Bu oy suhbatimiz yodingizda-a? Soat 20:00da boshlaymiz?

Havola orqali yaqinlarni taklif qilishingiz mumkin:

https://t.me/asaxiybooks?livestream=f3e729523f36f7b62c

20-avgust kuni Respublika bolalar kutubxonasida "Milliy tiklanish" partiyasi bolalar adabiyotini rivojlantirish mavzusida ochiq muloqot tashkillashtirdi. Afsuski, keyingi uchrashuv vaqti kelib qolganligi uchun takliflarimni berolmasdan tadbirdan ketdim.

Bolalar adabiyotini, bolalar orasida kitobxonlikni rivojlantirish uchun bir nechta takliflarni aytib o‘tmoqchiman.

O‘zi ko‘p kitob o‘qilishi uchun nima qilish kerak?

Bu ikkita faktorga juda bog‘liq.

1. Mamlakatda so‘z erkinligi rivojlanishi kerak. Muammolar ochiq gapiriladigan joyda aholini futbol yoki turk seriali bilan aldab qo‘yib bo‘lmaydi. Odamlar muammolar aytilgan sari hayotni tushungisi, muammolarning sababini bilgisi, ularga yechim izlagisi keladi. Bu ularni o‘qishga, o‘rganishga, izlanishga, hayotdan ma’no qidirishga undaydi.

2. Mamlakatda bilim qadrlanadigan inklyuziv tizim shakllanishi kerak. Bu adolatli tizim, keng va teng imkoniyatlar, kuchli ijtimoiy lift orqali bo‘ladi. Yaxshi ta’lim olgan, o‘qigan, bilimli insonlar yaxshiroq yashasa, ko‘proq daromad qilsa, ko‘proq hurmat qilinsa, insonlar shuncha farzandining ta’limiga ko‘proq e’tibor beradi. Buning ortida ta’lim, uning asoslaridan biri kitob, o‘zi umuman bilim beradigan manbalar rivojlanadi.

Yangi davrda ikkala masalada ham yaxshilanish bo‘ldi. So‘z erkinligi so‘nggi yillarda biroz yana ortga chekingandek bo‘lsa-da, bilim va ta’limning ahamiyati oshib bormoqda. Xususiy ta’lim, treninglar va kitoblar ommalashishi, ota-onalar farzandimni o‘qitaman deb kursma-kurs olib yurganligi ham shundan. Orzudagi O‘zbekistonni qurish uchun bu ikki yo‘nalishni doimiy yaxshilashimiz kerak. Bu fundamental asos.

Bolalar o‘rtasida kitobxonlik rivojlanishi uchun nima qilish kerak?

Bunda ham 2ta taklifim bor.

1. Kutubxonachi kasbini qaytadan ko‘rib chiqish kerak. Hozir ular eng past maosh oladigan, asosan rahbariyatning buyrug‘ini bajaradigan noto‘g‘ri KPI bilan ishlaydigan qatlamdir. Kutubxonachiga KPI qilib ko‘proq bolani kitob o‘qitish emas, kitoblarni yangi va toza saqlash qo‘yilgan. Natijada kutubxonachi bugun bola kitob o‘qishidan emas, kitoblar joyida turishidan, qo‘polroq aytsa o‘qilmasligidan manfaatdor. Rahbariyat talabi shu. Bu kasbning maqsadining ayni qarama-qarshisi. Shu uchun ham kutubxonachilar ishini to‘liq ko‘rib chiqib, ularni ko‘proq bolani kitob o‘qishga undaydigan yangi tizim yaratish kerak. Ishdan maqsadi kitob qo‘riqlash emas, o‘qitish bo‘lishi kerak. Ikkinchisi, kutubxonaga nisbatan sifatli, jonkuyar, kitobni tushunadigan kadrlar kelishi uchun kutubxonachilar maoshini oshirish kerak. Ularning maoshi kamida ingliz tili o‘qituvchisi darajasida bo‘lishi kerak. Kitob o‘qishining ahamiyati ingliz tilini o‘rganishdan kam emas.

2. Adabiyot darslarining metodikasini qaytadan ko‘rib chiqish kerak. Adabiyot muallimi bolani ko‘proq kitob yodlatib, testga tayyorlaydigan emas, bolaga kitob o‘qitadigan muallimga aylanishi kerak. Bola Abdulla Qahhorning tug‘ilgan yillari yoki qaysi asarni yozganini yodlashni o‘rniga, uning asarini o‘qib, tushunishga harakat qilishi kerak. Bu ham milliy dastursiz, mutaxassislarsiz, o‘n yillarsiz bo‘lmaydigan jarayon. Bu uchun hatto adabiyotdan testni bekor qilishimizga to‘g‘ri kelishi mumkin.

Bolalar kitoblari rivojlanishi uchun nima qilish kerak?

Sohaga ijtimoiy buyurtmalarni ko‘paytirish kerak. Shu yili biz bolalar redaksiyasini rivojlantirishimiz uchun AOKA va jurnalistlar uyushmasi bizga beshta kitobning nashrga tayyorlash ishlarini davlat granti qilib berishdi. Bolalar adabiyoti moliyaviy tomondan o‘zini oqlamayotgan ekan, eng yaxshi yo‘l sohada sifat va tajribasi bilan o‘zini oqlagan nashriyotlarni to‘g‘ridan to‘g‘ri moliyalashtirish, grant va subsidiyalarni ko‘paytirishdir.

Shulardan kelib chiqsa, sohani rivojlantirish faqat bir tomonlama qaror bilan emas, ta’lim, mamlakatda erkinlik va adolat rivoji, shuningdek kitob yaratuvchilarga investitsiya orqali bo‘ladi deb o‘ylayman.

Muhim mavzuni muhokamaga olib chiqqan Milliy tiklanish partiyasiga va uning Kengash raisi o‘rinbosari Feruza Muhammadjonovaga o‘z minnatdorchiligimni bildiraman.

@allaevuzb

Адолат ва ахлоқ синовдан ўтказиладиган дунёга қадам қўйинг?️*
Ҳарпер Лининг *"Мазахчини ўлдириш" асари инсонийлик, ҳамдардлик ва тўғриликни ҳимоя қилиш йўлидаги жасорат ҳақида асардир. Ушбу классик роман кўпчиликнинг севимли китобига айланган ва биринчи нашридек кучли ва долзарб бўлиб қолмоқда.

? Мутолаа қилишга улгурмаганлар учун китоб #яна_сотувда, ҳавола орқали буюртма қолдириш мумкин: asaxiy.uz/u/66c0aed1edc38

Китобни ўқиганлардан изоҳларда фикр кутамиз)
@asaxiybooks

Ovoz berish yakunlandi)

So‘rovnomadan kelib chiqib 1-iyun kuni 17:00da kitob suhbatini o‘tkazamiz.

Manzil va qo‘shimcha ma’lumotlar bilan ham tez orada bo‘lishamiz?

@asaxiybooks