Лондон ҳақида қисқача

(Имло хатолари таҳрирланди)
Бу ерда тили бурролар тадбир уюштириб, "фаол" бўлгани бир тийин экан.

Мен ҳиндлар ва хитой, корейс ва япон талабаларини кўриб мактабдаги олган билимларига тан беряпман.

Хуллас, мен шунчаки бўм-бўш мия билан магистратурага келиб қолибман. Масалан, гуруҳдаги ҳамма математикани чачворади. Сиз ўйлаган даражада эмас, яхши билади дегани ҳам эмас- булар "чачворади".

Шунақанги тенгламаларни улар мактабларидан ўрганиб келишганки мен уларга ҳалиям ета олмаяпман.

Компьютерни, оффис дастурларини, ҳар хил программалар ва дастурлашни ўзимча яхши биламан десам, бутун гуруҳ (ҳа ишонинг!) ҳар бири мендан яхши билади.

Дунёқараш жиҳатидан ҳам биз Марказий Осиё талабалари оқсоқмиз экан. Улар шунақанги дунё таниган брендларни эгаларидан тортиб, улар нима ишлаб чиқаради-ю қайси маҳсулоти яхши эканини билишади. Мен бўлса ҳалиям кофе турларини фарқига бормайман.

Сиз ўзингизни Ўзбекистонда туриб "Келажак бизники, шу туришимда Ўзбекистонни дунёга танитаман" деманг.

Мен шунақа деб хато қилганимни, биз ростан юртимизни юқорига олиб чиқмоқчи бўлсак, ростакамдан ўқишимиз кераклигини  Лондонга келиб билдим.

Биз орқада эканмиз кўп соҳада. Давлат сиёсати ёки иқтисодий нуқтаи назардан эмас, оддий мактабдаги асосий фанлар кўникмаларидан уларни амалиётда тадқиқотигача.

Бизни яна энг катта айбимиз— бу нолойиқ бўлган номзодларга катта рағбатлар беришимиз. Мисол учун: бизнинг "Навоий"," Беруний "ва" Зулфия"ни олаётган болалар келиб, Нью-Йорк, Лондон ва Токио шунга ўхшаган шаҳарлардаги бизнес марказлардан юқори лавозим тугул, қабулхоначиликка ҳам ишга кира олмайди. Нега?

Чунки у ерда биздаги "фаол"дан олдин гинд ёки хитойлик ишга топшириб бўлган. Ундан устун бўлиш учун "Компаниям—фахрим" деган видео ясаб келсангиз ўтмайди.

Бу ерда, яъни Лондонда, яхши оффис ишига киришингиз осмонопар бинода ишлашингиз учун ростакам юзма-юз  интервью бўлади.

Улар сиздан ютуқларингизни умуман сўрамайди. Улар сиздан билим сўрайди. Уларга сизнинг 2 та мақола орқали ҳар кимга бериладиган Қозоғистоннинг хусусий кўкрак нишонлари бир тийин. Улар илм сўрайди.

Хулоса

Бу фикрлар ҳеч кимга негатив қаратилмаган лекин, кўзимизни очишимиз керак. Дунё ортида биз талабалар анча ортда қоляпмиз. Сиздан илтимос, "Мен энг фаол, энг зўр талабаман" деманг. Англияда сиз тенги одамлар анча-мунча сизнинг ва бизнинг келажакдаги иш жойларимизни эгаллаб, қўлимиздан олиб бўлишмоқда.

Ўқинг биродарлар!!!

Алишер Ҳашимжанов

@pedagogik_mahorat01

? Ma’lumki, Ta’limni rivojlantirish respublika ilmiy-metodik markazi tashabbusi bilan 2024-yilning 4–10-yanvar kunlari umumiy oʻrta taʼlim tashkilotlari pedagoglari uchun orqali Metodik marafon tashkil etilmoqda.

? Marafonda ishtirok etish uchun taqdimotlar @metodik_marafon_bot telegram botiga yuboriladi. Bunda taqdimot hajmi 50 MB'dan oshmasligi kerak.

? Bugungi kunga qadar Metodik marafonda ishtirok etish uchun turli fan mavzulari bo‘yicha 100 ga yaqin taqdimotlar kelib tushdi.

? Jarayonda yuzaga kelayotgan savollarga javob berish maqsadida joriy yilning 27-dekabr kuni soat 15:00 dan 16:00 ga qadar @trm_metodika kanalida Taʼlimni rivojlantirish markazi masʼul xodimlari ishtirokida onlayn muloqot oʻtkaziladi.

? Muloqot davomida jarayonlarni tashkil etish va o‘tkazish boʻyicha oʻzlarini qiziqtirgan savollarga javob olishingiz mumkin.

❗️Shuningdek, jarayon bo‘yicha savollaringizni@trm_metodikabot manziliga #Savol heshtegi bilan yuborishingiz ham mumkin.

Kanalga ulanish:?****https://t.me/trm_metodika

Мактабгача таълим бўйича фойдали контент очдим. Ота-оналар ва мактабгача таълим педагогларига тавсия қилинг?
https://t.me/alfabolalar/11

Telegram

Альфа болалар

***🪺***Сенсомоторикани ривожлантирувчи ўйинлар Бола сезги органлари ёрдамида ўз ҳаракатлприни бошқариш, иккала қўл билан  ўзаро таъсир қилиш, диққатни жамлаш ва эътиборни жалб қилиш, рағбатлантириши учун фаолият. ***👇***Каналга уланиш***👇*** @alfabolalar

https://youtu.be/cFtg2xub10E?si=FtNRKQZ5iVnxmPlz

YouTube

Students with Disabilities: Special Education Categories

RESOURCES ON STUDENTS WITH DISABILITIES: https://www.teacherspayteachers.com/Product/Students-with-Disabilities-Special-Education-Categories-4627330 MAKE YOUR OWN WHITEBOARD ANIMATIONS. CLICK THE LINK! http://tidd.ly/69da8562 . This is an affiliate link.…

​​Дарсда дам олиш босқичи бўлиши керакми?

Ҳа, мумкин ва бу "динамик пауза" усули деб аталади. Агар сиз ўқувчиларингиз чарчаганини ва олдинда ҳали кўп иш ёки қийинчиликлар борлигини ҳис қилсангиз, пауза қилинг! 

Баъзида энергияни ҳаракатга келтириш ва тиклаш учун 5 -10 дақиқа қизиқарли ва фаол ўйин ташкил қилиш керак бўлади. Биз расмиятчиликка ёпишиб олганимизда, қолган бутун дарс дақиқаларини самарасиз ўтказишимиз мумкин. Биз ҳеч қачон ҳеч қайси болани, унинг ўзи руҳсат бермаган пайтда бошқара олмаймиз.

Дам олиш вақти учун мисол:

Мимика ўйини: Ўқувчилар йилнинг исталган вақтини (ёки бошқа бирор бир нарсани) сўзсиз тасвирлаб беришади.  Бошқалар йилнинг шу вақтини тахмин қилишлари керак.

"Фойда билан дам олинг" динамик паузаси.

Ўқитувчи, масалан, инглиз тили дарсида "Ранглар" мавзусидаги ўқувчилар сўз бойлигини мустаҳкамлаш учун фаол ўйин ташкил қилади. Ўқитувчи яшил рангга  таъриф берса - ўқувчилар ўрнидан туриши керак, агар қизилни тасвирласа - ўтиришлари керак, агар сариқ ранг ҳақида гапирса - қўллари билан бир маротаба қарсак чалишлари, агар кўкни тасвирласа  - сакрашлари керак ва ҳоказо.

@pedagogik_mahorat01

​​O'quvchilar xotirasini kuchaytiruvchi o'yinlar

Ob'ektlarni yodlash o'yini

Ushbu o'yin kimyo, fizika, texnologiya fanlarida qo'l keladi. Tegishli vositalar va materiallar bilan o'quvchilaringizni yangi mavzuni tanishtirishning qiziqarli usulini izlab yurgan bo'lsangiz — bu usul aynan siz uchun!

O'tkazilishi

Sinfdagi stolingiz ustiga kamida 15 xil ob'ektni joylashtirasiz va o'quvchilar ularni ma'lum vaqt oralig'ida o'rganadilar.Vaqt belgilashda o'quvchilarning yoshidan kelib chiqasiz. O'quvchilardan ular haqidagi tavsilotlarni eslab qolishlarini so'rang.

Shundan so'ng ob'ektlar ustini yoping va bolalardan bu jihozlardan qanday maqsadda foydalanish mumkinligi haqida so'rang. Yoki proyektor ekranida tasvirlarni ko'rsatib, takrorlashlarni tashkil etishingiz ham mumkin.

"Gapni tugating'' o'yini

Siz ushbu o'yindan o'quvchilarni so'z yodlash va diqqatlarini jamlash ko'nikmasiga o'rgatish uchun foydalanishingiz mumkin. Doskaga jumlaning yarmini yozasiz, o'quvchilar uni davom ettiradilar. Masalan, "Men ta'tilga ketyapman" kabi gapning yarmini yozib, ikkinchi yarmi uchun bo'sh joy qoldiring.

Birinchi raqamdagi o'quvchi doskaga chiqib, “Men taʼtilga ketyapman va itimni o'zim bilan olib ketaman” kabi biror fikrni qoʻshadi. Shundan so'ng, har bir o'quvchi o'zinikining fikrini kiritishdan oldin avvalgi gapni tugatadi.

@pedagogik_mahorat01

Men Gulnoz Xodjayeva, ushbu kanal adminiman. NamDU va QDPI bitiruvchisiman. Mutaxassisligim: Ingliz filologiyasi va ijtimoiy-gumanitar fanlar. 1-toifali o‘qituvchiman.

•O‘zb Res Prezidenti huzuridagi “Iste’dod ” jamg‘armasi sertifikati;
•"Innovatsion texnologiyalar asosida o‘qitish" loyihasi g‘olibi;
•"Yilning eng faol yosh o‘qituvchisi" ko‘rik-tanlovi g‘olibi;
• “Eng tashabbuskor yosh o‘qituvchi" ko‘rik-tanlovi g‘olibi;
• “Ta’lim texnologiyalarini o‘qitish ”loyihasi moderator-treniri;
• Milliy o‘quv dasturini amaliyotga joriy etish ishtirokchisi;  
• Unesco va Unicef'ning bir qator ta’lim loyihalari dasturlari ishtirokchisiman.

Ish stajim:

•Akademik litsey;
•Respublika ta'lim markazi;
•Abdulla Avloniy nomidagi milliy-tadqiqot instituti.

Mustaqil ijodkorman. Davlat mukofotlari bilan taqdirlanmaganman.Ilmiy darajaga ega emasman.

Kanalga ulangan bot faoliyati vaqtinchalik to'xtagani bois, savollarni kommentariyda qoldirishingiz mumkin. Kanal ko'ngilli pedagoglar tajribasini ulashadi.

Инглиз тили ўқитувчиларини "пачка-пачка" қилиб Финляндия ёки бошқа хорижий давлатларга юборишдан таълимга ҳеч қандай фойда йўқ! Шу пайтгача бориб келганларни кузатдим, шунчаки чет элга дам олишга бориб келгандек.

Афсус, нотўғри сарфланган пуллар...

Чунки юборилган ўқитувчиларни портфолиосини кўтариб текшириб кўрингда, ҳали Ўзбекистонда айтарли иш қилмаган, ўқувчиларини IELTS натижаларидан бошқасини кўрсатолмайдиганлар давлат ҳисобидан чет эл сафарларида. Ўша ўқувчиларни IELTS натижалари ҳам ўқув марказларни меҳнатлари билан амалга ошган. Тайёр меҳнатни олқишига шерик бўлиш эса бизга жуда хос.

Дунё тажрибаси кўрсатиб берди IELTS бутун бошли таълим тизими эмаслигини, лекин бизда IELTS таълимнинг барча тармоқларида ўлчов бирлиги, эталонга айланган.

Чет элга бир нимани қойиллатган, борса бир нималарни олиб келадиган ва таълимга жорий қилишга қодир кадрларни олиб боринглар, шунда пулларимиз ҳавога учиб кетмайди, қилинган харажатлар эса ўзини оқлай бошлайди.

Феруз Акбаров

@pedagogik_mahorat01

Boshlang'ich sinf o'qituvchilari uchun muhim tavsiyalar
Kichik yoshdagi bolalarni o'qitishda quyidagi usullar tajribadan muvaffaqiyatli o'tgan hisoblanadi:

1.Faol tinglash

O'zini to'liq ifoda etish uchun og'zaki qobiliyatga ega bo'lmagan bolalarga yordam berish uchun faol tinglashni o'qitish usuli sifatida qo'llang. Faol tinglash o'yin-kulgi yoki sport mashg'ulotlari orqali o'tkaziladi va bolalar bu harakatlarni tasvirlab berishadi. Tinglashning faol usullarida his -tuyg'ular to'g'ri ifoda etilmaganda, o'quvchilar o'rtasida almashish paytida va sinfdagi o'zaro nizolarni hal qilishga yordam beradi va yana boshlang'ich sinf o'quvchilariga yo'nalish va ma'lumotlarni uzatishni o'rgatadi.

2.Konstruktiv mulohaza

Ijobiy fikr (mulohazalarni taklif qilish) orqali boshlang'ich sinf o'qituvchilari o'quvchilarni o'qitish va yo'naltirishga yordam beradi.  Konstruktiv usulda o'quvchilarga yaxshi bajarilgan ish uchun maqtov aytiladi.  Sinfga konstruktiv qayta aloqa usullarini kiritish orqali o'qituvchilar bolalarni vazifa bajarilganda yoki ko'rsatmalarga rioya qilgan holda baholashadi. Bu tan olinish boshqa bolalarni ham maqtovga sazovor bo'lgan bolaning natijalariga ergashishga undaydi.  Bolani yaxshi xulq-atvori uchun maqtashning bu usuli, qoidalarga rioya qilishda qiynalayotgan o'quvchini jazolashdan ko'ra ancha ta'sirlidir.

3. Vazifalar ro'yxatiBirgalikda ishlash bolalar o'rtasida bilim va hamjihatlikni kuchaytirishi mumkin.  Ish jadvallarini yoki sinflar ro'yxatini tuzish - bajarilishi kerak bo'lgan kundalik vazifalarni ro'yxatga olish va kuzatish usuli.  Bolalarga kun uchun kim mas'ul ekanligini va kim ro'yxatdagi aniq vazifalarni bajarishini tanlashiga ruxsat bering.  Jamoada ishlash sinfdagi uyg'unlikni kuchaytiradi va bolalarga vazifani navbat bilan bajarishga imkon beradi.  Bu o'z-o'zini hurmat qilish va muloqotni rag'batlantirishga yordam beradi.

4. Ma'lumotli bo'lishBoshlang'ichda o'qitishning ko'p jihatlari o'qituvchi bilan o'quvchilarning o'zaro munosabatlariga bog'liq bo'lsa-da, o'qituvchilar shuningdek, malaka oshirish va tashqi ta'lim variantlaridan ham vosita sifatida foydalanishlari mumkin.  Boshlang'ich ta'limning so'nggi tendensiyalari va yangi g'oyalarini kuzatib, o'qituvchilar o'z sinflariga ta'limdagi yangi metodlar va o'qitish usullarini joriy etishlari mumkin.
Bunda, albatta, o'qituvchining mustaqil izlanuvchanlik salohiyati g'oyat muhim o'rin tutadi.

@pedagogik_mahorat01