O'lim haqida va'z

Rasululloh sollallohu alayhi va sallamning qizlari Fotimai Zahro vafot etganlarida, u kishining janozalariga toʼrt kishi – Hazrati Аli roziyallohu anhu, ikki oʼgʼillari Hasan va Husayn, Аbu Zarr roziyallohu anhu hozir boʼldi. Qabrga qoʼygan vaqtlarida Аbu Zarr aytdilar: “Ey qabr! Senga kimni olib kelganimizni bilasanmi? U Rasululloh sollallohu alayhi va sallamning qizlari, Аlining roziyallohu anhu jufti haloli, Hasan va Husaynning onalari Fotimai Zahrodir”. Shunda ular qabr tomondan: “Men hasab va nasab oʼrni emasman. Faqatgina solih amal oʼrniman. Mendan faqat yaxshiligi koʼp, qalbi salomat, amali solih boʼlganlargina salomat qoladi”, degan nidoni eshitdilar.

Аbu Lays Samarqandiy aytadilar: “Qabr azobidan salomat boʼlishni istagan kishi toʼrt narsani lozim tutishi va toʼrt narsadan chetlanishi kerak. Lozim tutishi kerak boʼlgan toʼrt narsa: namoz, sadaqa, Qurʼonni koʼp tilovat qilish, tasbehni koʼp aytish. Bular qabrni nurafshon va keng qiladi. Chetlanishi lozim boʼlgan toʼrt narsa: yolgʼon gapirish, xiyonat qilish, chaqimchilik, tik turib bavl qilish”.

Аbu Bakr roziyallohu anhudan: “Jon tanadan chiqqandan keyin qaerga ketadi?” deb soʼrashganda, u kishi: "Yetti joyga ketadi. Paygʼambarlarning ruhlari Аdn jannatiga, ulamolarning ruhlari Firdavs jannatiga, saodatli kimsalarning ruhlari illiyyinga, shahidlarning ruhlari jannatda xohlagan yerlarida uchib yuradigan qushlarning ichiga ketadi. Gunohkor moʼminlarning ruhlari qiyomatgacha osmon bilan yerning oʼrtasida muallaq turadi. Moʼminlar farzandlarining ruhlari mushkdan boʼlgan togʼda boʼladi. Kofirlarning ruhlari sijjinda qiyomatgacha jasadlari bilan birga azoblanadi".

©"Musulmon uchun 30 vaʼz" kitobidan.

***Qachon qalblar Allohdan yiroqlashsa, yuz o‘girishga yuzlansa, qalb sohibiga lozim bo‘lgan narsa Allohning valiylarini ziyorat etsin. Unga bundan boshqa najot bilmayman.

©Abu Turob Naxshabiy quddisa sirruhu***

***Insonning qalbi Alloh taoloning jamoliga yetgandan keyin, tuproq ham ruhoniyat holatiga o'tib, uning har bir zarrotida Alloh taoloning jamolini ko'radigan hol paydo bo'lar ekan.

©Hazrat Ahmad Boqiybilloh***

Bir ziyonga uchrash bir qancha ziyonlarni daf etadi. Jismimiz, molimiz jonimizga fidodir. Jonimizga keladigan balo jismimizga, molimizga keladi. G'azabga uchradingmi podshohlarga mol-mulkingni berib, boshingni qutqarasan. Ish bilmaydigan johilmisan? Falokatga uchragach podshohdan molingni yashirishga tushasan.

©Qalb ko'zingni och!

Rizq darajalari
Mol-dunyo: U rizqning eng past, quyi darajalaridandir.
Ofiyat, salomatlik: U rizqning eng oliy, yuqori darajalaridandir.
Farzandlar salohiyati, qobilligi: U rizqning afzalidir.
Robbul a'lamin – Alloh taoloning rizosi: U eng mukammal, tamomiy rizqdir.

© Shayx Sha'roviy rahimahulloh

Aql-zakovatda kamolga erishish bilan Allohga yetib bo'lmaydi. Podshohning fazl-u ehsoni ojizligini bilgan kishidan o'zgani tan olmaydi.

Agar darding senga Robbingni xotirlatayotgan bo'lsa, barcha dunyodan xayrliroqdir...

Nafsingni qurbon qil, ruhing tirilsin!..

Har jonni o'lim sharbatini va faqatgina ba'zi bir Jonlarni hayot sharbatini totishini bildim...

#duo
اللهُمَّ إِنِّي أَسْتَخِيرُكَ بِعِلْمِكَ وَأَسْتَقْدِرُكَ بِقُدْرَتِكَ وَأَسْأَلُكَ مِنْ فَضْلِكَ العَظِيم فَإِنَّكَ تَقْدِرُ وَلاَ أَقْدِرُ وَتَعْلَمُ وَلاَ أعْلَمُ وَأنْتَ عَلاَّمُ الغُيُوبِ؛ اللهُمَّ إِنْ كُنْتَ تَعْلَمُ أَنَّ هَذَا الأَمْرَ خَيْرٌ لِي فِي دِينِي وَمَعَاشِي وَعَاقِبَةِ أمْرِي أوْ قَالَ: عَاجِلِ أمْرِي وَآجِلِهِ فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ، وَإِنْ كُنْتَ تَعْلَمُ أنَّ هَذَا الأَمْرَ شَرٌّ لِي فِي دِينِي وَمَعَاشِي وَعَاقِبَةِ أمْرِي أوْ قَالَ: عَاجِلِ أمْرِي وَآجِلِهِ فَاصْرِفْهُ عَنِّي وَاقْدُرْ لِي الْخَيْرَ حَيْثُ كَانَ ثُمَّ رَضِّنِي بِهِ.