعه مااعرف اريد اتوصل امي يمها نور على مااجي

سام. ؛،. صدك تحجي ماشي دزلي العنوان راح اخلي الاطفال يم خالتهم عدنا وروح لها اشكد تبعد عنا
استيفن. ؛،. ماادري خليك وياي عماد دز العنوان فتحته مو بعيدة تبعد ساعه تقريبا عنكم
كال يلا سده رايحين عود خابرني من توصل سديته منه نفس الرقم الي دزه عماد نفسه الي متصل عليه شغلت الضوا وكعدت اتصلت عليها

مهد. ؛،. اجت اتبدل المغذي اتصل تلفوني جريته استيفن اكيد عماد حجه وياه اريد افتح خط خايفه مدري احساس خلاني اضيع صار فوك الاربع شهور ماسامعه صوته فتحت خط وهاي اتبدل بالكانونه

فتحت خط الوو ضايج وكارهه مااعرف مشتاق لها احجي وياج

مهد. :،. الووو اسمعه يحجي بعصبيه كال احجي وياج اسمعك

استيفن. ؛،. اشلونج ان شاء الله بخير ومرتاحه
مهد. ؛،. زينه انت اشلونك
استيفن. ؛،. بخير بخير شنو هذا الي سمعته خومابيكم شي اقصد الطفل خوما صارله شي
مهد. ؛،. الحمدالله دقيقه ااااخ كلتلها ع كيفج تااذيت
الممرضه ؛،. اسفه حقا سوف انتهي الان
استيفن. ؛،. خير شكو
مهد. ؛،. داتغير الكانونه احس اريد احضن صوته مشتاقتله موت بس خايفه هم ارجع أتأمل ونرجع وترجع المشاكل

استيفن. ؛،. راح يجي سام ونور هسه
مهد. ؛،. لا ليش دنيا اليل مايحتاج ترى الكل يهتم بيه هنا
استيفن. ؛،. هه حتى هذول كرهتيهم سهله يجون يطمنون عن ابني ويرجعون لا اتخافين

مهد. ؛،. ترى مااكرهم بالعكس بس علمود اطفالهم ودنيا اليل وطريق طويل
استيفن. ؛،. اممم خلصت الجكاره سحبت الثانيه بقينا ساكتين اي اشلون هيج صار
مهد. ؛،. وكعت من طلعت اسوك
استيفن. :،. ماشي يلا اخذي راحتج سديته منها

مهد. ؛،. سده بوجهي نزلت دموعي والله تعبت ياربي وتاليتها مو بعد كل ضيق فرج اشوكت تفرج عليه شبعت بجي ورا نص ساعه بكد ماختنكت جهاز نبض الطفل خف الصوت رعبت كمت اصيح احد يجي اشويا فاتن اثنين ايركضن وحده اتهدي بيه والثانيه سوي بالجهاز صوت كلش خفيف مال النبض

اجت وخرت الغطه بعدني انزف تحجي وي الثانيه ركضت اصيح الدكتور**