ته په مات شوي بنګړي ژاړې
زه په مات شوې زړګي کړس خندا کومه🥹****

قبر ته راشه اواز وکه
که خاموش پاتې شوم خفه به درنه يمه

د بې وسۍ دوران به تير شي
هير به مې نشي د بې ننګو پیغورونه🥹

**ژونده د هر چا سره ته وې
چا به جوړ کړې چا به وران کړې
خو تر ما پورې رانغلې
نه مې زړه کړې، نه مې ځان کړې
نه مې وليدې په مخ کې
نه هېندارو درته پرېښوم
نه مې پل درسره واخيست
نه دې لارو درته پرېښوم
نه دې رزق نه وزګار شوم
نه دې ساه نه وزګارېږم
زړه مې تنګ دی وايې کله به درزا نه وزګارېږم
ژونده هسې په نامه دې ځان ژوندی حسابومه
ته که يې د چا به يې زه دې پردی حسابومه

سیدشاه سعود**

**پر بارخو يې ستوری جوړ په قلم ګرځي
بند پر بند د نور سیلاب يې اعضا باسي

- پروفيسور راز محمد راز**

**اور ته د دوزخ پناه وروړل ښه دي
اړ مه شه آدم د آدم سيوري ته

- استاد پسرلی**

**د يــــوې ډېـــــرې مقدســې لـمحـې
په يوې ډېرې مقدسې حصې کښې

مـــا مــحســوس کـــــړې ئـــې تـــۀ
مـــــــا پېـــژنــــدلـــــــې ئــــې تـــۀ

ممتاز**

**د ساه زنځيره رحم اوکړه، زه ځم ورپسې
پرېږده ځواني له مانه لاړه، ما پرېږده کنه

په تورې شپې راتلمه ځکه، تنها راتلمه
سائې د ورځې هم په شاړه، ما پرېږده کنه

ولې عذاب تېروو مونږه، د څه د پاره؟
دومره خاموش ولې يو دواړه،؟ ما پرېږده کنه

ممتاز اورکزی**

**مینه حقیقت حُسن سایه د حقیقت ده
حسن له زوال شته مینه نه لري زوال

غني خان**

د ګلونو په موسم کې خوار هغه دی
چې یې نه پیاله په لاس نه یې نګار شته#خوشال بابا