الفارما طلعت يهودية أكثر من المايكرو يا باشا
وبعدني منقهر عال ٨ مليار اسم بكتيريا وفايروس وغيرهم وما أجا عليهم سؤال، عاد لو ما درستهم بلاقي ٢١/٣٠ سؤال عليهم 🌝

اسمعوا وللضرورة أحكام يعني بإطار الجامعة صعب ما تتعرض إنك تحكي مع الجنس الآخر، بس المشكلة مش بالحكي نفسه، المشكلة بشو بنحكي والأسلوب واللهجة والنبرة وهل هذا الإشي يستدعي ووووووو
ف عشان هيك نبتعد قدر المستطاع وهو مسطاع جدا بالمناسبة، والإنسان خطّاء، يعني عادي تلاقي حالك ضعفت اليوم بس بكرة ارجع شد، وهذا الإشي ينطبق عالحكي الالكتروني بالمناسبة كمان.

فيش صحبة/ زمالة/ علاقة أخوية بين بنت وشب/ وأي بنت بتحكي مع شب والعكس من هذا المنطلق قليلين دين وقليلين تربية، تمام أنا بآمن والله إنه الإنسان رح يمر بحياته بفترة زي هيك وبتعلم منها، وعادي أنت إنسان بالنهاية، بس لما يكون فيه حدا بنبهك وأنت مصر ف الغلط منك، وإذا لقيت حالك جد مش قادر لأنه تعودت عالموضوع ولأنه فيه ناس بتشوف جد من مبدأ أخوي عادي أنا بفترة كنت اقول براسي إنه جد أنا يشوفهم كلهم زي إخواني بس مفيش إشي هيك طلع، ف إلي بشوف إنه هيك وهو بحكي مع الطرف الآخر ومش قادر يبطل مع انه عارف غلط بس النفس تغلب، يسحب حاله من المكان نعائيا لأنه رح يودي لأماكن سيئة، والله يهيدنا ويتوب علينا جميعاً.

• جماعة عادي يعني إذا بتشوفوني متحمس بالحكي
  مش رح أقعد أكتب هسا بوست بالفصحى واختار الكلمات، بدي اشي سريع وبوصل
  يعطيكم العافية، ادعولي بدعيلكم😂

شكراً لحسن استمعاكم، يا ريت كل واحد يمسك بكرامته صارت أغلى من الذهب هاليومين☕

++ أنا مع إنه الأب/الأخ/الزوج يمزع هاي البنت كف يعمي ضوها بفرجيها أن الله حق لأنه هاي الأشكال ما بتيجي غير هيك

الناس إلي بتسأل عن العلاج
روحوا ع دكتور أخصائي، أخصائي تحتها ٨٠ ألف خط، وروحوا عالدكاترة إلي بالمستشفيات مش عيادات خاصة لأنه العيادات الخاصة يعني 99.5% بدها تشفط دمك، عدا عن كمية المصاري الي رح تنحط
ف روحوا ع مستشفيات الجامعات وهمه بحكولكم شو الصح
++ الكشفية بالمؤسس أتوقع ليرتين إلا، بدل ١٠ و٢٠ بالعيادات الخاصة 🤷🏻‍♀️

اه اه ومهم، الغسولات/ المقشرات، وغيره مش حل جذري غالباً، فيه خيارات ثانية، مثلاً الروكتان، بس الدواء خطير عشان هيك بده متابعة طبية.

بحكي وأنا عادي بشرتي كانت مدمرة بفترة طويلة من حياتي، وولا بيوم فكرت أحط نتفة ميكب ع وجهي عشان الناس تشوفني أحلى، وولا مرة تزعزعت ثقتي بحالي عشان مشكلة عادية، ولما أتيحت الفرصة وصرت بعمر مناسب عالجتها، وفرقته معي، عالأقل تخلصت من مشكلة كانت مضاعفاتها قد تسبب لي تشوه بسبب الآثار

ما تستخسري بحالك عزيزتي، ما حدا بستاهل قدك!

اسمعوا قبل ما أروح أنام

بدي أذكر جد إنه الميكب اوك بخليكي أحلى، بس بنظر مين؟! لا تقوليلي بنظر حالي لأنه أنت نفسك بالدار الميكب إلي بتطلعي فيه فرضا عالجامعة ما بتقعدي فيه بالبيت أو بالعطلة، نضحكش ع بعض!
المصاري إلي بدك تصرفيها على الميكب، عالجي فيها بشرتك، صدقيني بس تعالجيها بتصير تلق لق بتقرأي عليها المعوذات باليوم مرتين، مش تخفيها بالميكب، عالجيها، حب الشباب وغيره مرض زي أي مرض بصيب الجسم، زي الإنفلونزا والرشحة، بده علاج، عالجوه ولا تستخسروا بحالكم++ كونه احنا جامعة أنت يا عزيزتي مؤمنة، ف التأمين بخلي مثلاً سعر علبة الدواء من ١٨ دينار ل ٣، متخيلة!! جمعي العلاج من مصروفك مش غلط إذا أهلك مش قادرين
بس ما تخبي وجهك، تدمريه بزيادة، توخذي سيئات ليوم السيئات، تقللي ثقتك في نفسك بسبب مشكلة علاجها موجود!!
#لا_تحطي_ميكب !

"كل يومٍ أذكِّرُ نفسي بأنَّ قدري كانَ قبل أن أكونَ أنا،
وأنَّه سيجري عليَّ مهما حاولت..
سيجري رضيت أو سخطت،

وأنَّ كل ما في يديَّ أن أستيقظَ كل صباحٍ لأفعلَ ما يتوجَّب عليَّ فعله،
أسيرُ في الحياةِ وأُسايرُها
أصارعُها مرةً، وأُخرى أهادِنُها
ورزقي سيأتيني ولو وقفَ العالمُ أمامي فيه،
وما ليس رزقي لن يأتيني مهما حاربت عليه،
وأنَّ الزمنَ من خلقِ الله،
فيقدِّم لنا نصيبَنا بمشيئتِه، ويؤخره عنَّا بحولِه وقوَّتِه،
وأنَّنا جميعًا لله؛
يفعلُ بنا ما يشاءُ..
اللهُمَّ إنِّي لك أسلمت وبك آمنت وعليك توكَّلت،
فارضِنا بما كتبت."

-نقل