احمد الزينبي
الحساب الخاص @G616a
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 3 months, 3 weeks ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 5 months ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 5 months, 3 weeks ago
مولى مولى مولى
كلبي يشب وي ذكرك كلبي يشب
هذا اليحب
بس حسين وكلشي وهم
شيسوه حب بلايه ألم
عشك الخيم
مولى مولى مولى
اخذني من ذنوبي الدنيا خلصانه
اجيتك يلي ما سد مره بيبانه
عطش بيه الك يليروي عطشانه
يا حضرت غرامي
يتلعثم كلامي اكبالك واعتذر
بس كلبي الاملكه
وجيتك لا تعتقه واخذ العمر
اللهم ثبتني على حب الحسين
////////////////
مولى مولى مولى
عشكي دمع ماكو حب بلايه دمع
عشكي الجزع
قال مولى يا يبن شبيب
بس حسين وماكوحبيب
ابجي غريب
مولى مولى مولى
حرام الحركه اذا مو لنسلب هدمه
حرام الخيل تسحك ثاية النعمه
نشف ماي الكصص بس ما نشف دمه
ضامي وبالصحاري
ضل محبوبي عاري يا حركتي
ضامي وماله ناصر
ضايع بالحوافر يا دمعتي
/////////////////
مول مولى مولى
انه اعتذر هوايه كتلك انه اعتذر
مالي عذر
بس رحمتك كلشي حوت
ما ترد جفوف الاجت
مالي عذر
مولى مولى مولى
حصاد الحب وفه وكلمة ومواثيق
شوكت من غفلتك ياكلبي وتفيق
وانه دخيلك بدونك نسمه ما طيق
مخلص كلبي عذره
الدنيا شما تطشره جفوفك وطن
عذره وحبه وعده
وموش انته الترده ياخو الحسن
////////////////////
مولى مولى مولى
صدق القدم ثبت الي صدق القدم
ما عندي اهم
من مجلسك ما عندي اهم
من دمعتي ما عندي اهم
صدق القدم
مولى مولى مولى
احبك ياحزن سومرهن اجفوني
احبك يا عطش كلبي وحجي عيوني
احبك وانته شاذه عقلي وضنوني
يا صفنة حسرتي
يا موكد عبرتي ويا دنيتي
يا اخر كلامي
ويا حضرت غرامي ويا مهجتي
احمد
الزينبي
تغمض عيني شلون وتغفه وارتاح وانه بنص شام
حتى الميت كلبه يوجعه العينه هنانه تهده تنام
يمي خواني ورفة رايه تغمض عيني وكون خيام
بالشام هناك كلشي يجرح واليفشل تدري
خوانج وين شلون اجاوب وابدمع سد دربي
جا وحدج ليش شكثر هاي الجلمه تجرح كلبي
مو بالسلامه تغمض عيني بونيني كلبي يموت
بس الحسين وكلشي ما احجي بس ابجي اخر صوت
//////////////////// يا ضيعتي
كل ليله تمر اصبر وانطر هلبت عباس يرد ليه
وبين جفوفي تصير جفوفه واحجيله اعله المرن بيه
وارجع زينب ام الخيمه المو معيوفه ولا مسبيه
واكعدبحماه وترجع اعله لساني جملة خويه
واشبك يمناه كل عطش بالروح بيدك رويه
اي وا ويلاه تدوي بالحيطان اخ البيه
الليله اموتن واخر ليله اشكيله اعله فراكه
الليله اموتن والهم بيه محنيه ومشتاكه
//////////
شيصير يصير هاي الليله يخواني ام عون بعازتكم
حك الخوه يهل الخوه مرو بروحي هواي تحبكم
ادري عتابي يجرح يهلي هاي اجروحي الكلهن منكم
متعوبه هواي الليله ياروحي اعله هون ارتاحي
تعبانه هواااي رح اموتن وايدي فوك صفاحي
تعبااانه هواااي ما تهيد وياي تمشي جراحي
بالخوه اناشد حك الخوه واتلوه اعله خواني
غير اليموت يحضرون اهله يا فشله بس اني
///////////////////
اخر دمعه واخر حركه رح ابجيها وكلشي يهون
اخر جلمه ماتت بيه وين اخانج اه يم عون
كون الليله اخونج يمج متحزمين اعليج يلطمون
انا لله ماتت ام عون بجرح وحشتها
انا لله ماتت ومنتظره صوت اخوتها
انا لله اتمنت بسد الخيم موتتها
ماتت غربيه بلايه اهليها تبجيها تشيعهها
ماتت هضيمه ولا فزع هاشم ياوادم ودعها
احمد
الزيبني
متباركين بولادة
سيد الأوصياء
وحبل الله المتين بين الأرض والسماء
عماد الاتقياء
سبيل العرفاء
المُلقب بهل أتى
نجم السماء
العابد التقي
والزكي النقي
كوكب النور
وقطب الديجور
صاحب الرايات
والأيات البينات
قاسم ضهر المعتدين
ابا الحسن والحسين
والسادات الهادين المهديين
الضارب على خراطيم اهل الشرك حتى اهتدو
أية الله العظمى الأمام
علي بن أبي طالب عليه السلام
متباركين
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 3 months, 3 weeks ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 5 months ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 5 months, 3 weeks ago