الخوف من النصح شيء شائع عند الأغلبية بسبب ردة فعل الناس وكلامهم الجارح.. ! بس في ناس تتغلب على الخوف هذا لما يفكروا في الأجر، وفي ناس الخوف يغلبهم.. ! لكن يا رِفاق، الأمر بالمعروف والنهي عن المنكر مش شيء زايد ولا تكرماً منّا، هذا أمر ! عندي سؤال ونبيك…

الخوف من النصح شيء شائع عند الأغلبية بسبب ردة فعل الناس وكلامهم الجارح.. !

بس في ناس تتغلب على الخوف هذا لما يفكروا في الأجر، وفي ناس الخوف يغلبهم.. !

لكن يا رِفاق، الأمر بالمعروف والنهي عن المنكر مش شيء زايد ولا تكرماً منّا، هذا أمر !

عندي سؤال ونبيك تفكروا فيه، لو المسلمين في الأجيال السابقة خافوا زي ما احني خائفين، هل كان الإسلام حيوصل لينّا ؟ هل أنا وأنت حنكونوا مسلمين ؟

نحن مسلمين بفضل الله أولاً، ثم بفضل تضحيات المسلمين اللي قبلنا بالوقت والمال والجهد والنفس !
ونحن خائفين حتى نقولوا على الصح صح، والغلط غلط !

نسأل الله العافية والسلامة..

المـاء المـرقِي ..

كُلنا نشربـوا فـِي المية وفِـي إلي بكميات كبيرة اللهُّم بارك، وهذه حاجة كويسة للجسم والبشرة.

بس بنحكي على نقطة مهمة، ليش قبل ماتشربوا المية ماترقوا عليها؟

ابن القيم رحمه الله كان شرب الماء المرقي بسورة الفاتحة ملازمه طول حياته.

والتدواي والعلاج بالماء المرقي وسورة الفاتحة من أهم طرق العلاج.

لما تنوض الصبح ولما بترقـد وقبل ماتشرب اقرأ على الطاسة "سورة الفاتحة 7مرات، وآية الكرسي، المعوذات3مرات، آواخر البقرة" انتهت.

حتى لو بتقرأ الفاتحة بروحها مافيش مشكلة والزيادة أحسن.

تعرفوا إن شرب الماء المرقي فيه شفاء كبير جدًا من كُل الأمراض وأولهم السحر والحسد والعين.

الموضوع بسيط جدًا ومايـاخذ وقت أبدًا، كُل ما تبي تشرب مية ارقي عليها واشرب، حتى لو ماكان فيك شيء أشربها لتنقية الجسم و للتحصين ومافيش حد مايبيش التحصين أكيد.

ـ خلوها عادة يومية واحتسبو بيها الاجر?.

ـ نشر القنوات المشبوهة والمُلحدين والحاجات هذي بحجّة البلاغ عليها زيادة شر والله أعلم، لأن الإنسان بطبعه فضولي، وح يتابعوها بش يشوفوا المناشير والأفكار وكذا الموضوع مليشي حد حتى لو قلت ديروا بلاغ بدون ماتنضموا صعب، بدليل الزيادة الهائلة اللي قاعدة تصير ف قنواتهم.

نسأل الله أن يجعل كيدهم في نحرِهم، يكفي أنه جل في عُلاه مُطّلع عليهم.

" ‏رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النّار "

صلاة الفجر وركعتي الفجر رعاكـمُ الله!

لكل حد خاطره يلتزم ومش عارف كيف يبدا مع الله ﷻ .. ركز معاي في البوست الجميل هذا ومجرد م تقراه خود القرار فوراً وابدأ نفذ الخطوات ..