Кирип келген Рамазан айы бәршеге мүбәрек болсын!

@Poeziya_Abdirashit

Соралды, тасладым. 5 жыл бурынғы қосық екенин және бир мәрте еслетемен.

#поэзия

Оның аты айтылғанда

Қуяш шығар аспаныма,
Гүллер питер тас жаныма,
Ай нур шашар ақшамыма,
Оның аты айтылғанда.

Кеўилимде шақмақ шағар,
Жүрек мисли тоқтап қалар,
Көзим оны жоқлап талар,
Оның аты айтылғанда.

Қулақтың жоқ қарны тояр,
Бийлеп алар түрли қыял,
Жан-тәним бар муңды жояр,
Оның аты айтылғанда.

Мени оятар ғапылдан,
Мени аздырар ақылдан,
Мейли узақтан, жақыннан,
Оның аты айтылғанда.

Исмайылов Абдирашид
Жазылған сәне: 16.I.2025

@Poeziya_Abdirashit

#қара_сөз

Стоматологлардың айтыўына қарағанда, инсан эволюциясы даўамында жақларымыз зәрүрлик болмағаны (шайнағанда зорықпағаны) ушын салыстырмалы түрде бабаларымыздикине қарағанда әдеўир киширейген. Сонлықтанда жағымыздағы бир тис артықшалық қылады ҳәм ол "Ақыл тис" деп аталады. Аяқ астынан, күтилмегенде аўырып қалмаўы ушын профилактика ретинде "Ақыл тис"ти алдырып таслаў усыныс етиледи.

Айтайын дегеним, "Ақыллы"лар ҳешкимге керек емес, ҳәмме профилактика ретинде олардан тезирек қутылыўға асығады!

@Poeziya_Abdirashit

Шаўдырбай Сейитовтың өзи қутлықлағандай сезилип, жүрегим басқаша урып кетти.
Үлкен рахмет!

@Poeziya_Abdirashit

#ҳикая

Бир семизликтен қыйналатуғын адам шыпакер көригине барыпты. Шыпакер анализлерди көрип шығып төмендегише диагноз қойыпты:
— Сизде рак анықланды. Еки ҳәпте өмириңиз қалыпты. Питириўиңиз керек болған нәрселериңизди питирип, таярлана бериң. Бизиң қолымыздан ҳеш нәрсе келмейди, кеширим сорайман.

Наўқас жүдә түскин кейпиятта үйине қайтыпты.
Арадан үш ҳәпте өтип наўқас доктордың алдына және келип:
— Мен өлмедим ғо, доктор.
Сонда доктор наўқасқа қарап:
— Ең баслысы аздың ғо - депти.

(Даўамы бар [Посттың])

? Telegram: @Poeziya_Abdirashit

#ҳтб

Инсаният неше мың жыллардан берли жасап атыр. Заманлар жаңарып атыр. Түп мәнис бирдей болса да дәртлер, машқалалар дәўирине сай көринисте инсанларды сынамақта.

Инсан өмирде жасар екен сүрнигеди, шалынады. Инсанлар еки түрли болады: бириншиси - өзи сүрниккен тасқа басқалар да сүрникпесин деп шетке алып қояды. Егер алып қоялмаса изинде киятырғанларға "Мына жерде тас бар екен, абайлаң" деп ескертеди. Екиншиси - мен сүрниктим бе, басқалар да сүрниксин деп ол тастың қасына және үлкенирек тас алып келип қояды.

Биринши түрдеги адамлардың барлығын мен устаз деп атар едим. Дурыс, биз көбинше бул инсанлардың айтқанын елестирмеймиз, сол тасқа көрип, билип турып сүрнигемиз. Бирақ, сол инсанлардың ескертиўи сүрниксек де майрылмай аман қалыўымызға себепши болады.

Мейли олар китаплардың авторлары болсын, мейли өз өмиримде өз қулағым менен ескертиўлерин еситкен адамларым болсын, барлық УСТАЗларымды бүгинги байрам менен қутлықлайман.

@Poeziya_Abdirashit

#ҳтб

Өзиң туўралы бир фактты айтсаң ҳәм бул факт унамлы болса бул мақтаныў ма?

@Poeziya_Abdirashit