Спадарства, хуткая нататка! Відэа агляд радавой кнігі зьняла, мантую і выкладаю ў інтэрнэты! Плян: апублікаваць на гэтым тыдні ??

Чакаеце? ??

1. Кніга нумар два пабачыла сьвет!

Спадарства, другая радавая кніга гатовая і надрукаваная! Рэдактаркі гэтым разам у мяне не было, то гэта варыянт з памылачкамі, якія будуць вычытваць сваячкі і сваякі. Па гэтай прычыне друкавала не “сапраўдную” кнігу, а такі эканом варыянт.

Нагадаю, што яна мае ў сабе трошкі генэалягічнай інфармацыі і з большага складаецца з лістоў бабулі і дзеда майго мужа. Сапраўдны скарб, які паведамляе ня толькі падрабязнасьці асабістых стасункаў, але і гісторычнага перыяду.

Ці хочаце паглядзець падрабязны агляд у відэа фармаце?

1. Вяртаюся пасьля доўгай паўзы

На пачатку хочацца з вамі павітацца, то ж — прывіт! У красавіку я нарадзіла малюка і мне быў патрэбен час, каб з новым чалавекам пазнаёміцца ды разабрацца, як цяпер выглядае жыцьцё. Пазнаёмілася і разабралася, то ж злавіла жаданьне вяртацца да генэалёгіі і канала!

Як вы маецеся? Што новага ў пошуках і жыцьці?

1. Новая вокладка для кнігі

Асноўная частка працы з другой радавой кнігай (тая, што пра лісты) даўно скончаная, але над вокладкай я яшчэ працую. Неяк дужа проста яна выглядала, хочацца дадаць прывабнасьці.

Пярэдняя вокладка пакуль засталася такой, якой была ў першы дзень (таксама хачу памяняць), а вось задняя некаторы час была ў перапрацоўцы. Нарэсьце я яе дарабіла, то запрашаю ў каментары да гэтага допіса, каб паглядзець. Пакуль што вельмі падабаецца, спадзяюся, што больш дапрацовак там ня будзе ?

1. Гатовая табліца спавядальнага роспісу Халхельскай царквы (Маладэчанскі раён) за 1849 год

Спадарства, вось спасылачка, дзе можна пагладзець сьпіс прыхаджан праваслаўнай царквы сяла Хоўхлава.

Калі гэта не ваш рэгіён пошукаў, то заходзьце паглядзець, як можна сістэматызаваць інфармацыю падчас сваіх пошукаў. Вельмі зручна так запісваць хаця б тыя прозьвішчы, што шукаеце, але, вядома, з часам будзе прасьцей мець у тэкставым варыянце адразу ўсіх. Такія табліцы ўжо не адзін раз дапамаглі мне за некалькі хвілін запісаць новую галіну, то паверце, што плён будзе!

Дадам, што
1️⃣ першапачаткова раблю гэта для сябе, то табліца неідэальная і некаторыя нечытабельныя імёны засталіся загадкай
2️⃣ сваякоў пазначаю болдам, патынцыйных пазначаю ў нататках

Дзякую за ўвагу і зычу плёну ў вашых пошуках! ?

Google Docs

Хоўхлава, спавядальны роспіс, 1849, праваслаўная царква

Злева на экране — скан Спавядальнага роспіса Халхельскай царквы (сучасны Маладэчанскі раён) за 1849 год.

Справа на экране — табліца на гугл дыску з поўным сьпісам прыхаджан.

073. Табліца з імёнамі са спавядальнага роспісу

Вітаю, спадарства! Даўно не было апдэйтаў, выпраўляюся ? Ўзяла кароткую паўзу ад справы, пра якую зараз распавяду, каб хуценька расказаць вам чым займаюся і пайду далей працаваць.

Мо, хто з вас памятае, што я сістэматызую дадзеныя з пошукаў у табліцы: шукаю патрэбныя прозьвішча ў метрыках, вобшуках ды спавядальных роспісах і запісваю іх, каб пасьля мець магчымасьць хутка знайсьці новых сваякоў. Некалькі дзён таму я вырашыла пайсьці яшчэ глыбей і першы раз узялася за поўны сьпіс прыхаджан.

Так, цяпер у мяне ёсьць амаль поўны (засталося некалькі старонак) сьпіс наведавальнікаў Халхельскай царквы. Дакумэнт гэты - спавядальныя роспісы за 1849 год. На дадзены момант у табліцы 770 чалавек.

Навошта? Так я змагу хутчэй знайсьці імёны новых людзей, калі праз шлюбы атрымаю новыя прозьвішчы, якія дагэтуль не запісвала ва ўжо існуючыя табліцы. Плюс хочацца "аддаваць" назад у супольнасьць, то хачу падзяліцца табліцай у вольным доступе, каб астатнія мелі магчымасьць хутчэй адшукаць продкаў.

У плянах стварыць такія табліцы на кожныя +- 50 год, а з часам павялічыць частату да +- 25 год. Гэта дакладна праэкт на год, а, мо, і на два, бо запісваць імёны ў табліцу не самая вясёлая справа і трэба рабіць перапынкі. Вось такія навіны!

Як вы сістэматызуеце пошукі? Карыстаецеся табліцамі ці знайшлі іншы зручны варыянт?