የልብ ጉዞ~6
:
ሶስቱን በሮች ከቆላለፍን ቡኋላ በልቦናችን ላይ ፅልመት የሚያክለው "ኸዋጢር" ነው። ልብ ላይ ውል የሚል ሀሳብ። ይህ ሀሳብ ከሸይጣን ፣ ከነፍስያ ፣ አልያም ከመለክ ፣ ወይም ደግሞ ከአላህ ሱወ ዘንድ በኢልሀምነት የተላከ ይሆናል።

በልባችን የሆነ ሀሳብ ውል ሲል በሶስት አይነት ሚዛን መልካም ወይም መጥፎነቱን መለየት ይቻለናል። አንደኛው በሸሪዐ ሚዛን እናየዋለን። ሀራም፣ ሀላል ፣ ሙባህ ወይስ መክሩህ የሚለውን እንለያለን።
ሁለተኛው  በቀደም ሳሊህ ሰዎች ታሪክ ውስጥ ምንነቱን እናስሳለን።
ሶስተኛው በልባችን መሻት እኖስናለን። ልባችን ውል ያለብንን ሀሳብ ነፍሳችን ለመከወን ከተቻኮለች ብዙ ጊዜ ሸር ነው ሚሆነው። ውል ያለብንን ሀሳብ ለመስራት ከተሰናፋችና ወደ ኋላ ካለች ብዙዉን ጊዜ ኸይር ነው ሚሆነው።

ልባችን ላይ የሆነ ሀሳብ ውል የሚልብን ከሆነና ኸይር ይሁን ሸር መለየት ከቻልን ቀጣዩ እርምጃችን ከሸይጣን ፣ ከነፍስያ ነው አልያም አላህ ሱወ ኢስቲድራጅ አድርጎብን ነው የሚለውን መለየት ያስፈልጋል።

በልቦናችን ላይ ውል ያለው መትፎ ሀሳብ በእስቲግፋር ፣ በተዐውዝና በዚክር የሚወገድ ከሆነ ከሸይጣን ነው።
በዚክር አልወገድም ያለ እንደሁ?
ለምሳሌ አንድ ሰው ልጅ ሲወለድለት ዘመዶቹ መጥተው አልዘየሩት። ታድያ እነሱም ሲወልዱ ነፍስያው " እኔ ጋር ሳይመጡማ እኔም በፍፁም አልሄድም " ብላ ድርቅ ትላለች። ዝምድና መቁረጥ ከትላልቅ ወንጀሎች መሀል ነው። ታድያ ይህን ስሜት ምንም ያህል ዚክር ቢከረርበት ሊወገድ አይችልም። ምክንያቱም ኸዋጢሩ የመጣው ከሸይጣን ሳይሆነ ከነፍስያ ነውና።
የነፍስን የሸር ኸዋጢር ለማከም ሙጃሀዳ ማድረግ ይኖርብናል። ነፍስን መታገል። የሆነን ጥፋት ስታጠፋ " ነገ ትፆምያለሽ ፣ ለይሉንም ትቆምያለሽ.." እያልን ዳግም እንዳታጠፋ በኢባዳ መቅጣት። እንዲህ ስናደርግ ለተወሰኑ ቀናት ትነጫነጭ ይሆናል እንጂ መስመር ይዛ የአላህ አምር ላይ ቀጥ ማለቷ አይቀርም።

ሶስተኛው ወንጀል ሰርተን ምንም አይነት ፀፀትና ሀዘን ሳይሰማን ሲቀር ፣ ይልቅ ስለ ሰራነው ጥፋት እንደ ጀብድ ስናወራና ከተውባ ስንሰናፋ   አላህ ሱወ ከባድ አያያዝን ሊይዘን በሌላ የጥፋት በር ይፈትነናል። ወንጀል ላይ ወንጀል እንድንከማምር ልባችን ይወተውተናል።
እንዲህ አይነት ሀል ሲገጥመን ሱነተ ተውባ ሁለት ረከዐን ሰግደን ልባችንን እያስተናነስንና ራሳችንን እየወቀስን ከራህማኑ ጋር በማውጋት ልባችን ይታከማል።

. . .ወደ ልብ 

@ktebiban_meder

የልብ ጉዞ~5

በሰዎች ዘንድ አምሮ ለመታየት ውጫዊ ገፅታችንን በተለያዩ ነገራቶች እንደምናስጌጥ እሙን ነው።
አላሁ ሱብሀነሁ ወተዐላ ደግሞ ወደ ውጫዊ ገፅታችንም ሆነ ቁመናችን አይመለክትም። የአላህ እይታ ወደ ልባችን ነው። ታድያ ለሰዎች ምልከታ ብለን ውጫዊ ገፅታችን ላይ እንደምንጠበበው አላህ የሚያየውን ልብንስ ለማስጌጥ ለምን አንጥርም?

ልብ ከተስተካከለች ሙሉ ሀላችን ይስተካከላል። ሙነወራ የሆነ ልብ ባለቤት ሰርክ ወደ አላህ ይናፍቃል። አላህን ያፈቅራል። ስለ አላህ ፍቅር ያነባል። ልብ ውስጥ የሸሸገው ፍቅርና ናፍቆትን በእምባው ይገልፃል።

ይህች ልብ በሶስት የስሜት ህዋሳቶቻችን ምክንያት ፅልመት ትሞላለች። ብርሀኗ ይከስማል። እነዚህ ሶስቱ የስሜት ህዋሳቶቻችን አይን ፣ ምላስና ጆሮ ናቸው።

" #አይን የተረገመው ሸይጣን የተመረዘ ቀስት ነው። "
አይናችን የሚያየውን ልባችን ላይ ይታተማልን አይናችን ኑራኒይ ወደሆኑ ነገራቶች  . . ወደ ቁርዐን ፣ ወደ ሳሊሆች ፣ ወደ ፍጥረተ አለሙ በተፈኩር ፣ ወደ ወላጅና ጓደኞች በሙሀባ የሚመለከት ከሆነ ልብ በብርሀን ይሞላል።

አይን ሶስት ነገራቶችን ስታይ ልብ  ፅልመት መልበስ ይጀምራል።
የመጀመሪያው የሸህዋ እይታ ነው። ነፍስ ምትሻው ሀራም ወደሆነ እይታ መመልከት። አጅነብይን ሴት ማየት አንዱ ለልብ ፅልመት መንስኤ ነው።
ሁለተኛው ዱንያን በማላቅ እይታ ማየት። እጅግ በማዳነቅና በማተለቅ መመልከት ከአይን የሚመጣ ለልብ ፅልመት ሰበብ ውስጥ ኣንዱ ነው።
የመጨረሻው ሌላን ሰው በንቀትና በማሳነስ እይታ መመልከት። ሰውዬውን በገንዘብ አልያም በስልጣን ወይ በዘሩ አሳንሶ መመልከት!
በኢልምም ቢሆን ማንንም አሳንሰን እንዳንመለከት የሚያዘን ዲን ነው ያለን።
ኢልም እኮ ወይ ላንተ አልያም ባንተ ላይ ሁጃ ብቻ ነው። ሀብትም ከሆነ ከሀላል ከስበህ በሀላሉ ካዋልከው አላህ ዘንድ ሂሳብ ሲጠብቅህ ከዛ ውጪ ቅጣት ነው።

በበኒ ዒስራዒል ጊዜ አላህን ለ500 አመታት የተገዛ አቢድ ነበር። ለዚህ ሰው ፀሀይ በሆነበት ስፍራ አንጣላው ምትሄድ ደመናም ነበረችው። ታድያ አንዴ መንገድ ላይ በበኑ ኢስራኢል ዘንድ እጅግ ወንጀለኛ ከሆነ ሰው ፊት ለፊት ይገጣጠማሉ። ሲተያዩ ሁለቱም ፊታቸውም አዙረው በመጡበት ይመለሳሉ።
አቢዱን ሰው ተከትላ የመጣችው ደመና ግን ፋሲቁን ሰው ተከትላ ሄደች። ምክንያቱም ወንጀለኛው ሰው አቢዱን ሲያይ ራሱን አሳንሶ እንዲህ ያለን የአላህን ባሪያ ለማየት ምገባ አይደለሁም በማለት ነበር ያፈገፈገው። አቢዱ ሰው ግን ለአመታት አላህን ያመፀን ሰውማ አልመለከተውም። በማለት ተጠይፎና አሳንሶት ነበር የዞረው። ሁለቱም በአይኖቻቸው ቢተያዩም የአንዱ እይታ ኑራኒይ ሲሆን የሌላኛው የፅልመት እይታ ነበር።
ኢባዳን በጨመርን ቁጥር ኢባዳችን ይበልጥ መፍራትና ራስን ማስተናነስን ሊጨምርልን ይገባል እንጂ ቅንጣት ኩራት ሊጠጋን አይገባም።

ሌላኛው ለልብ ፅልመት በር የሆነው ምላስ ነው።
ምላስ ደጋግሞ የሚከርረውን ነገር ማወቅ ልባችን ፅልመት አልያም ኑር እንዳንዣበበት ለማወቅ ይረዳናል። ንግግራችን ከሀሜት ፣ ውሸት ፣ ስድብ ፣ ሰውን ማነወር እና ዱንያዊ ነገራቶች ላይ ብቻ የተንጠለጠለ ከሆነ ልባችን ስር ድቅድቅን እየሸቀሸቅን ነው።
ምላሳችንን አላህን በማስታወስ ካረጠብን ፣ በቁርዐን ዜማ ካላወስን ፣ በመልካም ለማዘዝና ከመጥፎ ለመከልከል ከዘረጋናት፣ ሰርክ ስለ አላህና መልዕክተኛው ምንዘክር ከሆነ ልባችን በኑር ይሞላል።

የመጨረሻው በር ደግሞ ጆሮዎችን ነው። ሀሜት ፣ ውሸት ፣ ስድብ ፣ ዘፈንና ዱንያዊ የሆነ ነገራቶችን ምናዳምጥ ከሆነ ፅልመት ድሩን ቀልብ ውስጥ ያደራል። በተቀራኒው ቁርዐን ፣ ዚክር ፣ ሀዲስ ፣ የደጋጎች ታሪክና ኢማንን የሚጨምሩ አኼራዊ ጉዳዮችን አዘውትረን ምንሰማ ከሆነ የልባችን ኑር ያብባል።

ከአይን ጆሮና ምላስ በተጨማሪ ለልብ ፅልመት ሰበብ የሚሆኑት. . .

እንቀጥላለን . . .

@ktebiban_meder

የልብ ጉዞ~4
:
ወደ አላህ የምናደርገውን ልባዊ ጉዞ በተውባ እንጀምር።  ከትላልቅም ይሁን ከትናንሽ ወንጀሎች ለመጥራራት በተውባ ምንጭ እንለቅለቅቅ። ፀሀይ ከመግቢያዋ እስክቶጣ ድረስ በማይዘጋው በር እንዝለቅ።ወደ አላህ ለምናደርገው ጉዞ በዛሬዋ ለይል ተውበትን ነይተን ሁለት ረከዐን እንስገድ።

ስንሰግድ የሀቂቃ ከሞት እቅፍ ለመሰብሰብ ሽርፍራፊ ሰከንዶች እንደቀሩን ፣ በልቦናችን ላይ የአላህን ፍራቻ አሳድረንና ቀብር መግባት ፣ አላህ ፊት ቆሞ ሂሳብ መደራረጉን እስተንትነን ይሁን። ከዚህ በፊት ያሰላፍነውን የገፍላ ሰዐታት ፣ የከሰርንባቸውን አመታት ፣ ልባችን ላይ የከበዱን ትልልቅ ወንጀሎችንና ልባችን ትንሽ ነው ብሎ ያቀለላቸውን ትልልቅ ጥፋቶቻችን በምናብ እንከልሳቸው። በደከመ ድምፅ ፣ በፀፀት ዜማ እንዲህ እንበለው . . .

" ያ ረብ ሚስኪን ባሪያህ ፣ ወንጀለኛ ፣ ቀጣፊ ፣ ፋሲቅ ፣ ድኩም ፣ ልቡ ፅልመት የወረሰው ባሪያህ እደጅህ ቆሞዋል። ያ ረብ ምህረትህን ሊያገኝ ባይገባውም ምህረትህ እርሱን ሊያገኝ የተገባ ነው። ያ ረብ እዝነትህ ሁሉን የሰፋ ነው ፡ እኔ ደግሞ ደቂቅ ፍጥረት ነኝና በእዝነትህ አካበኝ ጌታዬ ሆይ ማረኝ ፣ ያ ረብ እዘንልኝ ፣ ያ ረብ ይቅር በለኝ ። ያ ረብ ለበደሉን ሰዎች ይቅር እንድንል አዘሀናል ፣ ያ ረብ እኔ ደግሞ ነፍሴን በድያለሁ ምህረትህን ለግሰኝ።

ኢላሂ! ምን ቢገዝፍ ቢተልቅ ሀጥያቴ! ይቅርታህ ከወንጀሌ የተላቀና የሰፋ ነው።
ኢላሂ! ሁኔታዬን፣ ከጃይነቴንና ድህነቴን ታያለህ! #አንተ የሚስጥር ሹክሹክታዬን የምትሰማ ነህ።
ኢላሂ! ተስፋዬን አትቁረጥብኝ! ለኔ ከቸርነትህ ወንዝ ተስፋ አለኝና።
ኢላሂ..!
"ከቅጣትህ ጠብቀኝ" የምልህ ነኝ።
ምርኮኛ፣ወረዳ፣ ፈሪም ለኣንተም አጎንባሽ ነኝ።
ኢላሂ..የይቅርታህን ጣዕም አቅምሰኝ! ላንተ ተደፍቶ የማንሾካሾክን ጥፍጥናን ለግሰኝ።
ኢላሂ...! "

እንዲህ ባለ መተናነስ ወደ አላህ እንዋደቅ። ምህረቱን እንለምነው።
ከዛም ተውባችንን ዕለት በእለት እያደስን ለኢስቲቃማ እንዲያግዘን ዱዐ እያደረግን የሩህ ጉዞዋችንን እንጀምር። ዛሬ ነገ እያልን አንታለል። ነገ ዛሬን ሲሆን ሌላን ነገ እየተመኘን በባዶ ተስፋ ከመሬት ሆድ  ስር እንዳንገባ። ያለን ዛሬ ሳይሆን አሁን ነውና አሁንን በተውባ እንጀምር። ስለ አላህ ብለን የነፍስያችንን ልጓም ለመያዝ እንጣር። እስቲግፋር እስትንፋስ ይሁነን። እኩይ ከሰራን በቶሎ መልካም እናስከትልበት።

ከቀደምት ሳሊኮች ሙባህ ከሆነ ነገር እስቲግፋር የሚያደርጉ ነበር።
ከዚህም በላይ ኢባዳ ከሰሩ ቡኋላ እስቲግፋር የሚያደርጉም ነበሩ። ኢባዳቸው ላይ ለኢባዳ እንዲበቁ ያደረጋቸውን አላህ በሙሉ ልባቸው እሱነቱን ሳያስታውሱ ሲቀር ምህረት ይጠይቁ ነበር።
ለዚህም ነው ሰይደቲ ራቢዐ አል~ዐደዊያ
" ለኢስቲግፋሬም ኢስትግፋር አደርጋለሁ" ብላ ምትል የነበረው። የሀቂቃ ከልብ ሆነን ከአላህ ሱወ ጋር ማውጋት የጀመርን እንደሁ የህይወትን የሀቂቃን ጥፍጥና እናገኛለን።
:
ተውባ በአንድ ዕለት ብቻ ሚቋጭ አይደለም።
ቁድዋችን ሰይዳችን አለይሂ ሰላቱ ወሰላም በአንድ ቀን ከ 100 ጊዜ በላይ እስቲግፋር ያደርጉ ነበር።
እኛም በዕለት ዊርዳችን ላይ በለይል አልያም በንጋቱ ጊዜ መቶ እስቲግፋርን እናዘውትር።
:
በመቀጠል ሰዎች ዘንድ ያለብንን ሀቅ እንመልስ። መመለስን ያልቻልን እንደሁ አፉታን እንጠይቅ። የቂያም ቀን ከበዳዮች ጎራ እንዳንቀሰቀስ። ከመልካማችን እየተነሳ ለሎች የሚሰጥብን እንዳንሆን።

ነፍሳችን በተውባ ምንጭ ከተወለወለች ወደ ቀልብ እንዘልቃለን . . .

@ktebiban_meder

ሒካያ~30

ነብዩላሂ ዒሳ ዘንድ ሶስት የበኒ ዒስራዒል ሰዎች መጡ። " አንተ የአላህ 'ኩን' ቃል ሆይ! የእውነት ነብይ ከሆንክ ይህንን ክምር አሸዋ ወደ ወርቅ ቀይርልን! " ሲሉ ጠየቁት።

ነብዩላሂ ኢሳም ጥያቄያቸውን ተቀብለው  ዱዓ አደረጉ ፡ ዱዓቸውን ካጠናቀቁም ቡኋላ በያዙት በትር ክምሩን አሸዋ መታ ሲያደርጉት ወደ ወርቅ ሳንቲም ክምርነት ተቀየረ። ውስጣቸው በዱንያ ጥማት የተሞላችው ሶስቱ ሰዎች ፡ ወርቁን የግላቸው ለማድረግ ይነታረኩ ጀመር። በጨረሻም ሁለቱ በጋራ በመሆን አንዱን ገድለውት ፡ የቀረውን ለሁለት ሊካፈሉ አሴሩ። የቀረው አንዱ ሰው ደግሞ ፡ ሊያቀርብላቸው እያሰናዳ በነበረው ምግብ ላይ መርዝ ጨምሮ ሙሉ ወርቁን የራሱ ሊያደርግ ፈለገ።

ገድለውት ለሁለት ለመካፈል ያሴሩ ጓደኛሟቾቹ ፣ አንዱን ጓደኛቸውን ምግቡን ካቀራረበላቸው ቡኋላ ተባብረው ገደሉት። ከዚያም ስለሚካፈሉት ክምር ወርቅ እያሰላሰሉ ወደ ማዕዳቸው ቀረቡ። በመርዝ የተበከለውን ምግብም ተመገቡ። ብዙም ሳይቆዩ በስቃይ እያጣጣሩ ፡ ይህችን አለም ተሰናበቱ።

ከቀናት ቡኋላ ኑብዩላሂ ዒሳ(ዐሰ) የሶስቱንም ሰዎች አሟሟት አይተው " እንዲህ ናት ዱንያ ፈላጊዎቿን ምታደርገው! እንዲህ ናት ዱንያ! " በማለት ተናገሩ።

@ktebiban_meder

#ኸሚስ_አመሻሹ_ላይ!

የነቢን የፍቅር ድር እያደሩ፣ እንደ ጥልፍ እየጠለፉ፣ ጥለት እያበጁ፣ ቀለም እያቀለሙ ውለው የሚያድሩ የሙሐባ ሸማኔዎች አሉ። ሐያታቸውን በሸማው ተዘይነው የኖሩ። የወለላው ነብይ ወዳጅ ሰይድ ዩሱፍ ነብሃኒ (ቀ.ሲ) ነቢን ያሏቸውን የሰማን ጊዜ ጉድ ከጉድም በላይ አልን። "ያረሱለሏህ..! ያንቱ የተከበረ እግር መሬትን ባይረግጥ ኖሮ በአፈር ውዱዕ ማድረግ (ተየሙም) ማንንም ባላጠራ ነበር፡" አሉ። መገን! ታቢዒዪ ኡብን ሲሪን ስለ ዘንፋላው ነብዬ አንድ ዘለላ ፀጉር ዋጋ ሲናገሩ ምን አሉ? "የነብዬ አንዲት ቅንጣት ፀጉር እኔ ዘንድ ከብርም ከወርቅም ምድር በውስጧ ከያዘችው ማንኛውም ሃብትም ይበልጥ ውድ ነው!"
ደጋጎቹ የነቢን የኑር ስብስብ ዛት በየዘርፉ ይለብሱታል። እኩሉ ለበረካ፣ ገሚሱ ለውዴታ፣ ታማሚው ለመሻር። እንኳን ዋናውን ጥም ቆራጭ፣ አንጀት አራሽ መጠጥ አግኝተው ቅራሪውንም አያልፉት! ታቢዒዩ ሳቢት አል ቡናን ሰይድ አነስን (ረ.ዓ) ሲያገኙ "እነዚህ’ኮ ነብያችንን ሶለሏሁ ዓለይሂ ወሰለም ያዩ ዓይኖች ናቸው!" እያሉ ዓይናቸውን ይስሟቸው ነበር። "ነቢን የነኩ እጆች ናቸው!" ብለውም እጆቻቸውን አገላብጠው ይስሙ ነበር።

ሰይድ ጦልሐ የነብዩ ፍቅር ያጠቃቸው የሙሐባ እስረኛ ነበሩ። ታድያ ሰይዳችንን መንገድ ላይ ባገኟቸው ጊዜ አቅፈው ጉንጫቸውን፣ ግንባራቸውን፣ እጅ እግራቸውን ይስሟቸዋል። ነብዬላህ ይህ ፍቅር ያሳሳቸዋል። በአንዱ እለት በመዲና ጎዳናዎች ላይ ሰይድ ጦልሃን ፊት ለፊታቸው አቁመው "የኔ ጦልሐ ትወደኛለህ?" ብለው ጠየቋቸው። "በጣም እንጂ የኔው ነብይ" ብለው መለሱ። ቀጠል አደረጉና "እንዲያው ከአባትህ በላይ ትወደኛለህ?" ብለው ጠየቁ መልሱን በጉጉት እየጠበቁ። አፍቃሪና ተፈቃሪ ልማዱ ይሄው ነው። ከሁሉም በላይ መውደድ፣ ከማንም በላይ መወደድ። ይህንን ሊሰሙ ከጀሉ የኔ በሻሻ። ሰይድ ጦልሐ በአዎንታ ለጥያቄው ማረጋገጫ ሰጡ። ሰይዳችን ይህንን የፍቅር ትኩሳት ይበልጥ ሊያግሉት ከጅለው "አባትህን ሰዋልኝ ብልህስ?" አሏቸው። ሰይድ ጦልሐ መልስ አልሰጡም። ወዲያውኑ "ለበይከ ያረሱለሏህ" ብለው ፈረሳቸው ላይ ተፈናጠጡና ወደ አባታቸው መንገድ ጀመሩ። ይህን ጊዜ ሰይዳችን ወዲያውኑ ጠርተው አስቆሟቸው። በቃ እነሱ ሲያፈቅሩ እንዲህ ነው። የወደዱት ሰው ጥያቄ ትዕዛዝ ነው። የሚሰስቱት አንድም ነገር የለም ገላ ቢሆን ነፍስ። ከጥቂት ቀናት በኋላ ሰይድ ጦልሐ ታመው ተኙ። የኔ ነብይ መታመማቸውን እንደሰሙ ጣደፍ ጣደፍ እያሉ ወደ ወዳጃቸው አቀኑና ጥቂት አጫውተዋቸው ተመለሱ። ይህን ጊዜ ሰይድ ጦልሐ ለእናታቸው "እናቴ እኔ ዛሬ ወደ ጌታዬ ተጓዥ ነኝ። ሞቴ በሌሊት የሆነ እንደሆነ ለነብዬ አትንገሯቸው፣ እኔን ለመቅበር ጎህ ሳይቀድ ሲመጡ አይሁዶች እንዳይጎዷቸው" አሉ። እርሳቸው መጥተው ቢሰግዱባቸው የሚያገኙትን ደረጃ እያወቁት ግና ፍቅር ረታቸው፤ የነቢ ደህንነት ይበልጥ አሳሰባቸው። ወደ ረፋድ አካባቢ አረፉ። ከተቀበሩ በኋላ ሰይዳችን ለለቅሶ የሰይድ ጦልሐ እናት ዘንድ ሄደው ዱዓ አደረጉ። "ጌታዬ ሆይ በጦልሐ ደስተኛ ሆነህ ተቀበለው፣ እርሱም በአንተ ደስተኛ ሆኖ አግኘው" አሉ። እንደ ሚስክ ያለ ኺታም!

#ሶሉ_ዓለል_ሐቢብ!
አሏሁመ ሶሊ ወሰሊም ወባሪክ ዓላ ሰይዲና ወመውላና ሙሐመድ ወዓላ አሊሂ ወሶህቢሂ ወሰለም???

© Atiqa Ahmed Ali?

| ምነው እኔን ለኔ ተውከኝ?. . |

@ktebiban_meder

ሒካያ~27

< ከዘመናት በፊት አንድ ባለ ሀብት ነበር። ይህ ባለ ፀጋ ድንገት በአንዱ እለት ፡ አንዲትን ውብ ባሪያ ይመለከታል። ባለ ፀጋው በውበቷ ስር ወደቀ። በነጋ በጠባ ቁጥር ምስሏ በምናቡ ይመላለሳል። ትውስታዋ ከልቦናው ሊፋቅ ተሳነው። የፍቅሯ ታሳሪ ሆነ። በፍቅርና በናፍቆት መሀል የምትናወጥ ልቡን ይዞ ወደ አሳዳሪዋ አመራ። ባሪያይቱን ከፍ ባለ ገንዘብ ሊገዛት ጠየቀው። የባሪያዋ አሳዳሪም ፡ ባለ ፀጋው ከባሪያዋ ጋር በፍቅር መውደቁን ከአይኖቹ ተረዳ። አሰብ አደረገና። " አይ በዚህ ዋጋ አትሸጥም! " በማለት ያለውን ሁሉ አስረክቦ ባሪያይቱን እንዲገዛው አደረገ። ባለሀብቱ የለበሰውንም ባርኔጣና ኩታብ ሳይቀር አስረክቦ ተፋቃሪውን ይዞ ተጓዘ። >
   አየህ አይደል የኔ ልጅ! አፍቃሪ ላፈቀረው ነገር ያለውን ሁሉ ይሰዋል። ሚሰዋው ቢጠፋ የቀረችው አንዲትን ነፍስ እንኳን ብትሆን እርሷንም አይሰስትም። የርሱ መሻት የተፈቃሪው ደስታና ውዴታን መጎናፀፍ ነው። ታድያ በፍጡራን መካከል ላለ አላቂ ፍቅር ይህን ያል ቤዛ የሚደረግለት ከሆነና ሀብትና ንብረትን እስከማጣት ካስደረሰ ፡ ስለምን የጌታህን ፍቅር ያለ ምንም ክፍያ ትሻለህ? ክልከላውን ስትዳፈር ፡ ልብህ ላይ ያለው የማፍቀር ሂማ እየሞት እንደሚጠፋ ተሰወረህ? የትዕዛዙን በትር ስትይዝ ፡ የኩራትን ኩታን ከደረብክም በራስህ ላይ የፅልመት ካባን ነው የደረብከው። እኔነትህን ጥለህ ቅረበው። መሻትህን ግደለው። ምንምነትህን ገልጠህ ፡ ከዱንያ ፍቅር ተራቁተህ ቅረበው። ጣላት ይህችን ነፍስ! ተዋድቀህ የእውነት ፡ ሚስኪንና አሳዛኝ ባሪያ ሁንለት። እንዲያ ነው ፍ ቅ ሩ ን የምታገኝ!

@ktebiban_meder

| ይሁንታህ ይሁን . . .
ይህ ሙቱ ልቤን ፡ በ'ኩን'ህ አንሳው ፣
ሚስኪን ባሪያህን ፡
ወዳንተ አቅርበህ ነፍሱን አድረሳው ፤ |

@ktebiban_meder

የከውኑ ንጉስ፣ ጀማሉል‐ዓለም፣ የአላህ ወዳጅ፣ የነቢያት አውራ፣ የአደም ልጆች ዘውድ…
ለቤተሰባቸው ቀለብ ለተበደሩት ብድር ጥሮራቸውን ማስያዣ አድርገው አርፈዋል። ያስያዙት ለአይሁድ አበዳሪያቸው ነው። ህይወታቸውን የሚሰዉላቸው ኃብታም ባልደረቦች ቢኖሩም ለዳዕዋቸው ደመወዝ እንዳይመስል ወይም የግል ጉዳያቸውን በተከታዮቻቸው ጫንቃ ላይ ላለመጣል ከአይሁድ ተበደሩ።
የሚገርመው ገብስ ገዝተውኮ ነው!…
ስንዴማ ውድ ነው። ድኾቹ ሙስሊሞች ሳይበሉት እርሳቸው ቤት እንዲገባ አይፈቅዱም። ከህዝባቸው ቀድመው ለመራብ ከህዝቦቻቸው መጨረሻ ለመጥገብ ወስነው ኖረዋል።
:
ዐይናቸው ቁጥብ ነው፤ አይቅለበለብም። ከሰማይ ይልቅ ወደ መሬት ማየት ያዘወትራሉ። ልባቸው በሐያእ ስለተሞላ ወይም ፍካሬያቸውን ለመሰብሰብ ሊሆን ይችላል።… 
በድንገት ያያቸው በግርማቸው ይደነግጣል። በትውውቅ አብሯቸው የኖረ ይወዳቸዋል።
አብሯቸው የተቀመጠ ሁሉ ከርሱ በላይ የሚወዱትና የሚያከብሩት ሰው እንደሌለ ያምናል። ፈገግታቸውን ከማንም አይደብቁም። ሰዎች በገራገርነታቸው እና በስነምግባራቸው ስፋትና ምጥቀት ተደስተው አፍቅረዋቸው ኖረዋል። ልስላሴያቸው ለሁሉም ይተርፋል። የሁሉም አባት ነበሩ። በሐቅ ጉዳይ ላይ ግን ለርሳቸው ሁሉም ሰው እኩል ነው!
:
ለዚህ ማረፊያቸው፣ ለክቡሩ ዛታቸው…
ነፍሴ ፊዳ ትሁን! እናት፣ አባቴ እና ልጆቼ ቤዛ ይሁኑ!

#ሰሉ_ዐለይሂ_ወሰሊሙ!!?
አላሁመ ሰሊ አላ ሰይዲና ሙሀመዲን አብዲከ ወ ረሱሊከ አ'ነብይል ኡምሚይ ወአላ አሊሂ ወሳህቢሂ ወሰሊም

| ሒካያ~24 |

መለኩል መውት ወደ ነብዩላህ ሳሊህ(ዐሰ) ዘንድ መጣ። ነብዩላህ ሳሊህም " አንተ መለከል መውት ሆይ ፡ ገና መቶ ሀያ አመት መኖሬ ነው! " ሲሉ የእሜያቸውን ማነስ አይተው ፡ በግርምት ጠየቁት።
መለኩል መውትም መለሰላቸው። " አንተ ሳሊህ ሆይ! ያንተ መቶ ሀያ አመት ብቻ መኖርህ አይግረምህ። እድሜያቸው በስልሳዎቹ ውስጥ የሚሆኑ ህዝቦች ይመጣሉ። "
ነብዩላሂ ሳሊህም እጅግ ተደንቀው " የማን ህዝቦች ናቸው እነዚህ? " በማለት ጠየቁት።
" የመጨራሻዋ ኡመት ፡ የሙሀመድ ሰለላሁ አለይሂ ወሰለም ህዝቦች ናቸው። " ሲል መለኩል መውቱ መለሰላቸው።

ነብዩላሂ ሳሊህም " በአላህ ይሁንብኝ እኔ የዚያ ዘመን ሰው ብሆን ኖሮ ከቀብሬ አጠገብ ድንኳኔን ጥዬ ነበር የምኖረው። " በማለት ተናገሩ።

@ktebiban_meder