Assalomu alaykum, muhtarama opa-singillar! Aziz va mo‘tabar guzal ayollar!

Hayotimizning fayzi va ko‘rki bo‘lgan xotin-qizlarni e’zozlash, ularga hurmat va ehtirom ko‘rsatish xalqimiz uchun azal-azaldan buyuk qadriyat bo‘lib kelgan va shunday bo‘lib qoladi. Chunki, sizlar bilan hayotimiz go‘zal va mazmunli, xonadonlarimiz obod va nurafshondir.

Tabiat osmonu zaminga o‘zgacha ko‘rk bag‘ishlayotgan uyg‘onish faslining ilk bayrami – 8-mart Xalqaro xotin-qizlar kuni bayrami munosabati bilan Siz aziz ayollarni chin dildan samimiy muborakbod etaman!

Siz muhtarama, munis va mo‘tabar ayollarimizning borligiga ming bora shukrlar aytamiz, hamisha Sizlarga go‘zallik, oqilalik, latofat, ibo va eng asosiysi jamiyatimiz husni va ko‘rki bo‘lishlaringni tilab qolaman.
Bayramingiz muborak bo‘lsin aziz opa-singillar!

Hurmat va ehtirom ila
Tuman hokimi o‘rinbosari,
oila va xotin-qizlar bo‘limi boshlig‘i
D.Muminova