https://www.facebook.com/share/v/1AsNfqviAk/

د اور لمبو باندې سېزلي ښه یو
د تن په وینو لمبېدلي ښه یو

موږ د حسان بن ثابت لاروي
لکه منصور په دار ختلي ښه یو

توبه غلامې زندګۍ نه توبه
د ازادۍ غشو خوړلي ښه یو

که حقیقت اورې موږ وغږوه
کنه خاموشه ښه یو غلي ښه یو

تراب وا ته دې یې ژوندی زړګیه
موږ په تا مړه ښه یو وژلي ښه يو
1403/8/19
https://t.me/shiraz_turab_tagabi

درب تقدير دی پکې پړڅوک دی اومړ څوک دی
داجرم چاکړی, وېښتو پورې ککړ څوک دی

ته په دې نه پوهېږې تاته دا معلومه نده
کارونه څوک کوي ولس مخې ته خړڅوک دی
شېراز ترابي

عزت غواړي, همت غواړي, تقوا غواړي پټکی
غيرت غواړي, سنت غواړي, حيا غواړي پټکی

تړل يې د دولت او تر بنت خبره نده
در دونو د امت باندې ژړا غواړي پټکی

په هر لادين انسان او هر ټټو باندې شرمېږي
حافظ غواړي عالم غواړي ملا غواړي پټکی

بې ننګه بې ضميره بې احساسه دې ترې تېر شي
دا ننګ غواړي, غورځنګ غواړي غزا غواړي پټکی

ساتل غواړي پالل غواړي بيلل غواړي د سر
عمر غواړي, منصور غواړي وفا غواړي پټکی

رهبر غواړي, سرور غواړي, سردار ته په سر کېږي
محمود غواړي خوشحال او احمدشاه غواړي پټکی

که تاهم د غني او شاشجاع معامله وکړه
ترابه!! بيا له تاڅخه پناه غواړي پټکی
1445/10/2
1403/1/23

راشه راشه ما سينه تړلې نه ده.
لا مې مينه په کينه تړلې نه ده.

د امت په مظلومانو به بهېږي
ما داو ښکو سرچينه تړلې نه ده.

ما د غرب په لېبرالي ځنځيرو باندې
مجاهده عقيده تړلې نه ده.

پرون بياپه دوکانونو ګر ځېدله
تا تر اوسه لا هغه تړلې نه ده.

مدرسه حاکمه شوې ده هېواد کې
خو ساقي لا ميکده تړلې نه ده.

هر سړی مې په شعرو باندې کوی شي
ما د نقد دروازه تړلې نه ده.

ته عسکر د استشهاد نه يې ترابه!!
په تندي دې کلمه تړلې نه ده.
1445/10/2
1403/1/23
https://t.me/shiraz_turab_tagabi

تاپه خپلو سترګو د تعصب پټۍ تړلې ده
ته د امارت سمه رښتينې څېره نه وينې

ته که د حسد او د کينې عينکې لرې کړې
ته به د نظام د پر مختګ لمنه وه وينې

ته خپله د بل بادار په غېږه کې ويده پروت يې
ځکه دا هېواد او هم وګړي يې ويده وينې

ته د اسلامي نظام د ديد لينزونه نه لرې
ته به دا شرعي انقلابي نظام په څه وينې

تاته رب له پلاره حيواني شعور در کړی دی
ته تنها اخور وينې کبل وينې واښه وينې

رب دې په زړه سترګو او غوږو مهر وهلی دی
بې له وحدانيته او حقيقته نور هرڅه وينې

زه تراب دې ډېرښه عقيدې باندې پوهېږمه
ته اوس هم خوبونو کې د تېر جمهوريت خره وينې
1445/10/2
1403/1/23

چې په اختر کې دې بسته خلاسه شي
لکه په جنګ کې دې چانټه خلاسه شي

عجيبه خوند کوي چې کورته راشې
په يو ارنډ دې دروازه خلاسه شي

چې مونږ ترې ښار کې ګر ځېدلی نه شو
تانه دې همدغه ارتينه خلاسه شي

دا خوندوره خندا لږه کوه
زه پرې وېرېږم هسېنه خلاسه شي

شوخ غزلونه درته ليکم ياره
ته صبر وکه چې روژه خلاسه شي

بيا تر کوژدې پورې يې نه ټولوي
د مجرد چې بستره خلاسه شي

تراب به هم داسې شوخ پاتې نه وي
که ستا د حسن سلسله خلاسه شي
1445/10/2
1403/1/23