«Отандастар қоры» КеАҚ басшысы Түркиялық серіктермен кездесті

Ү.ж. 1 шілдеде «Отандастар Қоры» КеАҚ президенті Данияр Қадыров Анкара қаласында Шетелдегі түріктер және ағайын қауымдастықтар басқарма (YTB) басшысы Абдуллах Еренмен, Түрік ынтымақтастық және үйлестіру агенттігі (TİKA) басшысы Серкан Каялармен, Халықаралық ТҮРКСОЙ ұйымының бас хатшы орынбасары Сайыт Юсуфпен кездесті.

Қазақстан Республикасының Түркия Республикасындағы Төтенше және Өкілетті Елшісі Еркебұлан Сапиевтің қатысуымен өткен кездесулерде тараптар, «Отандастар Қоры» КеАҚ мен халықаралық ұйымдар арасындағы ынтымақтастықты, сондай-ақ екіжақты тәжірибе алмасуға бағытталған стратегиялық серіктестікті одан әрі дамыту мәселелерін талқылады.

Түркиялық әріптес әрі бауырлас ұйым Шетелдегі түріктер және ағайын қауымдастықтар басқармасының (YTB) басшысы Абдуллах Ерен «Отандастар Қоры» КеАҚ президентін жаңа қызметімен құттықтады.

Шетелдегі түріктер және ағайын қауымдастықтар басқармасының (YTB) басшысы Абдуллах Ерен, диаспора бағытындағы байланыстарымыздың болашақта тек қарқынды дамып, екі ұйым үшін де оң нәтиже беретіндігіне сенім білдірді.

«Отандастар Қоры» КеАҚ-ның даму серпінін көріп отырған, Шетелдегі түріктер және ағайын қауымдастықтар басқарма (YTB), Түрік ынтымақтастық және үйлестіру агенттігі (TİKA), Халықаралық ТҮРКСОЙ ұйымдары бірлескен мәдени-гуманитарлық жобалар мен бастамаларды одан әрі дамытуға мүдделі екендіктерін айтты.

@otandastar

Құрметті отандастар! Назарларыңызға маңызды жаңалықтар топтамасын ұсынамыз.

?Данияр Рамазанұлы Қадыров «Отандастар Қоры» КЕАҚ президенті лауазымына тағайындалды
?: https://oq.gov.kz/news/1050

?«Отандастар қоры» мамандары Еуразия ұлттық университетінде білім алып жатқан қандас студенттермен кездесті
?: https://oq.gov.kz/news/1057

?Отандастар қорының ресми Telegram бот-көмекшісінің ашылғанын хабарлаймыз!
?: https://oq.gov.kz/news/1060

?2024 жылдың басынан бері 4,3 мыңнан астам этникалық қазақ қандас мәртебесін алды
?: https://oq.gov.kz/news/1056

?Қазақ қызы Өзбекстан құрамасына тарихи Олимпиада жолдамасын сыйлады
?: https://oq.gov.kz/news/1051

?Алыстағы ағайын көмек қолын созды
?: https://oq.gov.kz/news/1053

?Жетісулық қандастар қор жинап, Құлсарыға 10 киіз үй жіберді
?: https://oq.gov.kz/news/1052

?Қандастарды қуантатын құжат
?: https://oq.gov.kz/news/1036

Осы және басқа да жаңалықтарды https://oq.gov.kz/ cайтынан оқи аласыздар!#Otandastar #Qandastar #Qazaqtar

Бүгін Астана қаласында «Отандастар Қоры» кеңсесінде «Ұлы Дала» сериясымен жарық көрген кітаптардың тұсаукесері өтті?

Жоба Қазақстан Республикасының Сыртқы істер министрлігіне қарасты «Отандастар қоры» КЕАҚ Қазақстан Жазушылар Одағымен @zhazushylar_odagy бірлесе отырып, шетелдегі қазақ қаламгерлерінің үздік шығармаларын, сондай-ақ шетелдегі қазақтар мен ұлттық мұрамыз туралы еңбектерді Атажұрттағы оқырманға таныстыру мақсатында былтыр қолға алынды.

Арнайы байқау жарияланып, құрамында білікті мамандар мен қаламгерлер енген Қазылар алқасы құрылды. Аталған қазылар алқасының іріктеуінен өткен 10 кітап алғашқы лекпен оқырманға жол тартты. Бұлар – Моңғолия, Ресей, Өзбекстан, Қытай елдеріндегі қазақ қаламгерлерінің бұрын елімізде жарық көрмеген еңбектері. Оның ішінде өлеңдер жинағы, көркем проза, тарихи-танымдық зерттеу, естеліктер бар.

«Отандастар Қоры» КЕАҚ Президенті Абзал Сапарбекұлы тұсаукесер ашылуында:
«Қазақ елі тәуелсіздік алғаннан кейін шетелде туып, өзі өскен жерлерде қазақ әдебиеті мен мәдениетін дамытуға үлес қосып жүрген қаламгерлердің шығармашылығына назар аударыла бастады. Бұрын шетте өмір сүрген жекелеген ақын-жазушы, ғалымдардың аты ғана атажұртына белгілі болса, енді олардың жазғандары тарихи Отанында танылуына кең жол ашылды. Дүниежүзі Қазақтары қауымдастығы, Қазақстан Жазушылары одағының қолдауымен олардың кітаптары шығарылып, шығармашылық кештері өткізіліп жатты. Бұл дүниежүзіндегі бар қазақтың рухани бірлікте өмір сүргенінің айғағы еді. Енді бұл үдеріс «Отандастар қорының» «Ұлы Дала» сериясымен жалғасын тауып отыр» - деп жобаның маңызына тоқталды.

Алқалы жиынға Қазақстан Жазушылар одағының Астана қаласындағы филиал басшысы Дәулеткерей Кәпұлы, белгілі түрколог, ғалым Қаржаубай Сартқожаұлы және «Ұлы Дала» сериясымен жарыққа шыққан кітап авторлары қатысты.
Үздік шығармаларды анықтауға арналған байқау биыл да жарияланып, қандастарымыздың жарыққа шығатын кітаптар қатары арта түспек.

#Otandastar #Qandastar #Qazaqtar