Osiyo Taraqqiyot Banki (OTB)

Osiyo Taraqqiyot Banki (OTB) – xalqaro mintaqaviy moliya instituti bo‘lib, 1966-yilda tashkil etilgan. Bankni tuzish haqidagi bitim dastlab 15 ta davlat tomonidan imzolangan va 1966-yil 22-avgustda kuchga kirgan. Hozirda bank tarkibida 68 ta mamlakat mavjud. OTB faqat Birlashgan Millatlar Tashkilotining Osiyo—Tinch okeani iqtisodiy va ijtimoiy komissiyasiga a’zo davlatlarni qabul qiladi.

OTBning asosiy maqsadlari
- Osiyo va Tinch okeani mintaqasidagi rivojlanayotgan davlatlarga iqtisodiy taraqqiyot, tashqi savdo va infratuzilmani rivojlantirishda ko‘maklashish;
- Moliyaviy, texnik va iqtisodiy yordam ko‘rsatish;
- Xususiy sektorni rivojlantirish;
- Mintaqaviy hamkorlikni mustahkamlash;
- Atrof-muhit muhofazasiga ko‘maklashish.

Bank faoliyati
1968–1983 yillarda OTB tomonidan 9,2 milliard AQSH dollari miqdorida odatiy kredit va 4,2 milliard AQSH dollari miqdorida maxsus fond krediti ajratilgan. Hozirda bankning nizom jamg‘armasi 43,6 milliard AQSH dollarini tashkil etadi. Bank qarorlarini qabul qilishda AQSH va Yaponiya alohida ta’sirga ega bo‘lib, ular umumiy ovozlarning 1/3 qismini nazorat qiladi. Ularning har biri nizom jamg‘armasining 15,9% ulushiga ega.

Bank tarkibida ikkita maxsus fond faoliyat yuritadi:
1. Osiyo taraqqiyot fondi – iqtisodiy jihatdan qoloq davlatlarga moliyaviy yordam ko‘rsatish uchun tashkil etilgan.
2. Texnika yordami maxsus fondi – texnik ko‘mak va loyihalarni amalga oshirish uchun mablag‘ ajratadi.

Bankning shtab-kvartirasi Filippinning Manila shahrida joylashgan. Oliy boshqaruv organi – Boshqaruvchilar kengashi bo‘lib, bank prezidenti doim Yaponiya vakili hisoblanadi.

O‘zbekiston va OTB
O‘zbekiston Respublikasi 1995-yilda OTBga a’zo bo‘lgan. Respublikaning bankdagi kvotasi 310,5 million AQSH dollarini tashkil etadi. Bugungi kunda O‘zbekiston va OTB hamkorligida umumiy qiymati 625,5 million AQSH dollariga teng bo‘lgan 13 ta loyiha amalga oshirilmoqda.

O‘zbekiston uchun OTB tomonidan ajratilgan moliyaviy resurslar quyidagi yo‘nalishlarda muhim ahamiyatga ega:
- Ta’lim – zamonaviy infratuzilma va sifatli ta’lim imkoniyatlarini yaratish;
- Sog‘liqni saqlash – tibbiyot xizmatlarini rivojlantirish va modernizatsiya qilish;
- Infratuzilma – yo‘llar, transport va muhandislik-kommunikatsiya tarmoqlarini yaxshilash;
- Ekologiya – atrof-muhitni muhofaza qilish va barqaror rivojlanishga ko‘maklashish.

OTB bilan hamkorlik natijasida O‘zbekiston iqtisodiy rivojlanishni jadallashtirish, ijtimoiy infratuzilmani yaxshilash va xalq farovonligini oshirish yo‘lida muhim qadamlarni qo‘ymoqda.

Telegram | YouTube | Instagram | Facebook | Veb-sayt | Bot

Президент Шавкат Мирзиёев раислигида мева-сабзавот маҳсулотларини етиштириш, қайта ишлаш ва экспорт қилишни кўпайтириш чора-тадбирлари юзасидан видеоселектор йиғилишида белгиланган асосий вазифалар.

Батафсил — юқоридаги #инфографикада.

Facebook|Instagram|X

????? Turkiya davlatida davom etayotgan dilegatsiya a’zolarining tashrifi hamda ikki mamlakat vakillarining sohaga oid uchrashuvlari facebook sahifalarida

? Batafsil