Farzandlarni vatanparvar qilib tarbiyalash kerak, shundagina kelajak bugungi kundan ko'ra yaxshiroq bo'ladi.

✍Murod Komiliy

Hayot

Nimani ham orzu qilardim...
Hatto orzu cheksiz emasdir
Mayli orzu qilarman, ammo
Imkoniyatim bo'yimdan pastdir

Olam o'zi shunday yaralgan
Odamlarda nimadirlar kam
Shukronalik yetishmas bazan
Qolganlardan ustun bo'lsak ham

Yo'l qo'ymaydi orzu qilishga
Hayotdagi to'siqlar, g'ovlar
Bolta urar oyoqqa hatto
Do'stman degan ba'zi birovlar

Ucholmaysan qanoting yozib
Keng emasdir hattoki osmon
Bug'doy bo'lay deya chopasan
Lekin seni qilishar somon

Mayli deya ko'nasan oxir
Davom etar umrbod shu hol
Olib ketar orzularingni
Taqdir deya atalmish shamol

✍Murod Komiliy

Nasihat

Baland tog'ni ko'zlamasdan
Oyog'ingni ostiga boq
Ko'p so'zlarni so'zlamasdan
O'ylab ko'rib, nog'ora qoq

Hamma joyga tumshuq suqma
Har ko'chaga qo'yma qadam
Tashlamagin har vaqt luqma
Jim turishni o'rgan har dam

Quruq va'da har doim ham
Ustunlikni berolmaydi
Senga saroy va'da qilgan
Bitta g'isht ham terolmaydi

Uchma hech ham hoy-havasga
Ishonmagin har kimsaga
Gar ishonsang pul to'laysan
Yemay turib ham somsaga

✍Murod Komiliy

Oq-qora tasvirday boʻlar hayoting
Changita olmaysan maydonda oting
Vayrona boʻladi qilgan oboding
Agar atrofingda doʻstlar boʻlmasa

Yoshlikni eslashga topmaysan imkon
Yurasan tovonga botganday tikon
Goʻyoki dunyo bu kimsasiz makon
Agar atrofingda doʻstlar boʻlmasa

Toʻylar-u hasharlar mazmunsiz bari
Vaqtning oʻtishi ham telba teskari
Soʻzimni tasdiqlar ham yosh,ham qari
Agar atrofingda doʻstlar boʻlmasa

✍Murod Komiliy

Baxtni olislarga qoʻyarkan Alloh
Derkan: zahmat ila erishsin bandam
Bu soʻzning hikmati oson erishgan
Yutugʻin qadriga yetmaydi odam

Baxtni olislarga qoʻyarkan Alloh
Keyinchi,berarkan umid yurakka
Sinovlar,mashaqqat ,dardning yoʻlida
Bandasin hech qachon qoʻymaydi yakka

Baxtni olislarga qoʻyarkan Alloh
Lek unga erishish yoʻllari ayon
Sabrni hamroh qil va hayotingga
Baxt kirib keladi sen kutmagan on

✍ Murod Komiliy

Orzularing osmon qadar
Imkoniyating kamdir ammo
Ba'zan vaqting yetmay qolar
Ba'zan esa pul muommo

Rejalaring cheki yoʻqdir
Yozib chiqsa boʻlar doston
Lek amalga oshirishga
Yoʻl qoʻymaydi shubha-gumon

Keyiningni oʻylab doim
Tashlamaysan dadil qadam
Shuning uchun joʻrajonim
Boʻlib qolding oddiy odam

Qoʻrqoq boʻlma ,olgʻa yugur
Yarashmaydi senga bu hol
Xafa boʻlma doʻstim mendan
Kelmasin ham soʻzim malol

Osmon qadar orzularing
Osmon qadar rejalar ham...

✍Murod Komiliy

Mullavachchalar

Odamlar oldida boʻlar taqvador
Tunda faxshga botar uxlamay bedor
Ikki dunyosini qiladilar xor
Dinni niqob qilgan mullavachchalar

Hech kimga gap bermay soʻzlaydi vazlar
Telefonda esa nomahram qizlar
Sudxoʻrlik qilib ham jannatni koʻzlar
Dinni niqob qilgan mullavachchalar

Jamoa oldida soʻzlar hadisdan
Shayxlarga oʻxshaydi bazan olisdan
Xafa boʻlib yurmang biz aytgan soʻzdan
Dinni niqob qilgan mullavachchalar

✍Murod Komiliy

Bugun kaminani tugʻilgan kuni???

Oilam

Tanim sog'lom,ruh esa sokin
Hayot yo'lim ravon va tekis
Baxt yetarli... Dilni zabt etgan
Muhabbat deb atalmish bir his

G'am-anduhga hatto bir sekund
Hayotimda yo'qdir sira vaqt
O'ylab ko'ring, g'amga ne hojat
Kutib turgan bo'lsa sizni baxt

Uyda kutar otam va onam,
Darvozani har kun keng ochib
Qaytgunimcha kun sanab yorim
Kutar tunda uyqusi qochib

Singlim ham bor yakka yagona
Aka degan so'zi bir olam
Shular baxtim, shular quvonchim
Mening baxtim - mening oilam

Shuncha baxtni bergani uchun
Yaratganga aytaman rahmat
Yozganimni o'qigan barcha
Qadrdonlar, bo'ling salomat

✍Murod Komiliy

Kuz
Xazonlarni boshlab keldi kuz
Yuraklarni gʻashlab keldi kuz
Bilmay qoldim qaysi joylarga
Quvonchimni tashlab keldi kuz

Barglar kabi sargʻaydi yuzlar
Soʻlgan gulday soʻnyapti koʻzlar
Manzili yoʻq yoʻlovchi kabi
Egasini topmadi soʻzlar

Ostin-ustun boʻldi bu dunyo
Xazonlarga toʻldi bu dunyo
Yuragimdan tezroq ketgin,kuz
Sen kelding-u, oʻldi bu dunyo

Tashvishlarni olib kelding kuz
Yurakka gʻam solib kelding kuz
Senga boʻlgan nafratim cheksiz
Sendan koʻra iliq menga muz

✍Murod Komiliy