يافرسان الوغى
الخصمُ قد بغى
......
حبيب كوم رد هاي العده .. حبيب حسينكم ضل وحده .. حبيب جسمي ياهو ايوسده .. لو طحت فوك الترب
اصيح ومحد ايجاوب الي .. اصيح يااصحابي وياهلي .. اصيح الولي ضل إبلا ولي .. ابين كل هاي الغرب
حزين وغربتي اتبجي الصخر .. حزين ومحد الحزني حضر .. حزين يلتفرحون النضر .. وموقفي صاير صعب

ياجبير اصاحبي كوم وعاين لحالي
انه والي وهل صفيت ابغير والي
البجي بخيامي صوته صار عالي
جيشهم هد عل المخيم روع اطفالي
......
زهير ليش عايفني وحيد .. زهير الامل من ترجع يعيد .. زهير كوم بس هل الشي اريد .. رايد اترد وحشتي
امان جنت وياكم اعيش .. امان هسه ماباقيلي ليش .. امان مايضلي وهاذا جيش .. كله عاين غربتي
جروح بالكلب مو بلجسم .. جروح موش يقضه وبلحلم .. جروح الي يرجع كل شهم .. وتكتمل كل عددتي

راحو السبعين ولواحد سويه
عل الهضيمه افرك ابجفين اديه
اخلافكم ضليت عايش بلاذيه
الكوم هاي إبلا رحم ماكو حميه
........
برير حشم اصحابك وكوم .. برير حسين وحده وهاي كوم .. برير المنايه هل التحوم .. ولخيام ابخطر
سليب ماكو والي ولا نصير .. سليب اشوي بعد جسمي يصير .. سليب العسكر اعليه يدير .. وليكم يدير النضر
اطيح ومحد ايتجيلي كام .. اطيح وبيه ملتمه السهام .. اطيح وعيني تربي اعل الخيام .. ليهه رد خالي المهر

انه زلمه وحيرتي كلش جبيره
جا اشلون بزينب اتصبح اسيره
بين الايتام ونسه حيرتهه حيره
ينولي الماعنده ناصر لاعشيره
........
رحل كلشي عافني ورحل .. رحل لغربتي مالكه حل .. رحل شكو صاحب ولئهل .. كلهه عني غربت
عطش مامخلي بيه حيل .. عطش جدمي احسنه ثكيل .. عطش اشفافي يبست والدليل .. وتعبت حيل اتعبت
اموت وتحترك كل الخيم .. اموت ويوجع ابكللبي السهم .. اموت راح اموت من الالم ..انتو منكم اييست

يا ابطال الصفا وليوث الحرايب
كومو فزعت عليّ كل هاي الكتايب
ابصفي اتضلون الكم هيج حاسب
وتالي فوك الثره بجثثكم اعاتب
.........
محمد الاسماعيلي
اللهم عجل لوليك الفرج
اللهم العن عمر

شهر الاحزان عل الغريبه
..........
ابرسمك نشاهد نوح ودمعنه .. ابهلالك
ابلايه زلمنه يرجع ضعنه .. ابهلالك
طف ورزايه وضيعة شملنه .. ابهلالك

هضمي بيك اشيجبره .. كلبي بأجر تكسره .. وتأخذ اهلي مني
امئمنه سد الكفاله .. كافلي وي عياله .. وكلشي مايهمني

دربي كله . انضر كفيلي
دربي كله . بارد دليلي
دربي كله . أمن يليلي ابكل حبيب

ضعني سالم . وبعيوني بسمه
ضعني سالم . مايطفي نجمه
ضعني سالم . طوول يحلمه لا تغيب
..........
اتصور وشوف امحدب هلاله .. ياشهرنه
وبضهر اخيي كلبي حجاله .. ياشهرنه
جايب كسرته وعايف دلاله .. ياشهرنه

علنهر ضل عضيده .. وعل الضهر يرجع ايده .. ويمسح ابدمعته
يبجي سكته ويكابر .. من دمعته يحاذر .. يكتم ابعبرته

بيك المنه . وكل المصايب
بيك المنه . وفكد الحبايب
بيك المنه . ونصبح غرايب ياهلال

حسره حسره . ابدربك اموتن
حسره حسره . باجر اشوفن
حسره حسره . ايامي يروحن والدلال
..........
حسيني ولكبر يامحله جاسم .. ياجرحنه
وفراحنه امه عبدالله نايم .. ياجرحنه
حلوه ابضعنه ارسوم الهواشم .. ياجرحنه

دمعه ماكو ابتسامه .. ابراحتي ليلي انامه .. يمي كلهم انضر
بس شسوي بزماني .. نوصل الطف يتاني .. مني رايد اصبر

يازماني . ولاضل اعاني
يازماني . اه يازماني
يازماني . وافكد اماني ابروحتي

بلطفوف . محد يضلي
بلطفوف . من كعده اصلي
بلطفوف . ايشوفونه ضلي وعبرتي
...........
غيب ولتطلع يهلال الكشر .. ولمآسي
من بعد اخوتي بلهيمه نفتر .. ولمآسي
حرمه وجبيره ولضيمي شكدر .. ولمآسي

تنذبح كل اهلنه .. ومحد ايلم شملنه .. اشكبر محنتي
صورتك بيه تلجم .. للقدر راح اسلم .. وسكته الم دمعتي

النايحه .. ابكل داري تصبح
النايحه .. ابدلالي تجرح
النايحه .. احسيني ماصح ماي اله

جرحي جرحي .. ماله نهايه
جرحي جرحي .. اعيش الحكايه
جرحي جرحي .. الطف روايه ايرتله

..........
محمد الاسماعيلي
اللهم عجل لوليك الفرج
اللهم العن عمر

مولاي مولاي اباعبدلله
.......
رابي ابخيمتك .. عاشك خدمتك .. تجري محبتك .. بعروكي
هاذا اكبر هدف .. بلخدمه شرف .. دلالي انشغف .. معشوكي

خادم .. الغايه خدمه مو عُجب
خادم .. منذور الك دوم انطلب
خادم .. وتمطر عليّ خدمه السحُب

مااريدن . دنيا مابيهه انته . عمري الك وفرته .. كلشي لاجلك عفته .. مااعيش ابدونك
خليني . عايش اعل الخدمه .. سوي عندي الهمه .. الدوام النعمه .. اخدم وممنونك
........
مارايد اصير .. لا شيخ وجبير .. يم بابك فقير .. خليني
كهفي انت الحصين .. محبوبي حسين .. للدين انت دين .. ياديني

سائل .. ابابك امجدي اضل
سائل .. انته الوسيله والأمل
سائل .. عبدك ارحمه لو سئل

امربيني .. ومجلسك كبرني .. منه لا تحرمني .. انت بس تفهمني .. شريد
يملين .. كلبي لجل الدمعه .. واحترك كلشمعه .. الناعي لمن ينعه .. ويعيد
........
يااول عشك .. ابطاريه احترك .. وبليل الطبك .. موتني
كلبي بس الك .. وبغيرك هلك .. ولخدمة هلك .. صيرني

مولاي .. شكرا جبتني امن العدم
مولاي .. امخلصني من كل الوهم
مولاي .. طالبك ترزقني ألم

مالكني .. وعايش ابنص روحي .. مجلسك بجروحي .. كون يكثر نوحي .. عليك
ترحمني .. من اردلك نادم .. رغم ذنبي واثم .. تعتبرني خادم .. لديك
.........
حزني ودمعتي .. انت امصيبتي .. رايد موتتي .. من عندك
طالب بس رضه .. للفات ومضه .. كله عمري قضه .. ماسدك

ناسي . وانته الي ماناسي
ناسي . بس عايش ابحساسي
ناسي . يانسمه وسط انفاسي

الحنيه .. ملك للحنيه .. ياعشك بلريه .. يلعزائك بيه .. امل
مارايد .. كللبي صاير همه .. بس دوام النعمه .. وبيك اصيرن زلمه .. واضل
........
محمد الاسماعيلي
اللهم عجل لوليك الفرج
اللهم العن عمر

عبدالله دلول عبد الله دلول
.......
يوليدي .. بعد مو وكتك من ترحل عن امك
يوليدي .. اريد اشتمك ولنبله اتشمك
اوياك ارحل .. شسوي ابدنيا الحرمتني امن اعيونك
اوياك ارحل .. الحضن مايدفه يلغالي من دونك

اعدن تجيني واحسب انه احساب
ولا فكرت ييمه بيك انصاب

يبني واريدنك ذخر .. لشيبي ييمه وللكبر .. بيدك تنزلني كبر .. يبني
حسب تردلي ومن ترد .. تزهر حياتي جن ورد .. ارجع الي لاتبعد .. يبني
........
احسبلك .. تجي مااحسب يالحضه اتفاركني
احسبلك .. تفرح كللبي مو تمشي وتلجمني
رد ليه .. اشعشت يايمه حته اتموت ابسرعه
رد ليه .. يروحي وكللبي اعل افراكك شيقنعه

يبزري امن اديه بزري كله راح
بطف يويلي ابني مني طاح

ييمه وإليه من تجي .. افرح وبطلنه البجي .. ابكبرتي عليك انه انتجي .. يبني
اشوفك ولمن دمعتي .. ييمه وتردلي فرحتي .. وابوجهي ترجع بسمتي .. يبني
...........
شمتاني .. العمر مايخلص يايمه اعل افراكك
شمتاني .. اموت احسلي ولا كلساع اشتاكك
من انضر .. الحضن من دونك خالي اشكد أتألم
من انضر .. الشمل مايرجع من يطشر يلتم

الحجي يهضم ابدليلي ويأذيه
ليله ليله همي يكبر اشحجيه

دليلي افركتك ينكسر .. المن اضلن شنتضر .. ماضلي يوليدي صبر .. يبني
ابكل خطوه يكبرلي جرح .. واموتن ولا يطلع صبح .. وراسك اشوفه عل رمح .. يبني
...........
بجروحي .. رحت يايمه وبجروحي ماتدري
بجروحي .. تشب نيرانك يوليدي وياعمري
ويانه .. مشيت وراسك مايرضه ايفاركني
ويانه .. تدير ابراسك لو شامت يضربني

حسره حسره اموت اذا اصد اعليك
ابرمح راسك ورمحهم ايئذيك

راسك مشه اوي القافله .. يبني ودمعتي سايله .. وأنه اعل ناكه هازله .. يبني
لحالي وعليه ماتحن .. شيبني هجرك ولحزن .. اكعد ونام اعليك اون .. يبني
.........
محمد الاسماعيلي
اللهم عجل لوليك الفرج
اللهم العن عمر

عودو إليّ احبتي .. عودو إليّ اخوتي
......
مشو بلضعن .. وراح الحسين وكل هله
مشو بلضعن .. ودموعي ضلت سايله

من مشو كلشي خذو ومابقالي بس دمع
الضعن نصه ورود ونص الآخر بس شمع
اوومي بيدي وشوفي راح وصوتي ضل ماينسمع

تبقه الهضميه البلكلب .. بي ابد ماسولفلو
راحو بعد ماكو رايه .. وعني بعيدين اصبحو
ياهو اليكللهم تره .. طفله ابمدينتهم نسو

ميته عساني ولاهجرهم
راح ابقه اتاني وانترضهم
..........
هجرهم صعب .. وكلبي ابد ما يحتمل
هجرهم صعب .. ومن المتانه ماامل

ابكلشي الهم ذكريات وضلت ابعيني الصور
على اخدودي الدمع حار لو نزل يبقه الاثر
هسه وين ابيا ديار ضعن ابويه استقر

هوه انه اول يتيمه .. بس اعل راسي منمسح
اول يتيمه من بجت .. بلسكته بس دمعي انفضح
ماعندي بس ليمت تجي .. واداوي علتي وكل جرح

ابطارف اللساني ذكرهم
راح ابقه اتاني وانتضرهم
........
حنين الكلب .. مايهده اله ابشوفتك
حنين الكلب .. يشفه ويطيب ابمسحتك

ابحسرة الجيه بقيت ومابقت حيله الي
ردت امشي ومامشيت وي اخياتي وهلي
حالي من حال البنات وعمي يصبح كافلي

عيني الدربهم تناطر .. وبدياري يلتم الشمل
عشت اليالي ولهجر .. مر طعمه ابد ماينحمل
ابكل كاع الي نكللة جدم .. ومن النشد لا ماامل

ماادري هسه اني باامرهم
راح ابقه اتاني وانتضرهم
........
خلص كل الحجي .. وبحسرة اليمته يجي
خلص كل الحجي .. ولباقي عندي بس بجي

اصفن اتخيل يجون وفز من يعرض سهم
وقره آية قل اعوذ اعل ابوي امن الالم
بلكي افتح عيني هيج وبلكي كل هاذا وهم

وركض الاكي ضعهنم .. وبياهو حيره من ابتدي
خوفي يردولي باجر .. وماالكه بيهم والدي
مقسوم اليه انه اعيشن .. عكبك يبويه وحدي

آايا زماني اشردلي منهم
راح ابقه اتاني وانتضرهم
.........
محمد الاسماعيلي
اللهم عجل لوليك المنتقم الفرج
اللهم العن عمر

يمسافر لضعنك خدامه اخذني
ام البنين انه وشكد تحبني
دعائي الروحه تتاجل
اريد اوياكم انه ارحل
........
اول مادرت وجهك وحشه صارت ادياري
كلشي ايكلي مايرجع وموته اوي الضعن ساري
كبل نار الخيم وجت اكللبي ونطفت ناري
ابهجرك رايحه اتعلعل وفركتك موتتي ثاري
........
من هسه صرت انه ابفكدك اسيره
يلهجرك ابروحي اطلابه جبيره
ابصحاري امشي اتحمل
اريد اوياكم انه ارحل
.......
اضل بلدار ولضله ماكو اي نفع بيهه
اذا ماامشي وي ضعنك حياتي شنهي تاليهه
اصبح بيك واتمسه عيني اشلون ارضيهه
وجهك جان يوميه هوه الي يسليهه
.......
ياحيرت اعيوني لو ماتشوفك
يانبض وجداني اشلون اعوفك
صحيح ابفركتك اذبل
اريد اوياكم انه ارحل
.......
اخذني امشي ناكه مااريد اركب
كلشي ايهون لجلك انه اريد اتعب
الطلب هاذا اكيد اعليك مايصعب
اشحلات اعيوني من اتشوفك وزينب
......
عايفني واتمنه العافتني روحي
ابكل خطوه ترفعهه تكبر جروحي
اموت ولاهجر اقبل
اريد اوياكم انه ارحل
......
ابلفظ اسمك احس ابروحي مهيوبه
ملامح وجهي عكبك حيل متعوبه
شيصير الكللب بوداع محبوبه
كبلك انه اول وحده مسلوبه
.......
بعيوني يلتبعد اتخيل اترد
العايشه ابسدك هسه بلا سد
يكلشي ابرجعتك ينحل
اريد اوياكم انه ارحل
.......
ماضل شي وماكلته وخلص كل الحجي البيه
اشما تبعد اموت اكثر بنضرتك لحك اعليه
احييني ابعطف جفك الهجر خلاني محنيه
ماارضه اضل بلبيت وصيرن ارضه مسبيه
........
وي زينب ارضاهه النيران اطفي
ولو اموتن ابنصهه ماراح اوفي
وساعدهه ابصعود التل
اريد اوياكم انه ارحل
.......
محمد الاسماعيلي
اللهم عجل لوليك المنتقم الفرج
اللهم العن عمر

#رسالة_مهمة_جدا**ً
-اخوتي الخطباء والرواديد خصوصاً
-وخدام الحسين عليه السلام عموماً

اخواني قضية التكنيك والتصوير قد انتشرت في مراقد اهل البيت سلام الله عليهم وقدسية واحترام المراقد جاي #تختفي شويه شويه عند البعض

اخواني عند #دخولكم مراقد أهل البيت روحي فداهم#وبالخصوص مرقد الإمام الحسين وأخيه أبا الفضل العباس عليهما السلام

?على قدر المستطاع نتمنى منكم
(قراءة مجلس داخل الحرم الشريف)

-الخطيب يقرأ (نعي - لطم - ذكر سيرة مصاب اهل البيت)
-الرادود يقرا (نعي - لطم - واذا تمكن من سيرة المصاب)
-الخادم يشغل(نعي - لطم من خلال جهاز الموبايل)

وبشكل تلقائي راح تلگه الناس متجمعه حولك وتبچي وصاير مجلس يفرح گلب فاطمة وصاحب الزمان وهنياله اليبچي الناس بهيج مكانات ?

★الهدف شنو من هذا الكلام :

1 .. حته يكون المكان مكان مصيبة وحزن وعبادة وليس نزهة

ونگول للناس حزنا على اهل البيت مايخلص ومستمر مو فقط بأيام ذكرى شهاداتهم ' جمرتهم ماتطفى بگلوبنا

2 .. حته ما تنطمس هيبة و قدسية المكان والزيارة ونترك الأمر لأهل التصوير والتكنيك

3.. شفت بعض الناس تستغرب من يدخلون ويشوفون زوار تبجي وتجزع وتلطم
(وان دل على شيء دل على استبعاد الحزن في هكذا مكان الا في ايام الشهادات)

4.. والاهم هي قربة لله تعالى واهل البيت واحياء لأمرهم ولعدم اطفاء حرقة القلوب على مصابهم وايقاظ القلوب من الغفلة في هكذا اماكن

-مع مراعاة الاخوة الزائرين وعدم اذيتهم بقصد او بدونه

?وهذا الكلام ليس تفنيد لعد وجود المجالس لكن (للتاكيد والاستمرار والزيادة )

وفقنا الله واياكم لأحياء امر محمد وآل محمد والبكاء على مصابهم

ومعونة #بقيتهم وشافي قلوبهم ولي نعمتنا وامام زماننا بقية فاطمة الزهراء صاحب العصر والزمان روحي ارواح العالمين له الفداء**#اللهم_عجل_لوليك_الفرج