Қодирхон Валижонов танловнинг сўнгги босқичларига етиб келди.
Янги "шумбола" мизга ижодий муваффақиятлар тилайман.

Бугун нимагадир "Шумбола" бадиий фильмида асосий ролни ижро этган актёр, республикада хизмат кўрсатган артист Абдураим Абдуваҳобов кўз ўнгимдан ўтди.
Шумбола образини яратганида Абдураим мактаб ўқувчиси эди. Шу фильм премъерасига Ўзбекистон радиосидан вакил бўлиб боргандим.
Жуда мароқли бўлган эди суҳбатимиз.
Эҳ, ўша дамлар... Бугун ўша халқ ёдида қолган болакай орамизда йўқ. Аммо хотираси юраклардан жой олган.
Бугун Овоз Болалар лойиҳасида
қатнашаётган фарғоналик Қодиржон шумболанинг қўшиғини ижро этиб, халқ меҳрига сазовар бўлди.

БОЛАЛАРГА БЕРИНГ ДУНЁНИ...

Бугунги куним жуда мазмунли ўтди. Эсда қоладиган воқеалар кўп бўлди.
Шулар ҳақида эртага улашаман.
Ҳозир эса уйқу пайти яқинлашибди.
Ҳаммангизга ёқимли ҳордиқ тилайман.

Бир қишлоқнинг кекса айилчиси (эшакнинг «эгари»ни ясовчи уста) омонатини Ҳаққа топширди. Бундан қувонган эшаклар қишлоқ майдонига тўпланиб, байрам бошладилар. Эшакларнинг бири бу ҳолга узоқдан ҳайрон қараб турган қари бир эшакни кўриб қолиб, унинг олдига борди ва:
— Сизнинг ҳеч нарсадан хабарингиз йўқ, шекилли. Айилчи уста ўлди, — деди. Ёши катта эшак пинагини ҳам бузмади.
— Ўлган бўлса, нима бўпти! Шунга байрам қилиш керакми? — деди.
— Ие, нега байрам қилмайлик? — деди ёш эшак ҳайратланиб. — Энди сиртимизга эгар урадиган йўқ. Бундан буён елкамиз яғир бўлмайди. Озодмиз энди!
— Тавба-тавба! Озод эмишлар! — киноя билан кулди қари эшак. Кейин бошини маҳзунлик билан сарак-сарак қилиб, деди: — Ҳеч эсингиз кирмас экан-да! Ўлган уста ҳарқалай ҳар биримизнинг ўлчовимизни биларди, бизга сиртимизни яра-чақа қилмайдиган, ўзимизга мос айиллар ясаб берарди. Эрта-индин унинг ўрнига бошқа бир эгар-жабдуқчининг келиши аниқ. У то бизнинг ўлчовларимизни тўғри олишни ўрганмагунигача сиртимиз яра-чақа бўлиб, адабимизни еймиз. Ақлингиз бўлса, эгарчидан эмас, эшакликдан қутулмоқ йўлини ахтаринг. Токи эшаклигингизча қолар экансиз, сизни эгарлайдиган албатта топилади...

@konspektor

Мулоҳаза учун мавзу

Хайрли тун. Ширин тушлар кўринг!

Расмдаги йигит қадрдон иним,марҳум Саиджон Раҳмоновнинг, шунингдек азиз
устоз, қадрдон ва меҳрибон синглим Музайянхоннинг фарзанди Толибжон Раҳмонов бўладилар.
Мен ижодий сафар билан Бухоро вилояти, Ғиждувон туманининг Гаждумак қишлоғига борганимда
Саиджоннинг таърифини, унинг жонкуяр устоз, қаттиққўл раҳбар эканини эшитганман.
Саиджон ҳақида "УСТОЗ" номли видеофильм ҳам тайёрлаганман. У телевидение орқали кўп марта намойиш этилган.
Саиджон "Эл-юрт" ордени билан тақдирланганда бориб табриклаганман. Афсус, бевақт ўлим Саиджонни орамиздан олиб кетди. Аммо мактаб яратган устоздан эзгу ишлар, француз тилида ёзилган кўплаб дарсликлар қолди...
Мен бу оила аъзолари билан 1985 йилдан бери танишман. Сиз суратда кўриб турган Толибжонни болалигидан танийман. .
Гапнинг қисқаси, бугун Толибжон Раҳмоновнинг туғилган куни.
Мен ҳам бир яқин опаси сифатида кўнгли оқ, тилаклари баҳор ёмғиридек беғубор инимни табриклаб, узоқ умр, соғлик тилайман.
Юрган йўлларингиз ҳамиша ёруғ, дилдаги орзу тилакларингиз ижобат бўлсин, Толибжон!

Табриклаймиз, қутлаймиз!

• Агар бир иш бошламоқчи бўлсангиз, "Бисмиллаҳир роҳманир роҳийм", денг!
• Агар неъматга эришсангиз, Аллоҳ таолога ҳамд айтинг! Яъни "Алҳамдулиллаҳ", денг!
• Агар ризқингиз кечикса, Аллоҳ таолога истиғфор айтинг! Яъни Астағфируллоҳ денг!
• Агар оғир иш қаршисида турсангиз, "Лаа ҳавла ва лаа қуввата иллаа биллааҳ", деб айтинг!
• Агар бошингизга мусибат тушса, истиржо айтинг! Яъни "Инна лиллааҳи ва иннаа илайҳи рожиъун", денг!