اني لا نظري ولا عملي ولا حول ولا قوة الا بالله😂😂😂

بالنظري زيرو ، بس بالعملي هيرو😎

مين كدا ؟

مجموعة من الأسئلة والمُلخصات الخاصة بمادة المد التكنو لجامعة بغداد وجامعات أخرى✅****

هوِّن على نفسك دائمًا بجملة "قدَّر الله وما شاء فعل"، قُل لنفسك لقد سعيت، ولقد فعلت ما توجب عليك فعله، وما شاء الله أن يكون قد كان، أرضى عن نفسك وأرضها، ولا تنسى أن لنفسك عليك حق، حاول أن تهوّن على نفسك ثقل الأيام، وأرح عقلك وقلبك بالرضا، واعلم أن مهما حدث سيرضيك الله ويجبر خاطرك، وليس بالذي تستحقه بل بالذي يراه مناسبًا لك، وما يريده الله لك دائمًا أفضل وأجمل مما تريده أنت لنفسك، وتذكر هذه الحكمة "لو عُرضَت الأقدَار على الإِنسان لاخْتار القَدر الَّذي اخْتاره اللّه لَه"🤍.

🚀Welcom to Third stage🔥
مواد الكورس الأول، المرحلة الثالثة

#باثو_نظري ، #باثو_عملي
#بايو_نظري ، #بايو_عملي
#تكنو_نظري ، #تكنو_عملي
#عقاقيرii_نظري ، #عقاقيرii_عملي
#لاعضوية_نظري، #لاعضوية_عملي

https://t.me/panadolsz

**أكو فد موضوع أريد أحجي بي، ألا وهو الخلاف أو بين قوسين العركة الي دتصير بالگروبات والقنوات بين طلاب الأهلي والحكومي.. والأغلبية ماخذين نظرة أنو الأهلي متساهلين بالتعامل وينطون سعيات فول ويردولهم بالأمتحانات وماكو غياب والخ.. راح أحجي كلمة الحق بغض النضر عن أنو أني طالب جامعة أهلية أو حكومية،
هواي طلاب طلعوا معدلات عالية وأنظلموا ومادخلوا جامعات حكومية بسبب ظلم المعدلات أخر كم سنة وكلنا ندري شلون أرتفعت بسبب تقليص المواد بالسادس الأعدادي.. لذلك لدرجة أنو الي مطلع معدل 97 طلعله معهد طبي!! وبسبب هالشي الأغلب راحوا جامعات أهلية بسبب ظلم المعدلات وقليل الي راحوا أهلي وهمة معدلاتهم 80 - 90 وحتلو راحوا يعني هواي طلاب فشلوا بالسادس ونجحوا وتفوقوا بالجامعة.. فَ أبد مو مقياس، بعدين أني بنفسي أعرف جامعة أهلية بيها بال50 واحد عاد سنة وأكثر من 100 حملوا!! ويگولون يتساهلون؟! وين التساهل وحتى السعيات تكسير والتعامل صعب.. وترى بنفس الوقت أكو جامعات أهلية وتعاملها صعب كلش وأكو جامعات حكومية وتعاملها سهل كلش.. فَ أبد مو مقياس

نقطة ثانية هسة الجامعات الي بالعراق أغلبها فاشلة إذا مو كلها من الحكومي للأهلي والي يريد يبني شخصية علمية ويعتمد بَس عَ الجامعة فَ هذا أكبر غلطان.. تريد تبني شخصية علمية روح أنتَ طورها، الجامعة معليها أبد!! ياما طلاب عمالقة تخرجوا من جامعات اهلية وبگدهم أغبياء من الحكومي!!
ففكرة أنو اني أدرس بجامعة حكومي يعني أني ذكي والي يدرس بجامعة أهلية يعني غبي هذا أكبر تناقض وميگوله بس الي عنده حقد بداخله لا أكثر ولا أقل، وشكرًا*♥*

**أريد أحجي بموضوع مُهم، تقريبًا كل الطلاب تعاني منه، وهو "التطور الدراسي"، شلون أكدر أطور نفسي ذهنيًا وعلميًا بالدراسة بحيث كل ما أصعد لمرحلة أطور عقليتي وياها حتى أكدر افهم المواد الجديدة عليه وما أعاني بيها ؟ تمام، أكو بعض النقاط راح أذكرها وهي حتسهلك هالشي:

أولًا: تقوي لُغتك الأنكليزية الي حترتبط مباشرة بالمواد الطبية، وهنا جاي احجي عن المصطلحات الطبية terminology.

ثانيًا: دمار الطالب هو "المُحاضرات المترجمة الجاهزة"، أكثر شي يدمرك ويحد من قدراتك ويخليك بنفس المستوى لحد ماتتخرج هو المحاضرات المترجمة، ناهيك عن الترجمة الحرفية للكلمات والإعتماد على حفظ المادة باللغة العربية، تريد تتطور؟ تريد تحس نفسك جاي تتعلم؟ تريد تحس أنت سنة عن سنة تتعمق؟ أترك اي شي مترجم واعتمد على نفسك ولُغتك، زين يجي واحد يسألني أكو كلمة ما أعرف معناها شلون راح أفهم!!، طبيعي هذا الشي، هالكلمة أكتبها كتابة بترجمة كوكل وحيطلعلك معناها، زين تريد شي أضبط ؟
الكلمة الي ماتعرفها سوي سيرج عنها بكوكل، هنا ما راح تحصل مو بس المعنى الحرفي للكلمة لا، راح تحصل شرح توضيحي شنو يقصد بيها وتوضيح كامل عنها، بعدين خلي نكون واقعيين، ماتحس أنو عيب عليك معتمد على المَلازم المُترجمة؟ شنو فرقك عن أي شخص؟ لو شخص إختصاصه يختلف وأنطي ملزمة مترجمة كاملة بالعربي راح تطلع أنت ويا نفس النتيجة لعد ليش أنت تخصصك طبي!!.

ثالثًا : لا تدرخ، تدرخ لا، المواد الي جاي تاخذها كلها مبنية على أسس علمية لازم تفهمها ما تدرخها إذا درختها يعني كأنما انت ما درستها لان راح تنساها بمجرد ما تخلص الأمتحان وراح يمر الوقت ويجي شخص يسألك عن هاي المادة ومراح تعرف، حيكلك مو اخذتوها بالمرحلة الفلانية؟ عود تكله نسيت؟🙃، انت حاول قدر الامكان تفهم الموضوع لا تفكر شلون أخلص المُحاضرة، فكر شلون أفهمها، دائمًا أسأل نفسك هالسؤالين قبل لا تبلش بالمحاضرة، عن شنو دتحجي المحاضرة ؟، بشنو راح استفاد من أخلصها ؟.

رابعًا: لخص المُحاضرات ورا ما تدرس، هالشي كلش ضروري حتى تترتب المعلومات بعقلك،
سوي مُلخصات على أي شكل يعجبك بالي ترتاحله وخلي بيها الاشياء المُهمة والأساسية،
وكلش عادي لو صار الملخص 4 ورقات أو 5 ورقات، المُلخص فكرته مو تختصر الموضوع،
المُلخص يرتب المعلومات ببالك من تلخص المحاضرة أنت راح تضبطها لأن كتبتها ولخصتها.

خامسًا: المُخططات التشعبية، هذا الشي يخليك تفهم اصعب موضوع موجود، زين شلون وليش ؟!، علمياً.. العقل يتعرف على المعلومة بشكل أكبر بالمخططات التشجرية أكثر من المعلومة المكتوبة بشكل أفقي فَ راح تفهم بشكل مضاعف وراح تستذكر المعلومات بشكل أفضل.

سادسًا: من تخلص مُحاضرة معينة وتضبطها
أنت هنا ضبطتها 80%، هسة تكول ليش أني فهمتها وعرفت كلشي بيها وعن شنو تحجي و...الخ، عيني حتى تضبطها 100% وتصير ماستر بيها، أشرحها لصديقك، أشرحها لواحد يسألك، أشرحها لواحد من اهلك، إذا شرحتها لأحد أني أضمنها إلك ميحتاج ترجع تقراها مرة ثانية وإن احتاجيت ف بس مراجعة بسيطة، وشكرًا♥**https://t.me/panadolsz

بما أنو القناة كلها صيادلة ف إذا أنزل بس ميمز أحس كلها حتغادر ف حنوع بالمحتوى وأنزللكم كيسات وحالات مرضية هم حتى تستافدون من القناة، وأشياء تشريحية، وإيجابية وحلوة، لذلك غيرت أسم القناة لـ Any thing🤝