كضت من كربله ام عون ٠٠٠وعملها
ومصاب حسين نحلها ٠٠٠٠٠وعملها
العين وعكبه ماتمت٠٠٠٠٠٠٠٠عملها
بأجلها لحكته اليوم السبيه

╌────═❁═────╌

دمعي ونوحي هاليله  ٠٠٠٠اوجبلها
للبعدها منسبت حرمه ٠٠٠٠اوجبلها
يطارش اوصل  الطف ٠٠٠٠اوجبلها
الكافل خل يشيع الهاشميه

╌────═❁═────╌

✍نور الولايه الفاطميه

(لحن يافاطمه يم الحسن)

صوت اعتلى من المشرعه
نعش اختي ياهو الشيعه
حسين انهشم منه الصدر
وانه جفوفي امكَطعه
▣========▣◈▣========▣

وكت المنيه ام الخدر ضلت تدير عيونها
لرض الغري والكربله تريد الذي يحضرونها
ماتت وسف  يم الغرب والغربه اليشيعونها
ولو نزلوها بالگبر خافن يأذي امتونها
وجفها ومتنها امن اليسر
باقي اثر سوط الشمر
وراحت اسيره بت علي
عگب المعزه والخدر
▣========▣◈▣========▣

من الشام واسمع بس عتب ياخويه هيج الخوه
بيد الغرب تالي اندفن معقوله هاي النخوه
ربيتك وذاك الربه غيرة علي يالتسوه
يازينب شبيدي انه قدر الله هذا وبلوه

من النعش اسمع همس
زينب انه بااخر نفس
أدفني خويه بكربلاء
وهناك أأمن من احس
▣========▣◈▣========▣

اتمنى يابت حيدره جفي الزمان ايرجعه
للشام اجي واتعنى الج واترك يخويه المشرعه
وجسام اجيبه وي علي وحسين امر المصرعه
وبارض البقيع المجتبى يحضر ونعشج نرفعه
نصيحج يبت سيد البشر
نعشج ترى انشال بفخر
لجن يزينب محضرت
وجف يمنتي ضل عالنهر
▣========▣◈▣========▣

الطيبه منهو الي يصل يگلهم  ترى ضلت مره
بالشام وبديره غرب بت فاطمه وبت حيدره
ونعش  العقيله ام الخدرخافن غريب الينضره
يازينب اعتابج وصل ومنج اريد المعذره

ريت احضرج واوفي الوعد
لاجني مصيوب بعمد
تدريني ناذر هامتي
وجفي الج من المهد
▣========▣◈▣========▣

أنفض تراب المگبره مابيه حيل معاتبج
هدم دليلي ياخلگ نار العتب وي اخوتج
جايج انه ويه علي نحضر يخويه دفنتج
حسين انقهر صاح بألم جابتني زينب كلمتج

لمن وصلنه للگبر
شفنه علي متمم حفر
لحد يگول بيد الغرب
اندفنت أخيتي ام الخدر
▣========▣◈▣========▣

✍باقر جبار الشويلي

✍نور الولايه الفاطميه

عباس لو طب حرب يكضي العدد...  .  شا ربه
وبالطف جيوش العده لاوي الكفل.    ... شاربه
ومن گصد يم  النهر وشال اللوه.......   شار به
الجان واكف حرس يطلب حرس.....حامي له
وگباله كلمن وگف چا الليث هد.......حامي له
عفيه اعله طف كربله شلون الگمر......حامله
يمحيها من الارض لو بس عذب.........شاربه

✍نور الولايه الفاطميه

هاليله الزهره نواسيها
ونعزي حسين وهاديها
،،،،،،،،،،،،،،،،،،،،،
نواسيها على السمو جبده
لا حاضر حيدر لاجده
بس حسين لينحب عنده
دمعاته على الخد يجريها
---------------------------------------------------

كَعدت زينب يمه بحسره
ااه تون وتبجي الحره
وتنادي وينج يل الزهره
بنتج يايمه اتعينيها
-----------------------------------------

مسموم ابنج لونه اتغير
من سم اعداه جبده اتوذر
ويون يل الزهره ومايكدر
لو حضرت زينب يخفيها
---------------------------------------------------
حضرو كل اهله يودعونه
وعلى عياله ادير عيونه
ويكلهم راح يمنعونه
دفني وجثتي سهام اعليها
---------------------------------------------------
والجثه اسهام يصوبوها
ومنعوا يم جده يدفنوها
ياوسفه اعداه ماخلوها
واختاض العباس عليها
---------------------------------------------------
سل سيفه العباس واغضب
وكله حسين ويمه تكرب
لمن باجر تعطش زينب
أكلب سافلها وعاليها
---------------------------------------------------

• ✍نور الولاية الفاطميه