السلام عليكم
#ملاحظة
الي يدخلون للبوت الخاص بالقناة من اتم الموافقه عليهم خل يعطون ارآئهم قصائدهم مو بس يسجلون بي
ترى هو بوت مو مزار أمانة الله🙂

**ســاتر ذنــبـــي وعـيــوبي
رايــد آنــه غـــفــــرانـــك
باب أهلي وعَلّي مسـدود!
بـــَس مــفتوحـة بـيـبانك

فِــطرس مــن نِــزل كَدره
أخــذ جــبريل واســطتـه
يــدري بــالـعــرش نـورك
لايــذ بــيــك بـــس أنــته
هَــنَّــه بــجيتك الــوالـــي
وفـرحــت حــيل فاطمته
الله لــــو طــفــت نــــاره
فتـح بـحسين بـس جَنته

أجــيك بــكل وكت أنــحب
واصــيحـن آه يـــحــزانــك
باب أهـلي وعلي مـســدود
بـــَس مــفـتوحـة بــيــبانك**

#لبابة_آل_ياسين

إلهي بالحسين❤️

منو يعرف منو فِطرس؟
عليك العباس لاتبحث بالكوكل😐

شنو حابين نقدم نوع قصائد اكثر منبري لو منصة؟

هــو العِمة مو بالنــظر ...!
عباس ضامي بس نـهر

لٌـــبابة آلــ ياســين

موفقين يارب

البيت الاول من القصيدة
باقي الابيات تباعا
اداء الرادود احمد الكاظمي
كلمات الزهرائي صباح العزاوي

كعدية بعنوان (عِبرة) وهي رسالة توعوية
لكل المعنيين في الساحة الحسينية وسلطنا
الضوء على بعض السلبيات الموجودة
نسأل الله ان يوفقنا واياكم لاحياء امر
محمد وال محمد صلوات الله وسلامه عليهم،

اسمع زين هذا حسين
هـذا الـينطي الـكـل العالم مايحتاج الناس
هذا الضحى بدمه الدينه وطاح ويا عباس
اسمع زين

اسـمـعو يهل الـمآتـم هـل رسـالة وركـزو بيها
تضحيات الطف چبيرة واجب اعلينه انوعيها
الحسيني عِبرة ياخذ مـو فـقـط عَبرة يبچيها
كـون الـتزامـه يـمـيّزه
نيته السليمـة اتـحفزه
موش الرياء ال بالعزه
والمظاهر يمتطيها

بذمتك دين فعل الشين
لاتـلچم بـجـروح الـعترة بـفـعـالك يفلان
حسينك صار لمنهج جده يالخادم قربان
اسمع زين

احضر وقيم المجالس بس مجالس بيها فكرة
تطرح الچلمة السليمة وتمزج العَبرة وي عِبرة
واتـرك الـطـشة واهـلهـا والا مـلا فـلان يـقـره
مذمومة كل هاي السنن
مـامـش وراهـا الا الفتن
خل مجلسك لام الحسن
اخلص النية تحضره

يجلي الرين من الصوبين
لو صار المجلس عالفطرة بي روحيه هواي
انـت الـفـايز يابـو الـمـوكـب تـتسجل وفاي
اسمع زين

باللطم عوف المناصب والا باول جوكه تظهر
وانت ابو الموكب لزوما والا توكف جوه منبر
وهذا وخره وذاك اطرده والقضية زادت اكثر
بـعـض الـكـلام اليـنـطـرح
البعض النواصب بي مدح
لـزهـرة سـبــبـتـو الـجـرح
وهل مصيبة هاي اكبر

هل اثنين چن ركنين
الشاعر والرادود امحاسب عالچلمة التنكال
واليسمع خـل ياخـذ عِبـرة من هاي الامثال
اسمع زين

لختلاف الويه ربعـك واخـتـلافـك ويـه زايـر
انـت ياخـادم اعـبـره مـو تـسـوّيـهـا عـشـايـر
زحمة من حسين واخجل يمته تهتز الضماير
اتـرك خـلافك من اجل
مولاك ابو اليمه الاصل
ولـخاطره طيح الفصل
واترك افعال الضراير

والچفين وسهم بعين
قدمهن عـباس الخاطر مـولاه ومولاك
شتقدم هاي بميزانك وانت تفوز هناك
اسمع زين

وانت يالرادود افهم واعرف ابمعنى القضية
مـو عـلى حساب المصالح تكسر الضلع بأذية
ويـاحـزب يـدفعـلك اكـثر ادّفّع اباب الزچية
بـسمارك اقوى بهل وضع
والـبـاب تـشـلـعـها بـدفـع
وضـلـوع تـكـسر مـوضلع
لا تكول آنه اشعليه

تشب نارين بضّلعين
ضلع الزهرة وضلع المهدي راعي الهذا الثار
لتـبيع آخـرتك بالدنيا وتـخـذل حامي الجار
اسمع زين

#شاعر_منتدى_قمم
#صباح_العزاوي

https://t.me/AliDili90

الي مفتهم وعنده سؤال اني بخدمته