У нядзелю а 19 гадзіне ў Карчме 1863 пройдзе лекцыя Аляксея Ластоўскага "Голас Літвы: выдавецкая ініцыятыва Элізы Ажэшкі ў Вільні". А яшчэ... вы даведаецеся якім чынам спадарыня Ажэшка звязана з карчмой!?

А мы нагадаем пра квэст "Жанчыны Вільні", які пройдзе да гэтага і прыадкрыем таямніцу: Эліза Ажэшка будзе адной з гераінь гэтага квэста.

Чакаем вас:
1. на квэсце «Жанчыны Вільні» 14 ліпеня ў 17:00 (месца пачатку арганізатары дашлюць зарэгістраваным удзельнікам),
2. на лекцыі Аляксея Ластоўскага 14 ліпеня ў 19.00 у Карчме

Сябры, запрашаем на квэст «Жанчыны Вільні» 14 ліпеня!

Вас чакаюць гісторыі выбітных літаратарак, мецэнатак, грамадскіх дзяячак, якія пакінулі свой след у гісторыі Вільні. Даследуйце гарадскую спадчыну разам з намі і прыводзьце сяброў!

❗️Удзел у квэсце бясплатны, у камандах ад 1 да 6 чалавек. Усіх удзельнікаў чакае пачастунак ў «Карчме 1863», а пераможцаў – каштоўныя прызы?

?Для праходжаньня квэсту вам спатрэбяцца тэлефон з мабільным інтэрнэтам і на ўсялякі выпадак паўэр-банк для падзарадкі. Гугліць будзе не толькі можна, але патрэбна!

? Вільня, 14 ліпеня ў 17:00?
?Месца старту дашлем 13 ліпеня пасля рэгістрацыі.
✅ Рэгістрацыя па спасылцы.

Чакаем вас! ?

—
Instagram | Tik-Tok | Telegram
? Падтрымаць праект

Хадзем гуляць па Грушаўцы! ?

Пэўна вы бачылі маленькія трохпавярховыя дамы, яблыневыя і вішнёвыя сады раёна ў цэнтры Мінска. Але што мы ведаем пра больш аддаленыя куткі гэтага месца?

Да прыкладу тут месціцца самы нямецкі закутак Мінска і другая Асмалоўка. Да таго ж захаваліся ўзоры эксперыментальнага савецкага горадабудаўніцтва, цагляныя заводы і незвычайныя скульптуры з мазаікай.

Усё гэта пра раён, куды мы адправімся з экскурсіяй ад Менскай ўрбаністычнай платформы, — загадкавую Мухлю. Менавіта тут змяшаліся рэтра-смутак, нямецкая спадчына і ўтульныя скверы.

? Далучайцеся да вандроўкі афлайн, калі вы ў Беларусі, або анлайн з любой кропкі свету.

? Для тэсцераў мабільнай праграмы ULegend: вандроўка дасяжная і там.

—
Instagram | Tik-Tok | Telegram
? Падтрымаць праект

Дарэчы, у гэтым і ёсць галоўная адметнасць Беларускага Кракава! Вандруючы па прыгожым старадаўнім горадзе далёка ад Радзімы, удзельнікі могуць адчуць гонар за сваю гісторыю і продкаў, якія яе стваралі.

Акрамя вандроўкі па горадзе, я сабраў каардынаты магіл беларусаў, якія знайшлі свой супакой на кракаўскіх Ракавіцкіх могілках. Перакананы, што знічкі на іхных магілах шмат кажуць пра нас як пра народ.

Падчас вандровак не абыходзіцца і без нештодзённых выпадкаў. Напярэдадні Вялікадня, ў адзін з пандэмічных гадоў, мы затрымаліся каля музея Чартарыйскіх. Раптам да групы падышоў ксёндз і звярнуўся да нас па-беларуску. Аказалася, што ён пачуў родную мову і вырашыў запрасіць удзельнікаў вандроўкі агледзець падзямеллі касцёла піяраў, які знаходзіцца побач. Вядома ж, такая прыемная неспадзяванка ўзрушыла прысутных і чарговы раз давяла, як важна размаўляць на сваёй мове ?

Я часта задумваюся, наколькі файна было б наведваць розныя месцы на свеце і даведвацца, што яны нейкім чынам звязаныя з Беларуссю. Мець такія веды ў адным месцы ў выглядзе прафесійна зробленых аўдыягідаў гэта ўвогуле мара! Менавіта таму, калі я пачуў пра ULegend, адразу ж захацеў паўдзельнічаць, каб даць магчымасць усім землякам адкрыць для сябе беларускія старонкі ў гісторыі Кракава.

Калі вандруеш маршрутамі Ulegend, разумееш наколькі годная гэтая ініцыятыва. Яна дазваляе не толькі лепш знаёміцца з роднымі мясцінамі, але і захоўваць сувязь з Бацькаўшчынай падчас знаходжання ў замежжы.

? Падпісвайцея на Інстаграм Змітра!
? Далучайцеся да вандровак па Кракаве праз Telegram-bot ULegend

Вітаем, сябры!
Нагадваем, што сёння апошні дзень, каб запісацца на закрыты тэст мабільнай праграмы ULegend. Запісвайцеся самі, скідвайце сябрам. Ніякіх асаблівых уменняў не патрабуецца!

Падрабязнасці ў посце, можна таксама напісаць у дырэкт нашага Інстаграм.

Мінулы пост у гэтым канале мы публікавалі ажно 21 лютага. Вы пэўна падумалі, чым гэты ULegend там займаецца ?
Хочам вам прызнацца... Мы рабілі кантэнт для TikTok ☺️

Там мы ўжо распавялі:
✔️ якая сакавіцкая падзея ўзрушыла беларусаў Вільні 80 гадоў таму;
✔️ чаму Іван Луцкевіч так і не ажаніўся са сваёй нарачонай Юльянай Мэнке.
А яшчэ вы даведаецеся пра сапраўдны любоўны ~~трохкутнік~~ квадрат паміж вядомымі беларускімі дзеячамі.

Карацей, цяпер нас можна не толькі чытаць, але і глядзець ?

Завітайце ў наш TikTok!

З нагоды Дня роднай мовы прапануем пашырыць слоўнікавы запас. Марго падрыхтавала для вас новую цікавінку ?

Прачытаўшы гэты пост, вы больш не будзеце вырашаць пытанні, вырашаць, куды пайсці, вырашаць, чым займацца. Бо ў нашай мове ёсць мноства слоў на ўсе выпадкі жыцця, якімі можна замяніць слова «вырашыць».

Паглядзіце!

? Пытанні беларусы развязваюць.
? А як маюць час паразважаць, то могуць надумаць кудысь схадзіць.
? Могуць намерыцца нарэшце сустрэцца з далёкімі сваякамі.
? Або сабрацца паехаць на Браслаўскія азёры.
? А могуць проста захацець застацца дома.
? Могуць намысліць вывучаць штосьці новае.
? Або доўга вагацца, але такі насмеліцца запісацца да дантыста.

А як няма ніякіх сумневаў і рашэнне цвёрдае і непахіснае, то тут можна і пастанавіць.

А якімі слоўцамі вы карыстаецеся? Распавядайце ў каментарах ?

А вас шчыра запрашаю далучыцца да маіх аўтарскіх вандровак:

?Прагуляйцеся па мінскім «Усходзе-1». Упэўнена, пасля вы паглядзіце на мікрараён зусім іншымі вачыма. І сябрам будзе што паказаць і распавесці. Нават падчас звычайнага шпацыру да крамкі ?

?Наведайце Заслаўе. Няма сумневаў, што адзін з найстаражытнейшых гарадоў нашай Радзімы хавае шмат цікавага.

? Або далучыцеся да ўдзелу ў Віленскім квэсце. Дапамажыце паўстанцам Кастуся Каліноўскага даведацца пра бяспечнае месца збору. Бо злачынцы перахапілі паролі. Лёс барацьбітаў за незалежнасць Беларушчыны ў вашых руках!

Я і праект ULegend зычым добра бавіць час!

Сябры, неўзабаве выйдзе першая ў гэтым годзе вандроўка! Гэтым разам зноў рушым у Кракаў. Раней мы распавядалі пра самы стары мясцовы некропаль — Ракавіцкія могілкі. А цяпер давайце прагуляемся па самім горадзе.

Аўтар вандроўкі Зміцер Рамацоў імкнуўся спалучыць у адным маршруце месцы горада, што звязаныя з беларускай гісторыяй і нашымі выбітнымі суайчыннікамі. Што з гэтага атрымалася, хутка даведаецеся.

Сачыце за навінамі!