Assalomu alaykum

Blog faoliyati 1 oyga to’xtatildi.

1 oydan keyin yaxshi yangiliklar bilan qaytaman nasib!

Qilmaslik ham odatga aylanib qolar ekan

Davomiy post yozishga harakat qilaman. Orada bir kun qolib ketsa bo’ldi, yana post yozgunimcha kamida 2-3 kun o’tib ketadi.

Daily video chellenjda ham e’tibor bergan bo’lsangiz qolib ketgan payti bir marta qolib ketmaydi video qo’yishim. 3 kunlab video qo’ygim kelmay qoladi. Nimaga? Video qo’ymaslikka o’rganib qoman, video qo’ymaslik odati shakllana boshlaydi.

Namozda ham shunday. Bir yoki ikki mahal namoz qolib ketsa o’sha kuni namoz o’qishga bo’lgan ishtiyoq tushadi. Namoz o’qimaslik nafsga yoqib, o’qish g’alati tuyula boshlaydi.

Ya’ni nima demoqchiman, bir odatni shakllantirmoqchimanmi, iloji boricha bir marta ham qoldirmaslilka harakat qilishim kerak ekan. Qolib ketdimi, endi o’sha ishni qilmaslik odati shakllana boshlaydi.

Haa, dinimizda farz namozlarga nega bunchalik qattiq targ’ib qilinishini tushungandayman! Davomiy o’qilsa iymon ziyoda bo’laveradi, bir marta qoldirilsa ham iymonga putur yetadi, pastga qarab ketishni boshlaydi.

Bunday vaziyatda umidsizlik avjiga chiqishni boshlaydi. “1 marta qilmading, 2 marta qilmading, qo’y endi nima qilasan yana boshlab”, deb umidsizlantirayotganday shayton.

O’zimni bunday vaziyatdan chiqib ketishimga ko’pincha qat’iyat yordam beradi. U yetishmasa boshqalarga aytib qo’yganim uchun mas’uliyat yordamga keladi.

Demak, yoki iroda va qat’iyatni kuchaytirishim kerak, yoki ko’proq mas’uliyat olishim.

“Amallarning eng yaxshisi, oz bo’lsada davomli bo’lganidir”, degan hikmatni ham endi anglagandayman!

@mashhurbek_muhammad

Expertlar 2 turga bo’linadi: ishini qiymatini biladigan, ishini qiymatini bilmaydigan.

2-turdagi bot expertlar arzonga ishlab yuraveradi. Ular faqat qilgan ishiga pul oladi, natijasiga yoki beradigan qo’shimcha qiymatiga emas.

O’zing bilan kelishib olsang, boshqalar bilan kelishish muammo emas ekan.

Oqil kishi boshqalarning xatosini ko’rib o’zini isloh qila olgan kishidir. O’zi xato qilib keyin o’zgargan kishi oqil deyilmaydi.

Hasanxon domla

Mutaxassis o’ylab gapiradi, navichok sayraydi.

Ozgina hazl)

Mediada yozish realda gapirishdan ko’ra osonroq.