Yana o'sha kuz... yana xazon...
Kuzning qoq yarmidan ham o'tibmiz. Hayot charxpalagi aylanishda davom etmoqda. Hamma o'z yo'lida, o'z bilganicha va xohlaganicha yashashda, hayot uchun kurashda davom etmoqda. Vaqtning qadri oxirgi paytlar hammaga birday sezilganday go'yo... Masalan, shaxsan menda shunday. Vaqt haqidagi paradoks hayotimga kirib kelganday... 🪂Inson band bo'lishi kerak, shunchalar band bo'lishi kerakki, o'tmish haqida, mayda-chuyda, oldi-qochdi gaplar haqida gaplashishga, odamlarni muhokama qilishga, g'iybat qilishga, bekorchi narsalar ko'rishga, siqilishga😁 vaqti bo'lmasin. Hamma narsa bekorchilikdan kelib chiqadi.
🪂Shunchalar band bo'lganingdan oila a'zolaringga, yaqin insonlaringga va hatto o'zingga ajratishga tuzuk-quruq vaqting bo'lmasa, sevgan ishlaring bilan shug'ullana olmasang, xohlagan payt xohlagan joyingga bora olmasang, tabiatdan zavq olishga va go'zalliklarni tomosha qilishga vaqting bo'lmasa, kundalik yurita olmasang va eng asosiysi kitob o'qiy olmasang, o'z ustingda ishlay olmasang... bunday bandlik kimga kerak? Qaysi to'g'ri qaysi noto'g'ri bilmay qoldim rosti...
To'kilayotgan barglar ostida yoki issiqqina ko'rpaga o'ranib, kofe bilan kitob o'qishga ehtiyojim bor. Kitob o'qishga ehtiyojim ham xohishim ham o'ta kuchli. Lekin... bandman...shunchalar bandmanki...
Sizchi, siz hayotingizda vaqtni qanday taqsimlagansiz? Kuzning mahzun kunlarida qaysi kitob mutolaasi bilan bandsiz?
@aromaofbooks

Odamlarning gapiga ishonmang. Shunchaki ularning nima qilayotganiga e'tibor qarating.
Yeguda Berg
@aromaofbooks
Oktyabr bilan! Kuz bilan! To'kilayotgan barglar bilan!

Hayot qizig'-aa... Umr so'qmoqlaridan birma-bir yurib boraverasan. Har xil ko'chalarga bosh suqib ko'raverasan. Oldin yurgan yo'llaring senga tanish, yangilari esa jumboq va sirliligicha qolaveradi. Yangi so'qmoqlarni sinab yura boshlaganingda sen o'zingni eski yo'lingda yurgan o'zingday his qila olmaysan. Nimadir o'zgargan, nimadir yaxshilangan, qaysidir odatlardan voz kechilgan, qaysidir xarakterlar unutilgan bo'ladi.... Sharafli kasb \- o'qituvchilik maqomiga erishdim. Alloh menga shu baxtni nasib qildi. Behisob shukr. Ishlaydigan jamoam menga juda yoqadi: mehribon, samimiy va yaxshi insonlarga yo'liqtirdi***🥰***Behisob shukr. Karyera degan boshqa katta hayotni boshladim desam ham bo'ladi. Sevimli o'quvchilarim va sevimli kollektivim bilan barini unutaman***😊***``Lekin, lekin sevimli odatimdan xohlamay voz kechish menga qattiq ta'sir qilyapti. Kitob o'qimay qo'ydim. Umuman o'qimayapman. Kitob o'qish zavqini unutgandayman... Yana oldingiday erkin, bemalol, hotirjam va kitob o'qishga judayam ko'p vaqti bor, bloknotlarini to'ldirib bir nimalar qoralab, sevimli mashg'ulotlari bilan xohlagancha shug'ullanadigan Muqaddasga qaytgim kelyapti... ,,Graf Monte Kristo'' asarida Graf aytganiday : ,,Hozirning huzurini ko'rayveraylikchi, u yog'i bir gap bo'lar'' @aromaofbooks

Butun boshli katta va mashhur kitoblar kanalida(https://t.me/dildora_bookaholic) kitoblar tanlovida tasodifiy raqam orqali kitob yutib olish qanday baxt??
Kecha menga tasodifiy 72 hamda 73 raqamlar berilgandi. Randomda 73 raqam chiqdi?Ernest Xemingueyning ,,To'qchilik va yo'qchilik'' kitobini yutib oldim?
Shunaqa tanlovni tashkillashtirgan Dildora opaga kattadan katta rahmatlarimni va samimiy tilaklarimni izhor qilib qolaman???
@aromaofbooks

Ali Jobir Fayfiy - ,,Chunki U Allohdir'' kitobi.
Diniy kitoblar bilan dunyoviy kitoblarni bir xilda o'qib, teng olib ketishga harakar qilaman. Yaqinda tugatgan ushbu diniy kitobdan juda ko'p yangi diniy bilimlar oldim.
Kitob o'zida Allohning ismlari va ularning ma'nolarini, to'g'ri duo qilish usullarini, Payg'ambarlarimizga doir rivoyatlarni jamlagan. Kichik hajmli bo'lishiga qaramasdan, asar har tomonlama mukammal yozilgan.
Iymonni yanada mustahkamlashga doir kichik va dastlabki kitoblardan hisoblanadi.
@aromaofbooks

Uinston Grum - ,,Forrest Gamp'' asari
O'zi ovsar, dovdir, ahmoq lekin bir vaqtning o'zida har sohada muvaffaqiyatli inson haqida eshitganmisiz hech? Forrest Gamp - juda omadli telba, unda aqliy salohiyat bilan muammolar bor. Lekin samimiy, atrofidagilardan yordamini ayamaydigan qahramon.
Asar nima haqida? Asar Forrest Gamp obrazi orqali achchiq kulgilar zamirida jamiyatdagi o'zgarishlarni oddiy Amerika aholisi hayotiga qanday ta'sir qilgani haqida. Mutolaa davomida ahmoq so'ziga yuz martalab duch kelasiz. Lekin, bunday o'ylab qaralsa, haqiqiy ahmoq aslida kimligi haqida mulohaza qilishga undaydi muallif. Shu o'rinda bir savol! Aslida ahmoq kim? Hoziri bilan yashayotgan , sodda, go'l, to'g'riso'z Forrestmi yoki ming xilda niqoblangan jamiyatmi?
Asarning bosh qahramon tilidan hikoya qilinishi mutolaani yanada zavqli qiladi. Asarda fantastika, komediya va satira janrlari aralashmasiga duch kelasiz. Romantika nisbatan kam, lekin Forrestning sevgisi tahsinga sazovor.
O'zi 200 varaqli kichik kitob, o'qib ko'rishingizni tavsiya qilaman.
@aromaofbooks