ИСЛОҲОТ ОДИМЛАРИ
КЎЗИ ОЖИЗЛАР БАНДЛИГИ ТАЪМИНЛАНАДИ
2024 йил 4-сон

ИСЛОҲОТ ОДИМЛАРИ КЎЗИ ОЖИЗЛАР БАНДЛИГИ ТАЪМИНЛАНАДИ
2024 йил 4-сон

ТАФАККУР ИҚЛИМИДА ШАМФОР НИКОЛА СЕБАСТИАН РОК 2024 йил 4-сон

#Нафосат Гулшани аро, 2024, 2-Сон

ЯХШИЛИК ҚИЛИНГ!

Бўш қўл билан келдик, шундай кетамиз,
Лек баъзан виждонни пулга сотамиз,
Бир куни яқинлар меҳрин кутамиз,
Қўлингиздан келса, яхшилик қилинг!
Имконингиз етса давлатингиздан,
Яхши сўзингиздан, савлатингиздан,
Ёки ўгитингиз, суҳбатингиздан,
Қўлингиздан келса, яхшилик қилинг!
Ғийбатга қўшилиб гуноҳга ботманг,
Бир кун рост олдида уятда қотманг,
Тезроқ кўзни очинг, ғафлатда ётманг,
Қўлингиздан келса, яхшилик қилинг!
Бандаси билмаса билгувчи зот бор,
Яхшидан қолгувчи яхши бир от бор,
Эзгулик ўлмагай одамизод бор,
Қўлингиздан келса, яхшилик қилинг!
Дилафруз СУЯРОВА,
Самарқанд.

Канални улашинг:
? @bir_safda_jurnali

#НАФОСАТ ГУЛШАНИ АРО, 2024, 2-Сон

СОҒИНЧ

Болаликнинг завқи-шавқин сурар эдик,
Тун кечалар ором қасрин қурар эдик,
Устозларни бирга кутиб турар эдик,
Қайга борсак, қўл ушлашиб юрар эдик,
Давраларнинг гули бўлган қувноқларим,
Соғинганда тополмайман ўртоқларим!
Уст-бошимиз лой бўлишин билар эдик,
Лой ликоплар, лой товоқлар қилар эдик,
Якшанба кун ўтмаса деб тилар эдик,
Кичикларни чин юракдан сийлар эдик,
Қайда қолди ўша бахтли хуш чоғларим,
Сизни излаб тополмасман ўртоқларим!
Ғиштдан уйлар, ғишт поездлар қуриб, бузиб,
Мақтанардик бошқаларга атроф кезиб,
Шахмат-шашка ўйнар эдик дона тизиб,
Қайтар эдик ётоқларга чарчоқ сезиб,
Илму фаннинг шайдолари, чанқоқларим,
Кўргим келар, кўролмасман ўртоқларим!
Биз ўқиган китобларнинг саноғи йўқ,
Китобларки, берган завқин адоғи йўқ,
Юракларга солди улар бир олам чўғ,
Устозлардай кўрсатдилар бизга йўриқ,
Синфдошу мактабдошу қароқларим,
Қидираман, болаликдан ўртоқларим!
Бизни ташлаб кетиш наҳот, осон бўлди,
Яратгандан наҳотки, шу фармон бўлди,
Шум айрилиқ юракларга армон бўлди,
Кўзимиздан хуш чеҳралар ниҳон бўлди,
Дилга яқин, кўзимиздан узоқларим,
Айрилиққа чидолмайман ўртоқларим!
Турсуной МАТҚУЛОВА,
Андижон.

Канални улашинг:
? @bir_safda_jurnali

#НАФОСАТ ГУЛШАНИ АРО, 2024, 2-Сон

ИККИ ХАЛҚ БОР

Икки халқ бор туркийларнинг бир боғидан,
Қардош, қондош, тақдирдошдир умрлари.
Яссавийнинг маънавият булоғидан,
Бир чашмадан сув ичади томирлари.
Икки халқ бор машойихлар султонига,
Бири она бўлиб жону ошён берган.
Устоз бўлиб чорлаб зиё қўрғонига,
Иккинчиси эса илму урфон берган.
Икки халқ бор икки шаҳри азим унда,
Яссавийнинг қадамларин ўпган диёр.
Чин дунёга йўлак бўлмиш дунё-дунда,
Жаннатмакон Туркистон бор, Бухоро бор.
Оби гилмиз, унга қайтур барчамиз ҳам,
Нафс жиловин қўлдан бермоқ ҳалокатдир.
Ҳикматларни ёд билмоқлик бахтдир бекам,
Яссавийни танимаслик фалокатдир.
Яссавийнинг оромгоҳи, эй Туркистон,
Сенга бўлган меҳрим жоми ўзбекники.
Тавоф айлаб мақбаралар қурган султон,
Амир Темур эҳтироми ўзбекники.
Қардош қозоқ бағрикенгдан кенг улуғ халқ,
Қучоқ очиб сен кут бизни минг-минг йиллар.
Иншааллоҳ шуни насиб айласин Ҳақ,
Биз борайлик қучоқ-қучоқ олиб гуллар.
Дўстлигимиз маҳшар қадар қилсин эгам,
Нафсда кишан, тилда иймон, дилда ҳақ бор.
Яссавийни авлиём ва бобом деган,
Икки халқ бор, икки халқ бор, икки халқ бор.
Шамшода ҲАМДАМОВА,
Бухоро.

Канални улашинг:
? @bir_safda_jurnali

#ИЖОД ЁҒДУСИ, 2024, 2-Сон Нодира ЖАББИЕВА, ЯРАТГАННИНГ ТУҲФАСИ Ҳикоя Канални улашинг: ? @bir_safda_jurnali

#ИЖОД ЁҒДУСИ, 2024, 2-Сон

Нодира ЖАББИЕВА,

ЯРАТГАННИНГ ТУҲФАСИ

Ҳикоя

Канални улашинг:
? @bir_safda_jurnali

Telegraph

ЯРАТГАННИНГ ТУҲФАСИ

                        (Ҳикоя) Сўрида кичкинтойимга пайпоқча тўқиб ўтирсам, дарвоза тақиллаб қолди. Очсам, бир аёл ҳиқиллабгина йиғлаб турибди. “Ким?” – дедим оҳиста. “Мен, нариги кўчада турадиган қўшнингизман”, – деди у йўғонроқ овозда.  Овоз эгасини танимаган…

#BOLALAR SAYYORASI, 2024, 2-Сон SAODAT KALITI Antropologiya fani olimi Afrikaning ibtidoiy qabilalaridan birida bolalar bilan quyidagicha o‘yin o‘ynadi: Lazzatli mevalar solingan savatchani bir daraxt tagiga qo‘yib, ularga: “Sizlardan kim birinchi bo‘lib…

#BOLALAR SAYYORASI, 2024, 2-Сон

SAODAT KALITI

Antropologiya fani olimi Afrikaning ibtidoiy qabilalaridan birida bolalar bilan quyidagicha o‘yin o‘ynadi: Lazzatli mevalar solingan savatchani bir daraxt tagiga qo‘yib, ularga: “Sizlardan kim birinchi bo‘lib savatchaga yetib kelsa, uning ichidagi mevalarni qo‘lga kiritadi”, dedi. “Boshladik” ishorasini berar ekan, olim favqulodda qiziq bir holatning guvohi bo‘ldi.
Bolakaylar shirin mevalarga yetishgunlaricha bir-birlarining qo‘llaridan mahkam ushlab, barobar daraxt ostiga yetib kelishdi. Har birlari g‘olib bo‘lish imkoniyatiga ega bo‘la turib nega bunday qilganlari haqida olim so‘raganda bolakaylar taajjub bilan: “Qanday qilib boshqalarimizning baxtsizligi evaziga birimiz saodatli bo‘lishimiz mumkin?!” – deya javob qilishdi! Ular “Biz bo‘lganimiz tufayli men borman!” qoidasiga muvofiq ish tutishgandi. Bu ibtidoiy qabila o‘zini ulardan afzal va mutaraqqiy biluvchi jamiyatlar yo‘qotib qo‘ygan saodat siriga ega edi.
Internet sahifalaridan olindi.
O’QUVCHI DARS QOLDIRSA...
Biz oilamiz bilan Gollandiyada yashaymiz. Bu davlat o'zining tabiati va gullari bilan dunyoga mashhur. Gollandiya ta’limi o’ziga xos. Boshlang’ich va o’rta maktablarga bo’linadi. 4 yoshdan 12 yoshgachа bo’lgan bolalar boshlang’ich maktabda tahsil oladi. Men 6-sinfda o’qiyman. Maktablarda darsliklar yo’q. Dars yo’nalishini o’quv muassasalarining o’zi belgilaydi. Mashg’ulotlar 8.30 dan 15.00 gachа davom etadi. Maktabga bolalar 4 yoshdan qabul qilinadi. Yilning qaysi kuni bo’lishiga qaramay, bola 4 yoshga to’ldimi, ertasi kuni maktabga chiqadi. O’quv qurollari, kitoblarni sinfda, shaxsiy tortmada qoldiramiz. Maktabda oshxona bo’lmagani sababli papkada tushlik olib kelamiz. 8-sinfga qadar uy vazifalari berilmaydi. Dars qoldirgan o’quvchi katta jarima to’lashga majbur. Gollandiyada o’quvchilarning aksariyati o’ziga yaqin maktabga shaxsiy velosipedida boradi. Shuning uchun bu yerda velosiped turargohlarini ko’p uchratish mumkin. Suzishni bilish har bir Gollandiyalikning majburiy vazifasi. Bolalar kichikligidanoq suzish havzalariga borishga odatlanishgan.
“5” BAHODAN XAFA O’QUVCHILAR
Germaniya maktablarida tahsil oluvchi bolalar “5” bahodan xafa bo’lishlari haqida eshtganmisiz? Gap shundaki, Germaniya maktablari boshlang’ich (1 – 4-sinf), real (5 – 10-sinf), gimnaziya (5 – 13-sinf) kabi bosqichlarga bo’linadi. Bolalar 6 yoshdan maktabga boradilar. Rasm, musiqa va sport bilan shug’ullanadilar. 3-sinfda ular basseynga borib, suzishni majburiy dars sifatida o’rganadilar. O’quvchilarga 1-2-sinflarda baho qo’yilmaydi. Ammo uyga vazifa beriladi.
Germaniyada baho bizdan farqli ravishda 1 dan 6 gachа qo’yiladi. Agar siz germaniyalik bolaga yaxshi niyatda: “Doim “5” baho olgin”, desangiz, u sizdan xafa bo’lishi mumkin. Chunki ularda “5” yomon baho hisoblanadi. Baholash tartibi quyidagichа: “1” a’lo, “2” yaxshi, “3” o’rta, “4” qoniqarli, “5” yomon, “6” esa juda yomon! Germaniyalik o’quvchilar 1-sinfdan 10-sinfgachа bitta maktabda o’qimaydi. Ular 4-sinfni bitirgach, ustozlar tavsiyasiga ko’ra boshqa maktablarda ta’lim oladilar.
Bo’sh o’tirma, bosh qotir!
To’rtta laylak jam bo’lib,
Uchib yurar dalada.
Ikki qirg’iy ov uchun
Turar edi panada.
Bir bedana sayraydi,
Ikki o’rdak ariqda.
Uchta bulbul bog’dadir,
Chumchuq cho’qir tariqdan.
Bosh qotirgin, o’ylagin,
Jumboqni yechgin, G’ani.
Qushlar soni qanchadir,
Javobni aytgin, qani.

Yoz, kuzda xo’b-xo’b pishar,
Tagiga to’p-to’p tushar.
Mazasi totli biram,
Olma, o’rik, nok …

Amerika – vatani,
Polizlarda makoni.
Qo’shib yesang osh bilan,
Vitaminlarning koni!
“G’uncha” jurnalidan.

Канални улашинг:
? @bir_safda_jurnali