? ديما في الصيدلية نسمي فبها صيدلية "الكسرة"..
تحسها مميزة في مكانعا وزباينها ومرتبها..
يعني مكانها ديما بعيد ع المدينه او مرات ف الضواحي المهم مكان ما يخطرش ع بال حد يدير فيه صيدلية..
والزباين معروفين ما يجيك حد جديد ولو جاك جديد من برا المنطقة احتمال يطلع ولد عمهم جاي يزور فيهم او ولد خالتهم جاي بايت عندهم..
والادوية فيها ع القد لا فيها كوزمتك ولا ادوية غالية هو راس otc وكم حاجة خفيفة..
التوكه فيها هادية بكل يعني مرات يمر يوم كامل تبيع ب 10 جنيه عادي بكل..
والتوكه تتميز انك تقدر ادير فيها تمارين وتقرا و اطور من روحك في كل المجالات الا الصيدلية..
واللي يمسكو فيها عادة تلقاهم وحدين كاوالو يقرو ي بشري ي اسنان ي صيدله بس صيدلية قريله ومرتب يجيب بيه الشيتات ومرات ما يجيبهنش عادي..
واخر شي اسعارها دبل اللي برا ب5 عندهم ب10.. ما قتلك كسره..
الميزه الوحيده اللي فيها لو انت من يكان المنطقة مش ح تطلع برا وتتعب بسيارتك لو كان الوقت متاخر او ما عندكش نية تطلع او تنبال..
واهم حاجه فيها علاقتك ب جماعة المنطقة يعني احتمال كل يوم الغدا ع واحد من جيرانك و هدرزه اين يمل خاطرك..
تحسها سمحه ونزيكه وكلوطه وسامطه في نفس الوقت..

#خت_فت
اكثر فيروسات الكبد عند الحوامل فيروسB
واكثر خطرا ع الحوامل E عشان ممكن ان يسبب فشل الكبد للحامل

قالك في البحرين يسمو في الاسعاف "عمبلوص"
يعني تخايل واحد يطيح قدامي ف الصيدلية و انقول فيسع كلمو العمبلوص.. احتمال يموت من الضحك..

صباح الخير..
العصيدة ف صباح يوم زي هذا علاج للبرد والزكمه و دفا للعظام..

مساء الخير..
كل ما نخش صيدلية الدكتور يطلع من تحت الكاصة.. شن في؟

الحكمة الصيدلانية تقول..
اللي يخدم في حاجته بالدوبامين مستحيل يكون زي اللي يخدم فيها بالادرينالين..

بالنسبة ليا لا هذا ولا هذا
نخدم في حاجتي بالفولتارين

مش نكته ي جماعة..
توا خشيت الصيدلية لقيته عارض سيروم فيتامين سي للوجه ب 10 جنيه وكاتب فعال و شركة ممتازة..

يا جماعة نبي نفاجئكم..
انا بديت نعطي في وصفات اعشاب.. الباين كبرت ومعش ننفع لصيدلة ?