@Y05BoT - 07:46, 7.9 MB

12/16
ميلاد أعظم أنسان عشت وياه سنين طفولتي
بس ماكمل ويايه باقي سنيني
ميلاد أخ ميتعوض بدنيا كامله
ياريت چنت أگدر أگلك كُل عام وأنتَ بخير
بس أگدر أصيغها بشي ثاني يصبرني
كُل عام وأنتَ فخر أختك
كُل عام وذكرك أحييه بكُل مكان
كُل عام وبلال روحه يمي وتساعدني?
(أتمنى تقروله الفاتحة بيوم ميلاده)

ما زلتُ في شرفة الأيام مرتقبًا
‏ حُلمًا فرشتُ له قلبي رياحيًا

أنهبنا ياعلي

أثنين چانوا ألك
وماكو بحياتك فقط
آنا ونَظر عينَك
وعينَك دِرتها ورِحت
ولاچني مِنَك چنت
وبكُل سهولة أخسرت واحد من ثنينَك

بَس أنتَ ردتك من چنت
مابين الأحلام أفتر

رَماني الدَهرُ بِالأّرزاء
حَتّى فؤادي في غِشاءِ مِن نِبال
فَصِرتُ إِذا أصابَتني سِهامٌ
تَكَسَّرَتِ النِصالُ عَلى النِصال
وَهانَ فَما أُبالي بِالرَزايا
لِأَنّي ما إنتَفَعتُ بِأَن أُبالي

"كن مثل الزهرة التي تعطي رائحتها أيضا لليد التي تكسرها."
-الأمام علي أبن أبي طالب

چان ممكن نبقى بس ما رهمت إلنه
جان ممكن
مثل مآ جآبتّك گبالي القصيدة
تشيلني و تاخذني يمّك
چان ممكن للأحلام الفارغة الما ألها داعي
الماخذتني لناس
لا أعرف شكلهم
ولا ردت فد يوم يظل بيّه عطرهم
چان ممكن للأحلام تگلي شنهو تريد ؟
چا گلتلها أشمّك
مستحي من أنتظاري لطولك الما مشتهيني
آنه أشك ظل شي حلو بالدنيا بي أگدر أشبّهك
كلشي بي حكمة بزواله ، ألا وجهك
كلشي ممكن چان ، بس صوتك نساني
وحيل صعبه للتهمّه يحس بعد ما صار يهمك
جرب أسمي وصيح بيه
جاي أحس حروفه تصغر
جرب أسمي
بيّه خوفه لا خدار أطرافي يكثر
والشلل ما يفتهم رغبة چفوفي لو ردت ساعتها أضمّك
آنه واصل مرحلة ما مشتهيها
جاي أخاف من الأطفال التوها أجت للدنيا بس ما شايلة أسمك
آنه أگدر أبچي
وعيوني ألهيها بدمعتي
وما أظل بكل وكت وبكل فراغ گبالي أرسمك
بس أخاف عيوني آخر شوفة ألها
وياخذك مني العمى
ومرتين أخسرك
آنه أگدر ما أذكرك
وجهك الچنه دمعتي بكل مكان
گبال ياهو الچان تنزل
عادي أگدر ما أذكره
ما عشت عمري أعلموده
صوتك
الما منه ثاني
اللي من أسمع شكو بالدنيا صوت
أبقى أحس ناقصني صوت
عادي عندي يروح وما أحس بوجوده
آنه أگدر ما أذكرك
بس تفاصيلك تعب
كلشي بالدنيا من أروحنله يرجعني عليك
آنه أگدر ما أذكرك
بس أحب أتناسى بيك

خوفتني؛
بَعد ما عِندي شَجاعة أشتاگلَك حَتىٰ مِن أريدَك
يا ألتَفاصيلَك چِذب بـ الدنيا غيري يطيح بيهن
مِثل ماطاح العُمر گطرة علىٰ أيدك
خوفتني؛
خوفي مِن الصوت ما فارگني ليلة،
الصوت من گد قوته يبعد
وأحس روحي أجيله
لو تسمعه
چا عرفت شسوه بيه
لو تسمعه چا خفت مثلي
وبقيت سنين
مو وياي بيه
صوت أصابيعك وهِن يطلعن من چفوف أدية
خوفتني
وخوفي مِن باب گلبي
خاف ينسد
وألك جية
وخاف أفتحه
وكلشي بـ الدنيا عَداك يمُر عليه
فوبيا البيبان
مِن ماودعتنيي
بدت بيه
فوبيا
مِن كُلشي غيرك
لا أتمناهن لغيري
ولا أتمنالك تعيش الجاي أعيشه
أني أحبك
والأفكار الجاي يجبرني عليها الليل كُلش خوفتني
جاي أحس بروحتك مو الأولية
جاي أحس جاوبت بيها سؤالك من ردت معنى الاذية
جاي أخافك
يا أماني
أني خايف ذكرياتك تحتكرني
وما تخليلي فراغ لشخص ثاني
العُمر عندك حبيبي
شلون خليته ويا قمصانك الأحبها؟
ألجاي أعيشه
الله لا حطه ويا عمرك
جاي أحس بـ أسوء أيام الناس
كلها دُفعة وحدة إنچفت بيه
جاي أعيش ألماتمنالك تجي
وتشوفه بيه