لە کۆتایی نامەکەتا
لە نامەکەی ئەمجارەتا
گیانە..
ئەڵێی: من بە قەت چەند، خۆشم ئەوێی؟
ئازیزەکەم، وەک چۆن بەهار
ئاسمانی شینی خۆش ئەوێ
یان پەپوولەی هەردەو نزار
هەنگی دڵدار
گوڵ باخی، ژینی خۆش ئەوێ
شیلەی شیرینی خۆش ئەوێ
خۆشم ئەوێی.
یان چۆن بەفری چیای کوێستان
کانیی ڕوونی، ناو دارستان
تریفەی مانگیان، خۆش ئەوێ
گزنگی خۆریان، خۆش ئەوێ
خۆشم ئەوێی!
ئازیزەکەم، ئەوەندەی خۆتت، خۆش ئەوێ
خۆم خۆشم ئەوێ!
خۆشم ئەوێی.

-شێرکۆ بێکەس

هاکا دیتت پێک گەییشتین
هاکا دیتت ئاوێتە بووین
وەک تانوپۆ
ئەوسا
هەموو زمانەکان
لەبیر دەکەم
لەگەڵ تۆدا هەر بێدەنگی
دەهێنمە گۆ..

-پەشێو

باران بیانوویەکی باش بوو
بۆ فرمێسک؛
کەس تێنەگەیشت کە باران نەبوو ئەباری،
دڵی بوو کە ئەکووڵی و
چاو هەڵئەچوو..

-ڕێکەوت

خۆشەویستم
ئەویندارت بووم
ئەوینی تۆم ئەپەرەست!
لە وادەی هیجرت خۆشەویستم
خوا پەرەست بووم؛
ئێستا ڕۆژی پێنج جار ئەپاڕێمەوە
کە خوا تۆم بداتەوە!
بێوەفا نیم، بێسفەت نیم
سەد جار بانگی دڵت ئەکەم بگەڕێوە؛
بگەڕێوە..

-ڕێکەوت

کچەکان مەشارنەوە کوڕەکان باش پەروەردە بکەن-??****

مژدەی هاتنی تۆ کام ئێوارەیە؟
با من لەبەرە بەیانەوە
چاوەڕێ بم..

-عەباس کەمەندی

تۆ كوردستانی كەوا وا هێندە خۆشەویستی❤️