Былтыр осы жинақты оқып, тынысымыз кеңіп қалған-тұғын. Биылғы демалысты да пайдаланып қайыра оқып шығу керек пе деймін.

Кейдей батыс, орыс, жапон әдебиетімен қоса түрлі измдерді ысырып тастап, «жайлауға» шыққың келеді ғой. Сондайда қолыңа алдымен «Аққыз» түссе, жолың болды дей бер.

Әр жолы саған сені, жұртыңды танытып бағуға қызмет етіп тұратын жинақ бұл.

2-3 жыл бұрын карантин болып, бәріміз онлайнға өтіп кетіп едік қой. Со кезде қашықтықтан һәм қашықтан сабақ оқыдық, сабақ бердік. Соған кәдімгідей бейімделіп те қалдық.

«Онлайн шай ішу» деген «термин» со замандарда шыққан сияқты. Сағаттап зумда отырып, вебинар тыңдау, жарыстарға қатысу — айта берсең көп.

Бүгін 2 сағаттай «онлайн шай» ішіптік. Со ғой 2-3 бұрынғы карантинді еске сап, ойға түсірген. Жай ішпей, кітап талқыладық, ой-пікірімізді ортаға салдық. Расы керек, сағынып қалыппыз, сусап қалыппыз, 2 сағаттың қалай өткенін білмей қалдық.

Негізі бар ғой, жақсы адамдармен қай форматта шай ішсең де әдемі ғой, шіркін.

Алғашқы қар түскен сайын Оралхан Бөкейдің «Дүниеде қар жауған сәттегідей бейбіт те тыныш өмір бар ма екен?» деген сөздері ойыма оралады екен.

«Адам — өзі жете танымағанға жау».

«Яғни, жалғыз біреуді ізде! Одан басқалар іздеуге лайық емес.
Біреуді ғана шақыр! Өзгелер көмекке келмейді.
Біреуді ғана арманда! Басқалар лайық емес.
Біреуді ғана көр! Одан өзгелер әрдайым көрінбейді, көзден тасаланып, ғайып болады.
Біреуді ғана біл! Оны тануға септігі тимейтін ілім тегінде пайдасыз.
Біреу туралы айт! Онымен қатысы жоқ сөздер бос сөз саналады.»

«Соңғы музада» Рүстем Әбдіраштың «Құрақ көрпе» фильмін жақсы талдапты. Атауының өзіне біраз мағына сыйдырған фильм ғой. Міндетті түрде көріңіз демеймін, бірақ көру керек. Көріп болған соң осы бағдарламаны, «Соңғы музаны», көріп шыққан да артық етпес.

https://youtu.be/-HW73RGf64s?si=OJ6BdxvI1t-p4-db

YouTube

СОҢҒЫ МУЗА. «Құрақ көрпе» фильмі