?QALB QO‘RIMSAN SHE'RIYAT!?

ONA TILIM

Tinglaganda senda ilk alla,
Oy ham menla tebrangan palla,
Olamga jar solib baralla,
Aytgim keldi:- Вu sirli ilm,
Momomeros hur ona tilim!

Yonib aytdim kalomimni men,
Go‘zal aytdim salomimni men,
Asray sendek halolimni men,
Dilimdagi gavhar, sarхilim,
Momomeros hur ona tilim!

Otilganda kòksinga toshlar,
Shahid ketdi necha tik boshlar,
Jonim qaxshar sòksa beboshlar,
Suvdek zilol, sutdek sofdilim
Momomeros hur ona tilim!

Quyosh nurin ming-bir qirisan,
Navoiyning qalam sirisan,
Qoshg‘ariyning ko‘zin nurisan,
Har sabog‘ing rom etdi dilim
Bobomeros hur ona tilim!

Xalq tilisan, xalqim tilisan,
Har sof dilning tafakkurisan,
Qalam tutding najot so‘rasam,
Ifori хush, benashtar gulim,
Momomeros hur ona tilim!

✏️Muhtarama Roziqova.

??ОНА ТИЛИМ??

✏️Муҳтарама Розиқова.
?Муҳтарама Розиқова.

????КУЗДА... ????

КУЗ КЕЛДИ. БОШЛАНДИ ТАЛО-ТЎП,
ДАРАХТЛАР ТЎКДИ ДУВ ЯПРОҒИН.
БИР ЯПРОҚ ҚИЛТ ЭТМАЙ ТУРАРДИ,
ҚИСГАНЧА ДАРАХТНИНГ БАРМОҒИН.

"ЧИРТ" ЭТИБ УЗИЛМОҚ ҚИСМАТДИР,
ҚОЛМОҚҚА МАДОРИ ЕТМАЙДИ.
УЗИЛИБ ТУШСА ҲАМ БУ ЯПРОҚ,
ДАРАХТНИНГ ОСТИДАН КЕТМАЙДИ.

✏️Муҳтарама Розиқова.

2023-yilning 4-oktyabr sanasida bir guruh ijodkorlar, Rishton tumanining asl farzandi, usta kulol Tohir akaning dunyo tan olgan san'at asarlari jamlangan mo‘jizalarga boy bo‘lgan ustaxonasida ijodiy uchrashuvda bo‘ldik.

?ҚАЛБ ҚЎРИМСАН ШЕЪРИЯТ?

МАЖНУН НИДОСИ

Минг бор суйдирса-да майли,
Жисмим куйдирса-да майли,
Воҳ-воҳ, ўлтирса-да майли,
Ўшал зулфи қаро Лайли.

Ғавғоси дил ўрташ бўлса,
Жонларга ўт қалаш бўлса,
Нетай, у ҳур талаш бўлса,
Кўксим яро қилди Лайли.

Чорланг гўзал малагимни,
Айтинг менинг дарагимни,
Кўрсин пора юрагимни,
Мотамсаро қилди Лайли.

Мен ҳам йигит, орим бордир,
Гарчи давлат, зарим бордир,
Фақат унга зорим бордир,
Хушдан айро қилди Лайли.

Султон эдим, гадо бўлдим,
Шердил эдим, адо бўлдим,
Кўкни ўртар нидо бўлдим,
Саҳро аро қилди Лайли.

Ер бағирлаб, кездим саҳро,
Ҳижронлардан бездим, саҳро,
Ёр келадур, сездим, саҳро,
Мени каро* қилди Лайли.

Шундан саҳро ичрадурман,
Лайлийимни учратурман,
Ишқ шаробидан татурман,
Жонга оро кирди Лайли.

каро*- омадли, саҳий маъноларда қўлланган.Яна, дўст маъносида ҳам қўлланади.

2011 йил.

✏️Муҳтарама Розиқова.

"Ўлкам баҳори" туркумидан.