**Зулфларингиз зиндонида жон асир,
Заҳматимни муҳаббат олгани йўқ.
Зулайходек нағма бирла севганим,
Мани сиздан кўнглимни қолгани йўқ.

Сарсонаман сизни деб саҳроларда,
Садафимсиз юрагим тўлгани йўқ.
Синовларда қақшатиб қийнасангиз ҳам,
Мани сиздан кўнглимни қолгани йўқ!

✍Жума Арипов
🎙Елроз

Каналимизга обуна бўлинг!
👇👇👇**https://t.me/Elroz_navolari
@She_rlarimdasan

**Вафо сўраб ҳисларини хор этганим,
Қўй юракжон дунёлари бошдан қолсин.
Майли бизга керак эмас муҳаббати,
Севгисини кўксимиздан юлиб олсин.

Қор парчадай тўкилайлик тупроқларга,
Сингиб кетсак тополмасин баҳор, ёзлар.
Ишқни қучиб осмонларга учар бўлсак,
Ўйин қилиб кулолмайди лўттибозлар.

✍Жума Арипов
🎙Елроз

Каналимизга обуна бўлинг!
👇👇👇**https://t.me/Elroz_navolari
@She_rlarimdasan

Хийла, найранг енголмади матонатин синаблар,
Золимларнинг қилмишлари бўлмади-ку ҳеч унут.
Алпларининг қони оқди, зоғ йўлолмас саҳнига,
Ўзига бек бўлди бу юрт, Ўзбекистон бўлди юрт!

Тонглар базўр отар эди деҳқонлар қароғида,
Далаларда пахта терди ўзбек гўдак чоғида,
Бугун юлдуз бўлиб ёнар, мовий осмон тоғида,
Ярим ёрти дастурхонин бир амаллаб этди бут,
Ўзига бек бўлди бу юрт, Ўзбекистон бўлди юрт!

Қадам босса қадамлари кимларга малол бўлди,
Лойқа суви тина-тина, ахири зилол бўлди,
Топган бурда ширмой нони ўзига ҳалол бўлди,
Тангри ёғди осмонлардан бошига барака, қут,
Ўзига бек бўлди бу юрт, Ўзбекистон бўлди юрт!

Миллат тили қон йиғлади, адаб аҳли қақшади,
Чўлпонлари паналарда қоғозлар қоралади,
Китобларин ёқдилар-у, юрагин яралади,
Эй Туркистон, азобларни айтма йиғлаб ичга ют,
Ўзига бек бўлди бу юрт, Ўзбекистон бўлди юрт!

Сенинг номинг дунё билиб, тиз чўкади кўрасан,
Темурларинг яна қайтар ўзинг гувоҳ бўласан,
кўк тоқида ўн беш кунлик ҳилол бўлиб тўласан,
Тинчлик деган карвонларинг келаяпти интиқ кут,
Ўзига бек бўлди бу юрт, Ўзбекистон бўлди юрт!

Жума Арипов

18-01-2025 21:30
@She_rlarimdasan

О ноябрь, ёмғирларингни,
Соғиниб кутгандим, етдим ахийри!
Майин томчиларнинг остида якка,
Кетяпман, ҳамроҳим ёмғир шивири!

Мени ташвишлардан қутқарар буткул,
Ноябрь тонгининг сокин қуёши.
Табассум югурар юзимда майин,
Пайқаб етмагайдир ғамнинг бардоши.

Кузнинг тугаб битар паймонаси ҳам,
Тугаш чоғидаги ёмғири ҳузур.
Балки, оддийгина куз ёмғирининг,
Оҳангини буздим, тутсин-да маъзур.

Куз, сени соғиниб кутарман бир йил,
Зўрға илиниб турган япроқман.
Ёвқарашлар ила келмоқдадир қиш,
Энди жим яшашга маҳкум жумбоқман.

Кел сени ўғирлаб кетай ўзимла,
Куз, ёмғирларингда юрардик бирга.
Қишда меҳр йўқдир, совуқ вужуди,
Кел кузим, буркайин сени меҳрга!

Ишонма, алдайди қорпарча қурғур,
Қўлингдан тутибон музлатиб қўяр.
Ёз келиб, илиқлик берар ҳар маҳал,
У сени мен каби чин дилдан суяр.

Куз, мени севишга ундаган фаслим,
Япроқлар мисоли титрайман жонсиз.
Соғиниб боряпман декабрь яқин,
Бу ҳаёт қонуни шоиринг ожиз!

Жума Арипов
27-11-2023 00:00
@She_rlarimdasan

Нағмаларинг дилни хуфтон айлади,
Чиройинг ақлимни ҳайрон айлади,
Кўзларимни хонавайрон айлади.
Ёрижон ишқинг деб майли ўлойин,
Эй севги кўйингда далли бўлойин.

Қошларинг камонига наштар ўзим,
Наштарки нигоҳингда ханжар ўзим,
Магарки шайдо ўлса сенга кимлар,
Ғазаби куйдирар аждаҳар ўзим.

Ёрижон ишқинг деб майли ўлойин,
Эй севги кўйингда далли бўлойин.

Зулфларинг тинмайин исён қилади,
Лабларинг офати мужгон қилади.
Шакари гуфтор бўлай боғларида,
Беркиниб мани ул сарсон қилади.

Ёрижон ишқинг деб майли ўлойин,
Эй севги кўйингда далли бўлойин.

Қадаминг майда-майда босилмасин,
Кўкдаги ҳилол сенга сузилмасин.
Кўзларинг ўйнатмагил ошиқларга,
Аларнинг хаёллари бузилмасин.

Ёрижон ишқинг деб майли ўлойин,
Эй севги кўйингда далли бўлойин.

Севдея тақдирингда такрор бўлай,
Гарданингда тақилган тумор бўлай.
Туну кун эслаб эслаб жилмайгали,
Лабларингда бўсайи хумор бўлай.

Ёрижон ишқинг деб майли ўлойин,
Эй севги кўйингда далли бўлойин.

Жума Арипов

30-10-2024 01:00
@She_rlarimdasan

Масофа аҳамият бермас юракка,
На кўкда юлдузсан, на зарра тупроқ.
Борлигинг таскинлар беради дилга,
Исмингни эшитсам босади титроқ.

Ҳаяжон шаҳрининг сарҳадларидан,
Ўтолмай қийналган юраккинам бор.
Муҳаббат аталмиш йўлда хорланиб,
Сенга етмоқ учун ошиқаман зор.

Ахир офтоб бўлиб отдим тонгларда,
Сенинг қарашларинг инжу каби оқ.
Осойиш нелигин билмайди лаблар,
Маҳбусман ишқингга, маҳкумман мутлоқ.

Қайда биз соғинган ишқий достонлар,
Яна йўллар чалкаш, муҳаббат лоҳас.
Сочларинг ифори маст қилгани рост,
Шунда баҳрингдан тўйиб оларман нафас.

Бахтнинг эркагина мухлисларимиз,
На сен кетаолдинг, на мен айрилдим.
Кечмишга поралар бериб гар билсанг,
Пешонамга сени исминг ёздирдим.

Жума Арипов

28.10.2024. 23:23
@She_rlarimdasan