#ҲАҚИҚАТ

• Ўлганимизда пулларимиз қолиб кетади, аммо тириклигимизда сарфлашга пулимиз йўқ!
• Хитойлик бир миллиардер ўлди, банкда 1.9 миллиард доллар пули хотинига қолди.
• Хотин ўлган эрининг ҳайдовчисига турмушга чиқди.
• Ҳайдовчи айтади:
- Мен умр бўйи хўжайинга хизмат қилдим, деб ўйлар эканман, аслида хўжайин умри давомида мен учун хизмат қилган экан!
• Аччиқ ҳақиқат шу!
• Эртага ишлатаман деб олиб қўйган нарсаларимиз бошқаларга қолиб кетиши мумкин!
• Энг сўнги модел телефоннинг етмиш фоиз функциясини ишлатмайсиз!
• Люкс машинангиздаги етмиш фоиз қурилмалари сиз учун кераксиз!
• Яшаш учун қурган ҳашаматли уйингизнинг етмиш фоизидан фойдаланмайсиз!
• Кийим жавонингиздаги кийимларингиздан етмиш фоизи кийилмайди!
• Умрингиз мобайнида топган маблағингизнинг етмиш фоизи бошқаларга насиба бўлади!
• Шундай экан бой бўла олмасангизда бахтли бўлишга урининг!
• Чунки бахт кўп нарсани қўлга киритишда эмас, балки қўлга киритган нарсангиз билан хурсанд бўла олишда!
• Яқинларингизга вақт ажратинг, бўлмаса вақт сизни яқинларингиздан ажратади!

©️ Уильям Голдинг, Инглиз адиби, шоир

Бир тижоратчи шайхга ишлари кўплиги сабабли болалари тарбияси қийин бўлаётганидан шикоят қилди.

🔘 Шайх айтди:

🔸«Болаларинга Қуръонни ўргат. Қуръон уларни тарбия қилади.

🔸Уларга намозни ўргат. Намоз уларни ҳимоя қилади.

🔸Уларни садақага ўргат.
Садақа уларни поклайди.

🔸Улар ҳаққида яхшилар суҳбатини топишни сўраб дуо қил. Чунки суҳбатдош таъсир қилувчидир.

☝️Болаларингиз бўйнингиздаги омонатдир.

☝️ДЎСТЛАРИНГИЗГА ҲАМ ТАРҚАТИНГ!

Аҳли илмлардан алоқани узманг ва улар ҳаққига дуои хайр қилинг.

Эй, биродар!
“Бугунги кун домлаларининг барчаси айнан шундай. Бугунги кун уламоларининг аҳволи шу”, деб ташвиқот қилиш ва уламоларни бадном қилиб, ёмонотлиқ қилиб юриш ҳозирги даврнинг бир модаси бўлиб қолди.
Бу айнан динсиз одамларнинг иш услубидир! Чунки улар токи домла ва уламоларни ёмонотлиқ қилмагунимизча, бу халқни жоҳил ва гумроҳ қила олмаймиз. Қачонки, уламолардан бу халқнинг алоқасини бузиб юборсак, шунда одамлар бизнинг соямизда бўладилар. Қандай хоҳлсак, уларни шундай жоҳил қилиб юраверамиз, деб биладилар.
Менинг падари бузрукворим айтар эдилар. Қачон чўпон подадан алоқани узиб юборса, шунда бўри учун эркинлик пайдо бўлади. У қандай хоҳласа, подани шундай тутиб ейди. Динсиз одамларнинг иши ҳам айнан шундай, аҳли илмларни бадном қилишдир.
Афсуски, айрим туппа-тузук, дин-диёнатли одамларда ҳам бундай нохуш ҳолат пайдо бўлиб боряпти. Улар ҳам ҳар доим: “Эй, жаноб! Уламоларнинг аҳволи шу”, дея уларни ҳақоратлаб ва беобрў қилиб юраверадилар. Уларнинг суҳбатлари бундай гаплар билан тўлиб тошади. Ҳолбуки, бундай гаплардан хеч фойда йўқ. Агар одамларни уламоларга ёмон гумон қиладиган қилиб қўйсангиз, у ҳолда сизга шариат аҳкомларини ким айтиб беради? Энди, айнан шайтон сизга, бу ҳалол, бу ҳаром деб шариат масалаларини айтади. Кейин сиз унинг кетидан юрасиз ва жоҳил бўлиб қоласиз.
Шунинг учун, аҳли илмлар гарчи беамал бўлиб кўринсалар ҳам, уларни асло бундай таҳқирламанг. Балки, уларнинг ҳаққига дуо қилинг. Сиз унинг ҳаққига дуои хайр қилсангиз, унда илм бор, сизнинг дуоингиз баракотидан, иншааллоҳ, бир куни у албатта тўғри йўлга қайтиб олади.

Шайхулислом, муфтий Муҳаммад Тақий Усмоний ҳафизаҳуллоҳ.
“Ижтимоий ҳуқуқлар ва мажбуриятлар” китобидан, 59-бет.
Абдулқайюм Комил таржимаси

ЧЕЛАК БЎЛСА...

Бир куни Хожа Ҳасан Нурий саҳрода кетаётганди. Ҳаво жуда иссиқ эди. Йўлда бир дарахт кўринди. Хожа ўша томонга юрди. Дарахт тагида бир қудуқ бор экан. Қудуқни кўриб севинди ва: «Челак бўлганида сувдан олиб ичардим», деб ўйлади. Шу пайт бир тўда оҳу кўринди. Қудуқ бир зумда сувга лиқ тўлди. Оҳулар сувдан ичиб ортларига қайтишди. Хожа Ҳасан сув ичмоқчи бўлиб қудуққа яқин келса, сув тубига тушиб кетибди. Буни кўриб:
- Илоҳим, оҳуларга сувни қудуқ лабига чиқариб бердинг, Ҳасан сув ичаман деса унинг тубига туширибсан, бунинг ҳикмати нимада? - деди. Шунда нидо келди:
- Эй Ҳасан, сен Бизга эмас, челакка таваккул қилдинг, оҳулар эса фақат Бизга таваккул қилди. Ким Бизга таваккул қилса, дунё ва охиратдаги ҳожатларини бажо этамиз!

«Ривоятлар» китобидан.

Рамазон ҳайитингиз муборак бўлсин!

Расулуллоҳ соллаллоҳу алайҳи васалламнинг саҳобалари агар ҳайит куни учрашиб қолишса, бир-бирларини:
تقبل الله منا ومنكم
"Тақоббалаллоҳу миннаа ва минкум"

"Аллоҳ биз ва сиздан (ибодатларимизни) қабул қилсин", деб табриклашарди.

Аллоҳ таоло ибодатларингизни Ўз даргоҳида ҳусни қабул этсин. Рамазон ҳайитингиз муборак бўлсин!

Кечагина Рамазоннинг биринчи сахарлиги билан табриклаган эдик, буни қарангки, бугун охиргиси билан табриклаб турибсиз.

• Илоҳо, шу давр ичида тутган рўзаларимиз Аллоҳ даргоҳида қабул бўлсин!
• Тутган рўзаларимизнинг ажрини ёзиб, фаришталар адоғига етолмасин!
• Ушбу барокатли ойнинг муқаддас кунларида қилган тоат-ибодатларимиз Қиёмат куни шафотчимиз бўлсин!
• Жаннатнинг Райён дарвозасидан кириш, Пайғамбаримиз Муҳаммад соллаллоҳу алайҳи васалламнинг дийдорларига етиштириш, у зоти шарифнинг табаррук қўлларидан сув ичиш ҳамда Аллоҳнинг жамолини кўриш насиб этсин!

Кейинги йил Рамазонларга етказсин!

АМИН!

Хайр_Рамазон

Бу Рамазон ойининг сўнги куни муборак бўлсин

Минг ойдан афзалроқ Рамазон ойим,
Ризқ ва насибага, иймонга бойим.
Сени соғинаман ўйласам дойим,
Хайр, ойлар султони Моҳи Рамазон!

Аллоҳим тутган рўзамизни қабул эт, рамазонга яна етказ

Шайх Аҳмад Ийсо Маъсаравий айтадилар: "Рамазон жўнаб кетиш учун кунларини йиғиштиришни бошлади. Аллоҳим, бу ойнинг муаттар ҳидидан нафас олдирдинг. Ўзингга беадад ҳамдлар бўлсин! Аллоҳим, бу ойга Ўзинг бизни саломат етказгандинг, энди Ўзинг бу ойда қилган ибодат ва дуоларимизни ҳам қабул айла. Қабулидан маҳрум этма!".

Аллоҳим, берган барча неъматларинг учун Ўзингга ҳамд, шукру саноларимиз бўлсин! Яна узоқ йиллар қалбимиз хотиржам бўлган ҳолда муборак Рамазон ойига, унинг фазилатларига етказ!