Үүтээммэр сылдьыбатаҕым почти 3 ый буола сыста? Хата бэҕэһээ кыргыттары кытта баран дуоһуйа сынньанан кэллибит? Биир да үөн-көйүүр суоҕа наһаа үчүгэй этэ??

Хайа, үөрэх бүтэн өрө тыынныгыт дуу? Бүгүн үгүс оскуолаларга бүтэһик чуораан тыаһаата быһылаах?

Мичилийэр Мичилим Республиканскай лицей 10 кылааһын туйгуннук түмүктээтэ?? Оҕобун сөҕөбүн, наадалаах кэмҥэ куруук хомулларын? Начальнайы бүтэрэригэр отличниктаабыта соһуччу, онтон тохсуһу эмиэ кыһыл аттестатынан түмүктээбитэ? Лицейга киирэн баран бастакы полугодиеҕа 6, иккис полугодиеҕа 3 түөртээх, оттон годовойугар барыта биэс???

Лицейы уонна гимназияны тэҥнээн көрдөххө туох уратылаахтарый? Бастатан туран, төрөппүттэри олох кыттыһыннарбаттар. Оҕолор туох баар тэрээһини барытын бэйэлэрэ дьаһайаллар. Биһиги харчы эрэ биэрэбит?

Харчы хомуйааһынын санаатахха син тэҥ соҕус буолара дуу? Гимназия киэнэ арыый элбэҕэ дуу? Ыйга лицейга 700 солк Благотворительнай фондаҕа биэрэбит. Онтон төһөтө эрэ кылаас фондатыгар киирэр. Уонна ол-бу чаепитиеларга чэ кыралаан көрдөөччүлэр. Арба сыл саҥатыгар ремоҥҥа биэрбиппит. Гимназияҕа элбэх харчы тэрээһиннэргэ көрдөөччүлэр. Ремоҥҥа эмиэ.

Лицейга эбиэттииригэр ыйга ортотунан 4000-4500 солк төлүүбүн. Мииннээх, торуойдаах аһылык. Гимназияҕа атыылаһан аһыыллар этэ. Күҥҥэ 100-150 солк биэрэрим.

Лицейга быдан сахалыы диир Мичил. Элбэх оҕо улуустартан кэлэн үөрэнэр буолан сахалыы эйгэни туталлар. Гимназияҕа куорат оҕолоро буо. Сахалыы эйгэ баарын иһин оҕолор бэйэ-бэйэлэрин кытта нууччалыы кэпсэтэллэр.

Уонна оттон биллэр турар, лицейга барыта талыллыбыт оҕолор, бииртэн биир үчүгэй буолан, конкуренция үрдүк. Мичил гимназияҕа үөрэммит билиитин лицейга кэлэн бигэргэттэ дии саныыбын. Гимназияҕа үчүгэй учууталларга үөрэммитэ көстөр?

Лицейга биир сөбүлээбэтэҕим биир тэҥ форма ирдээбэттэр. Саатар деловой стиль диэни. Көҥүл сылдьаллар, көҥүл таҥналлар. Оттон биир өттүнэн үчүгэй буолуо арааһа. Гимназияҕа мин оҕом куруук кырыылаах бүрүүкэ, рубашка, хаалтыс астына-астына кэтэн барар этэ. Быйыл чэ хайдах эрэ таҥна сырытта? Эмиэ да кырыылаах бүрүүкэ, эмиэ да тостовка диэбит курдук. Рубашка, хаалтыс ким да кэппэт диирэ. Дьиҥэр спортивнай стили олох сөбүлээбэт ээ. Онон тугу таҥныан билбэт курдук...

Чэ ити курдук түмүктээтибит. Мичил быйыл биллэ нагрузкаланна. Уруок диэни аахпат оҕо син ааҕара көстөр биирдэ эмит? Ордук информатиканы, программированиены сөбүлээн дьарыктанар буолла? Оҕобун туйгун үөрэнээччи буолбутунан өссө төгүл эҕэрдэлиибин, киэн туттабын????

Эһиил эппиэтинэстээх сыл. Онон сайын сынньаныы, күүс мунньунуу?

Бары оҕолоох төрөппүттэри, учууталлары Үөрэх сыла түмүктэммитинэн эҕэрдэ??? Оттон экзаменнаах оҕолорго, учууталларга ситиһиини???

Ааспыкка арай похуокка биир түгэни кэпсэттибит. Хаһан эрэ Магадаҥҥа Джек Лондон Күөлүгэр сылдьан икки туристка чүөчэлэри кытта билсибиппит. Саастаах соҕустар. Саха сиригэр эмиэ сылдьыбыттар этэ. Дьиибэргээбиппит диэн иккиэн тус-туспа палаткалаахтар, биирдии миэстэлээх. Биһиги "аата биир палаткаҕа сытыахтарын, таһаҕас оҥостон" дии санаабыппыт. Онтубут дьоммут бу санаатахха "личное пространство" диэни тутуһаллар эбит. Билигин эмиэ муодунай дии итинник. Оҕо кыра эрдэҕиттэн тус эйгэлээх буолуохтаах игин диэн.

Онтон бэйэбитин санаан дэлби күллүбүт? Биир бэйэм кыра эрдэхпиттэн туспа хоһум суох. Куруук эдьиийбин, балтыларбын кытта биир хоско сытарбыт. Туспа оронноохпутугар баһыыба? Ону да 10 сааспар кыра балтым төрүөҕүттэн наар кинини кытта хоонньоһор этим.

Онтон устудьуоннуу баран баран эмиэ уопсайга 3-4 буолан биир кып-кыра хоско олоруу? Үөрэхпин бүтэрэн учууталлыы тиийэн эмиэ уопсайга 2-3 кыыс бииргэ олорорбут. Арбаа! Биир сыл арба соҕотох олорбутум дии. Хата чуҥкуйан өлө сыспытым? Мин "дьолбор" 4 квартиралаах уопсайбыт барыта курдат иһиллэ турара?

Онтон уже оҕолонон игин, аны оҕобун кытта хоонньоһуу. Онон баччааҥҥа дылы туспа хоһо суохпун? Саамай дьиктитэ диэн, бу өйдөөбүтүм, онно олох да наадыйбат да эбиппин? Үөрэнэн хаалбыппын дуу?

Оттон оҕобор алтыс кылааһы бүтэрэригэр биир хостоох квартирабын, кыра да буоллар, аҥаардаан туспа уйа оҥорон биэрбитим? Баҕар уол буолан оннук араарбытым буолуо?

Онон хаһан эмит бэйэм хостонорум дуу, суоҕа дуу???

Кэҥкэмэнэн лайт-сплав оҥорбуппутун Ланка видеотугар көрүҥ??‍♀️?

Дьэ бачыыҥкам саҥатыгар түстэ?? Махтал Машабар???? Маннык бэйэҕит алдьаммыт бачыыҥкаҕытын Маша мастер-клаһыгар сылдьан абырахтыаххытын, өрөмүөннүөххүтүн сөп??✅