چا نابێ جیهان بە ئێمە، با دڵ چا بێ!

#مامۆستا_هەژار
خەییامی هەژارانە

«فاشیزم» بریتییە له توندوتیژییەک کە هەرگیز ناگاتە ئامانج، هەرگیز ناتوانێت پەیامی خۆی بەتەواوەتی جێبەجێ بکات. شەڕێکە هەمیشە دەبێت لە شەڕێکی دیکەدا خۆی تەواو بکات.

#بەختیار_عەلی

دیتم کە پڕمە دێ
من گەرمی بیر و هیوا بووم
پڕمەی کەحێلی سواری مەریوانە؟
بێچارە خۆم...
پڕمەی گرینی گەنجی عەشیرەت بوو.

ئەی سەردەمی هەموو بەرئاوەژوو!
داخێ، مەغابنێ، خەفەتێ
بۆ چاوی شینی تازە بەهار
کوا شەنگەسوار؟

#سوارە_ئێلخانیزادە

دەشێت «تەنیایی» دووڕێیان بێت
بەرەو وێڵبوون یان خۆناسین
ژیانیش هەڵەمووتێک بێت
بۆ هەڵدێران،
یان هەڵفڕین.

#ڕەفیق_سابیر

نیگاهی گرتە غەیر و من دڵم لەت بوو، تەماشا کەن!
خەدەنگی گرتە کێ، شەقژن لە کوێ، زەربی بەر کێ کەوت؟!

#مەحوی

باری جەورت من دەکێشم؛ سەیری گوڵ: خەڵکی دەکا
دەردی هیجرت من دەبینم؛ سەیری: بۆ کێیە شەفا!

#ئەدەب

تۆ بڵێی کە هەڵێ چ زوو چ دێرێک
بۆ ئێمە لە ئاسمان ستێرێک؟

ڕۆیین و زەمان پەشێو و ئاڵۆزاوە
سەد گەوهەر و دوڕ یەکێکی لێ نەسماوە
‏داخی له دڵم هەزار وتە و بیری چاک
کەر بوونەتە لەمپەر و نەبێژراو ماوە!

#مامۆستا_هەژار
خەییامی هەژارانە

تەشەنا بۆتەوە ناسۆری دەروونم دیسان
زامی کۆنە و بە مەیی کۆنی دەبێ مەڵهەم کەم

#هێمن

ئەزانێ یار،
خۆی، کام هەژار، ڕۆژی سەدجار،
ئەکا هاوار: خۆزگەم بە پار!
خۆزگەم بە پار...

#گۆران