اااامممم وبس ماعاد دريت ماعاد اسأل نكتفي لاهانا يلا وروني تفاعلكم بالتصويتات عشان بكره ننزل استفتاءات حول رواية بعد المطر🥺😍💚

كتب الله اجركم جميعًا وتقبل الله دعواتكم بحق محمد وآل محمد.. ❤️‍?

تفاعلوا عشان بكره بنزل نفس الاستفتاء لكن على شخصيات الروايات والقصص??

قد تبدو الأيام كمياه راكدة
قمر لا ينام وليالٍ باردة.. ?

آرائكــم حول القصـةة تهمني وجدًا??..

ِ

طريقي نحو الجحيم٢

للكاتبة /أميـرة اليــــمن

البارت الثالث عشر ــــ الجزء الثاني
ـــــــــــــــــــــــــــــــــــــــــــــــــــــــــــــــ

دخلت لاغرفة امي وانا اتكلم: العلاج وصل يمةة

ام هاشم بتعب: الحمدلله هات اشربه

جلست جنبها وانا ارد: لا هي ابره مش حبوب قومي افعلها لش هيا

ام هاشم: وعتفهني يا ولدي قد ظهري بين احسه نصين

هاشم وهو يخلط لابره ويسبرها: ايوة اكيد  ان شاءالله ماعاد تحسي بوجع.. يلا اوقفي افعلها لش

ام هاشم وهي توقف: الله يرضى عليك يا ولدي

هاشم: امين يارب... ضربت لها الابره بسرعه وساعدتها تجلس وانا اتكلم: شوية وتفتهني ان شاءالله..

ام هاشم بتعب: ان شاءالله.. دفيني برد

دفيتها بثنتين بطانيات وحبيتها براسها وخرجت من الغرفة.. على دخول امين من باب الشارع: هاه جيييت

امين: لا عادنا هانك

هاشم: هاهاهاها ظريييف

امين: ههههههه كيف امي

هاشم: الان ضربت لها ابره وان شاءالله ترتاح انت ادخل للمطبخ تغدا ذلحين قد انت جاوع

امين: اي والله وين طرحتوا غدايا

هاشم؛ فوق الدولاب تغدا ونظف بعدك

امين وهو يدخل للمطبخ: ههههه حاضر.

.

.

جبست فوق تلفوني في غرفتي من موقع لا موقع وامين بغرفته بيذاكر وامي ما زالت نوم من بعدما سويت لها الإبرة.. فزيت ورجمت تلفوني على صوت صرخة امين .. وقفت بسرعه وخرجت من غرفتي وبسرت الصوت جايي من غرفة امي وسعيت لاهانك وانا اتكلم برعب: مالك بتصيح ايش حصل

لف لي امين اللي كان راس امي بحضنه واتكلم بعيون ملان دموع: امي ما رضيت تقووووم تعال قومهااااا يا هاشم..

تقدمت بخطواتي ونظري مثبت على امي اللي بلا حراك بحضن اخي.. شليت راسها لاحضني وداعيتها بهمس: امااااه.. اماااااه.. ضربت على خدها بالخفيف وبصوت مهزوز: اماااه جاوبيني.. اماااااه... مسكت يدها بتردد وتحسست نبضها وتوسعت عيوني لمن ما حسيت عليه والنبض موقف.. فلت ليدها اللي تراخت للقاع وصحت بصوت عالي وانا اشد امي لحضني: اااااااممممماااااااااااااااااااااااااااااااااااااااااااااااااهه

امين ببكاء: ماااااااتت... امنا ماتت يا هاشم صح ماتت والله ماتت

هزيت نفسي بشكل لا ارادي وانا من حضني لامي واتكلم بشكل مصدوم: لا مستحيييل كيف مااات اكيد كذب.. لا امي ما عتموت عادها بخير، وسويت لها ابره... وبصوت اعلى.. لااااااااا ما عتموووت امي.. اميييييين

امين بغصه: هاه

هاشم بعصبية: شل مفاتيح السيارة من جيبي بسرعه وشغلها لوما اخرج امي نسعفها بسرعه

فز امين بسرعه وشل المفاتيح من جيبي وخرج بيحمل... وانا شليت امي بحضني وخطيت بخطوات متسارعه خارج من البيت نافي لفكرة ان امي ماتت هكذا بكل بساطة..!!!

.

.

عظم الله اجركم والبقية في حياتكم.... اقسى الكلمات اللي سمعتها بحياتي.. جمدت مكاني بصدمة بينما امين اخي بكي بشكل يقطع القلب

الدكتور بآسى لحالتنا: تفضلوا معي للمكتب لازم نتكلم ضروري

خطيت بغير اراده خلف الدكتور بعدما شديت امين اللي بيبكي معي..

دخلنا للمكتب ومازلت في صمتي وامين مو ينسمع الا صوت شهقاته..

الدكتور: من ايش كانت تعاني الوالدة

خرجت من صمتي وببلاهه: هاه

الدكتور: الوالده ايش كان مرضها

هاشم: ظهرها بيوجعها له فترة كبيرة

الدكتور: وعلى ايش بتدوا لها العلاج

هاشم: على اساس الفحص ورشتة الدكتور

الدكتور: طيب انت عارف ايش السبب اللي ادى لوفاة امك

هاشم بترقب: ايش هو

الدكتور: علاج منتهي الصلاحية..

هاشم وامين بصدمة: ايييييش

الدكتور: نعم سبب الوفاة اعطاء المريضه ابره منتهيه الصلاحية مما ادى لوفاتها بعد عشر دقايق من اخذها بالضبط

امين: كيف هذا يا دكتور ما بتقول

الدكتور: هذا ما كشفته الفحوصات واصلا امكم لها ميته حدود الثلاث ساعات

هاشم شديت على يداتي بشكل قوي لوما حسيت عروقي عيتفجرين وهمست بصدمة: اشرف

امين ببكاء: هاشم بتسمع ما بيقول

بسرته بدون رد ولفيت لكلام الدكتور: لازم تكلمونا من وين شليتوا هذه الابره عشان الشرطة تتخذ الاجراءات المناسبة لان كثير وصلتنا مصل هذه الحالات هذه الفترة..

لفيت بسرعه وخرجت من المكتب وانا شبه بين احمل..

سعي بعدي امين وبيداعيني..

لفيت له وتكلمت: خليك هانا تابع الإجراءات انا شوية وارجع.. خرجت له زلط من جيبي وتكلمت.. ابسر ما يشتوا وجهزوا امي نخرجها... لفيت وخرجت بسرعه بدون ما التفت له وما بين عيوني الا اشرف الكلب..!!

يتبع.....

روايات الكاتبة أميـرة اليــمن
https://t.me/ggsggt

وأنا يا إلهــي قد قلة حيلتي وتعبت من محاولاتي
وهزل جسدي وخُفت نظري وقصرت بصيرتي وإنطفأت إرادتي ومات حلمـي وشغفـي وتحطم حلمـي قبل أن يبتدي
وتعثرت قبل أن أصل ?
فهل لـي بعفوک ورحمتـک لعلک تشملني بها
هل لک لتنظر لحالي وقلبـي المحطم منذ امـد
هل لک لتنتشلني من بين کل هذا الحطـام والتشتت
يا إلهــــــي??

#أميـرة_اليـمن